Jenesisi 12:4 - ciNyungwe Bibliya

⁴ Abrahamu adaguduka ninga momwe adalewa Mbuya, ndipo Loti adayenda naye. Abrahamu pomwe adacoka ku Harani, akhana magole makumi manomwe na maxanu (75).

Jenesisi 12:4 ပူးပေါင်းရင်းမြစ်များ

Jenesisi 11:27

Uyu ni m'ndandanda wa dzindza la Tera: Tera adabereka Abrahamu, Nahori na Harani. Harani adabereka Loti.

Jenesisi 11:31

Ndipo Tera adatenga mwana wace Abrahamu na mzukulu wace Loti, mwana wa Harani, acitenga pomwe mulowola wace Sarai, mkazi wa mwana wace Abrahamu, ndipo adaguduka pabodzi, kucoka kumzinda wa Uri, wa kuKaldeya, kuyenda kudziko la Kenani. Tsono pomwe adafika kuHarani, adakhala kumweko.

Jenesisi 13:5

Loti omwe akhali pabodzi na Abrahamu, akhana bzifuwo na bzikumbi bzacembo.

Jenesisi 16:16

Panthawe imweyo, Abrahamu akhadafika magole makumi masere na matanthatu.

Jenesisi 16:3

Pomwe bzidacitika bzimwebzi, yakhadakwana magole khumi yakuti mamuna wace Abrahamu akhakhala muKanani. Ndiyo nthawe yomwe Sarai mkazi wace, adam' pasa kapolo wace wa kuIjipito Hagari.

Jenesisi 25:7

Abrahamu, pomwe adasayika akhana magole dzana na makumi manomwe na maxanu.

Jenesisi 28:10

Jakobo adaguduka kucoka ku Beereseba, aciyenda ku Harani.

Mabasa ya Atumiki 7:4

“Pamwepo iye adacoka kudziko la aKalideya ndipo adakakhala kuHarani. Baba wace atafa, Mulungu adam'bweresa kudziko lino, lomwe mulikukhala tsapano.

aHeberi 11:8

Kudzera mwa cikhulupiriro Abrahamu, pomwe adacemerewa, adabvera aciyenda kumbuto yomwe angadadzatambira ninga utaka, napo akhadziwa lini komwe akhayenda.

aHeberi 6:15

Ndipo bzidacitika tenepoyo, Abrahamu atadikhira mwakuderekha adadzatambira comwe adapiciridwa.