Cidziwiso 19:4 - ciNyungwe Bibliya

⁴ Akulu-akulu makumi mawiri na anai (24) na bzamoyo bzinai (4) adagodama acitumbiza Mulungu, omwe akhadakhala pampando wa umambo, ndipo adakuwa aciti: “Ameni, Aleruya!”

Cidziwiso 19:4 ပူးပေါင်းရင်းမြစ်များ

Mateu 28:20

Muciwapfundzisa kubvera bzentse bzomwe Ine ndidakuuzani. Ndipo Ine nin'dzakhala namwe nthawe zentse mpaka kumalizira kwa pantsi”.

Mateu 6:13

Ndipo lekani kutirekerera ticigwa mukuyezedwa, tsono mutipulumuse kwa bzakuipa, thangwe bwanu ni Umambo, mphambvu na mbiri kwakuyenda na kuyenda. Ameni.

1 aKolinto 14:16

Penu iwepo umbatumbiza Mulungu na m'zimu, kodi munthu wakusaya kudziwa omwe ali pamwepo an'dzalewa tani “Amen” pa mpembo wakutenda omwe ulikucita? Nakuti iye an'dziwa lini bzomwe iwe ulikulewa.

Cidziwiso 15:7

Ndipo cibodzi ca bzamoyo bzinai (4) cidapereka kuna anju anomwe (7) tacu zinomwe (7) za oro zakudzaza na ukali bwa Mulungu ana moyo kwakusaya kumala.

Cidziwiso 19:1

Bzatapita bzimwebzi, ndidabva kudzulu cinthu ninga ciwowo ca mthithi ukulu wa wanthu omwe ukhati: “Aleruya! Cipulumuso, mbiri na mphambvu ni bza Mulungu wathu,

Cidziwiso 19:3

Mthithi udakuwa pomwe uciti: “Aleruya! Utsi bomwe buli kucoka kuna mzindawo, bulikukwira kwakusaya kumala”.

Cidziwiso 19:6

Pamwepo ndidabva cinthu ca muwira wakulingana na wa mthithi ukulu, ninga kukukuma kwa madzi mazinji na kugunda kwamphambvu cikhati: “Aleruya! Nakuti alikutonga Mbuya, Mulungu wathu, Wamphambvu-zentse.

Cidziwiso 5:14

Ndipo bzamoyo bzinai bzikhati: “Ameni”, ndipo akulu-akulu adagodama acim'pemba.