Cidziwiso 4:8 - ciNyungwe Bibliya

⁸ Cibodzi na cibodzi cikhana maphaphidwe matanthatu ndipo yakhadadzala na maso, mumbali mwace napo munyantsi mwa maphaphidwe. Usiku na masikati bzikhambaimba mwakusaya kulekeza kuti: “Wakucena, wakucena, wakucena ni Mbuya, Mulungu Wamphambvu-zentse, omwe akhali, omwe ndiye ndipo omwe an'dzabwera”.

Cidziwiso 4:8 ပူးပေါင်းရင်းမြစ်များ

Jenesisi 17:1

Pomwe Abrahamu akhana magole makumi mapfemba na mapfemba (99), Mulungu adamuwonekera acimuuza kuti: “Ine ndine Mulungu wa mphambvu zentse. Na tenepo, umbakhale pamaso pangu, ndipo umbakhale wakucena.

Ekisodo 15:11

“Mbani pakati pa mirungu adalinganira na imwe, Mbuya? Mbani adalinganira na imwe, wakulemekezedwa mwa kucena, wakugosva thangwe ra mabasa yanu ya ulemerero ndipo yakudabwisa, omwe ambakondza bzidabwiso?

Ekisodo 3:14

Mulungu adauza Mozeji kuti: “INE NDINE OMWE NDINE. Ni bzimwedzi bzomwe udzalewe kuna aIjirayeri: INE NDINE ndiye wandituma kuna imwe”.

Mabasa ya Atumiki 20:31

Na tenepo khalani na cheru! Kumbukirani kuti m'kati mwa magole matatu ndiribe kuleka kukucenjezani m'bodzi-na-m'bodzi wa imwe bzimwebzi, usiku na masikati na misozi.

2 aKolinto 6:18

“ndipo nin'dzakhala Baba wanu, ndipo imwepo mun'dzakhala wana wangu wacimuna na wacikazi”, alikulewa Mbuya Wamphambvu-Zentse.

1 aTesalonika 2:9

Abale, cadidi imwepo mulikukumbukira basa lathu lakunesa na kutinetesa. Timbaphata basa usiku na masikati kuti tireke kukhala cakulemera kwa ali-yentse, uko ticimbakupalidzirani Mafala Yabwino ya Mulungu.

1 Timoti 4:16

Bzisamale iwe wekha, na bzakupfunzisa bzako. Pitiriza na kucita bzobzo, thangwe pakucita bzimwebzi un'dzabzipulumusa iwe wekha, napombo omwe ambabva mafala yako.

2 Timoti 4:2

palidza mafala ya Mulungu. Umbayapalidze panthawe yace napo icikhala nthawe yace lini, umbawatsimule, umbawayeruze, umbawalimbikise mwakuderekha na kuwapfundzisa.

aHeberi 13:8

Jezu Krixtu ni m'bodziyo, dzulo, lero ndipo mpaka kuyenda-na-kuyenda.

Cidziwiso 1:4

Ine Juwau, ndirikunembera gereja zinomwe (7) za cigawo ca Aziya. Kwa imwepo nkhombo na mtendere bzakucokera kwa ule omwe alipo, omwe akhali, ndipo omwe an'dzabwera, kucokera kwa mizimu minomwe (7) ya Mulungu yomwe iri kutsogolo kwa mpando wace wa umambo,

Cidziwiso 1:8

“Ine ndine Alfa na Omega”, alikulewa Mbuya Mulungu, omwe alipo, omwe akhali ndipo omwe an'dzabwera, Wamphambvu-zentse.

Cidziwiso 11:17

aciti: “Nkhombo zikhale kwa imwe, Mbuya Mulungu Wamphambvu-zentse, omwe ndimwe ndipo mukhali, thangwe mudawonesa mphambvu zanu zikulu ndipo mudayamba kutonga.

Cidziwiso 14:11

ndipo utsi bwa kuboneresa kwa wanthuwo bun'dzakwira kwakusaya kumala. Kwa wentse omwe an'tumbiza ciromboco na cifanikizo cace, ndipo kwa omwe an'tambira cizindikiro ca dzina lace, kulibe kupuma masikati na usiku”.

Cidziwiso 14:3

Iwo akhaimba nyimbo ipsa patsogolo pa mpando wa umambo, pa bzamoyo bzinai (4) na pa akulu-akulu. Palibe omwe angadapfundza nyimboyo, pokha-pokha wale bzulu dzana na makumi manai na anai (144.000) omwe akhadagulidwa padziko la pantsi.

Cidziwiso 15:3

ndipo akhaimba nyimbo ya Mozeji, nyagirinya wa Mulungu, ndipo na nyimbo ya Bira acimbati: “Makulu na yakudabwisa ni mabasa yanu, Mbuya Mulungu Wamphambvu-zentse. Zakulungama na zacadidi ni njira zanu, Imwe, Mambo wa madziko.

