Cidziwiso 21:3 - ciNyungwe Bibliya

³ Ndidabva fala lamphambvu likhacokera kumpando wa umambo likhambalewa kuti: “Tsapano cikumbi ca Mulungu ciri pakati pa wanthu, ndipo Iye an'dzakhala nawo. Iwo an'dzakhala mbumba ya Mulungu ndipo Iye an'dzakhala na iwo ndipo an'dzakhala Mulungu wawo.

Cidziwiso 21:3 ပူးပေါင်းရင်းမြစ်များ

Ekisodo 25:8

“Ndipo andikondzere nyumba yakucena, kuti Ine ndidzakhale pakati pawo”.

Ekisodo 29:45

Nin'dzakhala pakati pa aIjirayeri ndipo nin'dzakhala Mulungu wawo.

Juwau 1:14

Ndipo fala lire lidasanduka thupi licidzakhala pakati pathu, tidawona ukulu bwace, ninga ukulu bwa mwana m'bodzi yekha wa Baba, bwakudzala na ubwino na cadidi.

Juwau 14:23

Jezu adatawira aciti: “Penu winango ambandifuna, an'dzakoya fala langu. Ndipo baba wangu an'dzamufuna. Ine na baba tin'dzabwera ticikhala mwa iye.

2 aKolinto 6:16

Pangakhale cipangano pakati pa Nyumba ya Mulungu na bzifanikizo? Nakuti ndife nyumba yakucena ya Mulungu wamoyo. Ninga momwe adalewera Mulungu kuti: “Nin'dzakhala na iwo ndipo nin'dzafamba pakati pawo. Nin'dzakhala Mulungu wawo, ndipo iwo an'dzakhala mbumba yangu”.

2 aKolinto 6:18

“ndipo nin'dzakhala Baba wanu, ndipo imwepo mun'dzakhala wana wangu wacimuna na wacikazi”, alikulewa Mbuya Wamphambvu-Zentse.

1 aTesalonika 3:11

Kuti Mulungu caiye, Baba wathu, na Mbuya wathu Jezu atikondzere njira yathu mpaka tidzafike kuna imwe.

aHeberi 11:16

Kusiyana na bzimwebzo, iwo akhadikhira dziko labwino kuposa, bzimwebzi ni kulewa kuti dziko la kudzulu. Na thangwe limweri, Mulungu anibva lini manyazi na kucemeredwa kuti ni Mulungu wawo, ndipo adawakondzera mzinda.

aHeberi 8:10

“Cimweci ni cipangano comwe nin'dzacita na mbumba ya Ijirayeri zatapita ntsiku zimwezo”, alikulewa Mbuya. “Nin'dzaikha mitemo yangu mundzeru zawo ndipo nin'dzainemba m'mitima mwawo. Nin'dzakhala Mulungu wawo, ndipo iwo an'dzakhala mbumba yangu.

aHeberi 8:2

ndipo ambatumikira pambuto yakucena, pacikumbi ca mapembo caico comwe Mbuya adamanga, sikuti munthu.

Cidziwiso 10:4

Kugunda kunomweko kwatamala, ine ndikhadakondzeka kuti ndinembe, tsono ndidabva fala kudzulu lakuti: “Koya mumtima bzomwe bzalewedwa na kugunda kunomweko, leka kubzinemba”.

Cidziwiso 10:8

Patsogolo pace, adalewa pomwe na ine fala lomwe ndikhadabva kale kucokera kudzulu lakuti: “Ndoko, phata livu lakufunguka lomwe liri m'manja mwa anju omwe adaima padzulu pa nyandza na padzulu pa mataka”.

Cidziwiso 12:10

Pamwepo ndidabva fala lamphambvu kudzulu, lakuti: “Tsapano cipulumuso cabwera, mphambvu na Umambo bwa Mulungu wathu, na utongi bwa Krixtu wace, nakuti adathusidwa kunja wakupasa mulandu abale wathu, omwe ambawapasa mulandu patsogolo pa Mulungu wathu masikati na usiku.

Cidziwiso 21:7

Wakukunda an'dzakhala na utaka bwentsenebu, ndipo Ine nin'dzakhala Mulungu wace ndipo iye an'dzakhala mwana wangu.

Cidziwiso 22:3

Mum'zindamo mun'dzawoneka lini pomwe cakutembereredwa na Mulungu cipo. Mpando wa umambo wa Mulungu na wa Bira un'dzakhala mumzinda, ndipo anyagirinya wace an'dzamutumikira.

Cidziwiso 7:15

Ndipopo, “iwo ali patsogolo pa mpando wa umambo wa Mulungu ndipo ambamutumikira masikati na usiku pambuto yace yakucena. Ndipo ule omwe adakhala pampando wa umambo an'dzawakhocerera na cikumbi ca mapembo cace.