Cidziwiso 2:17 - ciNyungwe Bibliya

¹⁷ “Omwe ana makutu, abve bzomwe Mzimu wa Mulungu alikulewa kuna gerejazi. Kwa omwe an'dzakunda, nin'dzamupasa cipande cibodzi ca mana yakubisika ndipombo nin'dzamupasa mwala ucena na dzina lipsa lakunembedwa pamwalayo, lakudziwika na ule yekha omwe aniutambira”.

Cidziwiso 2:17 ပူးပေါင်းရင်းမြစ်များ

Ekisodo 16:33

Pamwepo Mozeji adauza Aloni kuti: “Pima magaba mawiri ya mana uikhe mucombo ndipo uikhe pana Mbuya, kuti yakoyedwere mibadwe ya kutsogolo kuno”.

Mateu 13:11

Iye adawatawira kuti: “Imwepo mudapasidwa kudziwa bzintsintsi bza Umambo bwa kudzulu, tsono iwo alibe kupasidwa.

Maliko 7:16

“Omwe ana makutu yakubva, abve!”

Juwau 4:32

Ndipo iye adatawira kuti: “Ndiri naco cakudya comwe imwepo muncidziwa lini”.

1 aKolinto 2:14

Omwe alibe Mzimu wa Mulungu an'tawira lini bzinthu bza Mzimu wa Mulungu, nakuti kwa iye ni udzenga, ndipo angakwanise lini kubzibvesesa, thangwe ibzo bzimbabveseseka mwa Mzimu.

aKolose 3:3

Pakuti imwepo mudafa, tsapano moyo wanu udabisika pabodzi na Jezu mwa Mulungu.

Cidziwiso 14:3

Iwo akhaimba nyimbo ipsa patsogolo pa mpando wa umambo, pa bzamoyo bzinai (4) na pa akulu-akulu. Palibe omwe angadapfundza nyimboyo, pokha-pokha wale bzulu dzana na makumi manai na anai (144.000) omwe akhadagulidwa padziko la pantsi.

Cidziwiso 19:16

Mubzakufinikira bzace ndipo munchafu mwace mudanembedwa dzina lakuti: Mambo wa azimambo ndipo Mbuya wa azimbuya.

Cidziwiso 2:11

“Omwe ana makutu, abve bzomwe Mzimu ulikulewa kuna gerejazi. Wakukunda an'dzabonera lini impfa yaciwiri cipo”.

Cidziwiso 2:7

Omwe ana makutu, abve bzomwe Mzimu ulikulewa kuna gerejazi. Omwe an'dzakunda, nin'dzam'pasa ugo bwa kudya bza m'muti wamoyo omwe uli muparaizo ya Mulungu”.

Cidziwiso 3:22

Omwe ana makutu, abve bzomwe Mzimu wa Mulungu alikulewa kuna gerejazi”.

Cidziwiso 3:6

Omwe ana makutu, abve bzomwe Mzimu wa Mulungu alikulewa kuna gerejazi”.