Cidziwiso 15:7

Ndipo cibodzi ca bzamoyo bzinai (4) cidapereka kuna anju anomwe (7) tacu zinomwe (7) za oro zakudzaza na ukali bwa Mulungu ana moyo kwakusaya kumala.

Cidziwiso 16:14

Ni mizimu ya dimonyo yomwe yambacita bzilatizo bzakudabwisa. Iyo imbayenda kwa azimambo wa dziko lentse la pantsi, kuti iwagumanisire kunkhondo ya ntsiku ikulu ya Mulungu Wamphambvu-zentse.

Cidziwiso 16:7

Ndipo ndidabva fala likhacokera paguwa liciti: “Inde, Mbuya Mulungu Wamphambvu-zentse, kutonga kwanu ni kwacadidi ndipo kwakulungama”.

Cidziwiso 19:15

Pamulomo pace pakhacoka cisenga cakuthwa, comwe an'dzapweteka naco madziko. “Iye adzayatonga na mpsimbo ya utale.” Iye an'dzaponda uva mucakupsinyira vinyu ya ukali bwakugosva bwa Mulungu Wamphambvu-zentse.

Cidziwiso 19:4

Akulu-akulu makumi mawiri na anai (24) na bzamoyo bzinai (4) adagodama acitumbiza Mulungu, omwe akhadakhala pampando wa umambo, ndipo adakuwa aciti: “Ameni, Aleruya!”

Cidziwiso 21:22

Ndiribe kuwona mbuto yakucena na ibodziyo m'mzinda, nakuti mbuto yakucena ya mumzindawo ni Mbuya Mulungu Wamphambvu-zentse na Bira.

Cidziwiso 3:7

“Nembera anju wa gereja ya kuFiladelifiya kuti: Aya ndiyo mafala ya Ule omwe ni wakucena ndipo wacadidi, omwe ana mfungulo wa mambo Davidi. Bzomwe Iye an'fungula palibe omwe angafunge, ndipo bzomwe Iye an'funga palibe omwe angafungule.

Cidziwiso 4:4

Mumphepete mwa mpandowo, mukhana mipando inango ya umambo makumi mawiri na minai (24), ndipo ikhadakhalidwa na akulu-akulu makumi mawiri na anai (24). Iwo akhadabvala bzakubvala bzicena, mumsolo mwawo akhana ntsinga-msolo za ukulu za oro.

Cidziwiso 4:6

Ndipo kutsogolo kwa mpando wa umambo kukhana cinthu cakuwoneka ninga nyandza ya vidru yakuyetima kwene-kwene. Pakati-na-kati, mwakuzungulira mpando wa umambo ule, pakhana bzamoyo bzinai bzakudzala na maso, kutsogolo napo kumbuyo.

Cidziwiso 4:9

Nthawe zentse zomwe bzamoyo bzimbapereka mbiri, kutumbiza na kutenda kwa Ule omwe adakhala pampando wa umambo ana moyo wakusaya kumala,

Cidziwiso 5:6

Patsogolo pace ndidawona Bira, akhawoneka ninga adafa akhadaima kati-na-kati ya mpando wa umambo, akhadazunguliridwa na bzamoyo bzinai (4) na akulu-akulu. Birayo akhana nyanga zinomwe (7) na maso manomwe (7), yomwe ni mizimu minomwe (7) ya Mulungu yakutumidwa padziko la pantsi lentse.

Cidziwiso 6:1

Ndidawona pomwe Bira adakwatula selo yakuyamba pa selo zinomwe. Pamwepo ndidabva cibodzi ca bzamoyo bzinai (4) cicimbalewa na fala lakugunda kuti: “Bwera!”

Cidziwiso 6:6

Pamwepo ndidabva cinthu cakubveka ninga fala pakati pa bzamoyo bzinai (4), cikhalewa kuti: “Gaba m'bodzi wa tirigu alipiridwe na basa la ntsiku ibodzi, ndipo magaba matatu ya sevada yalipiridwe na basa la ntsiku ibodzi, ndipo lekani kudzonga azete na vinyu!”

Cidziwiso 7:11

Anju wentse akhadaimirira mwakuzungulira mpando wa umambo, akulu-akulu na bzamoyo bzinai (4). Iwo adagodama acitsulima patsogolo pampando wa umambo ndipo adapemba Mulungu,

Cidziwiso 7:15

Ndipopo, “iwo ali patsogolo pa mpando wa umambo wa Mulungu ndipo ambamutumikira masikati na usiku pambuto yace yakucena. Ndipo ule omwe adakhala pampando wa umambo an'dzawakhocerera na cikumbi ca mapembo cace.