Cidziwiso 18:9 - ciNyungwe Bibliya

⁹ “Pomwe azimambo wa dziko la pantsi, omwe adacita upombo naye ndipo adacita cipande pa bzakudekesa bzace, akadzawona utsi buli tolotolo kucoka pakupsa kwa mzindawo, an'dzalira ndipo an'dzadandaula thangwe ra mzindawo.

Cidziwiso 18:9 ပူးပေါင်းရင်းမြစ်များ

Jenesisi 19:28

Adanyang'ana kumizinda ya Sodoma na Gomora na cigowa cire. Ndipo adandowona utsi uli tolo-tolo kucoka kucigowa kule ninga utsi wakucoka m'ng'anju ya moto.

1 Timoti 5:11

Tsono leka kunemba azimai wa magole pang'ono. Sabwa kusirira kwawo kukayamba ambadzasiya Krixtu, acifuna kulowodwa.

Cidziwiso 14:11

ndipo utsi bwa kuboneresa kwa wanthuwo bun'dzakwira kwakusaya kumala. Kwa wentse omwe an'tumbiza ciromboco na cifanikizo cace, ndipo kwa omwe an'tambira cizindikiro ca dzina lace, kulibe kupuma masikati na usiku”.

Cidziwiso 17:2

omwe azimambo wa dziko la pantsi adacita upombo naye. Ndipo wakukhala padziko la pantsi adaledzera na vinyu ya uputa bwace”.

Cidziwiso 18:18

Pakuwona utsi bwa moto wa mzindawo, an'dzakuwa kuti: ‘Ni mzinda uponi unango omwe unilingana na mzinda ukuluyu?’

Cidziwiso 18:20

Kudzulu kondwani na bzomwe bzacitika kwa mzindayo! Kondwani, nandi wakucena, atumiki na apolofita! Nakuti Mulungu adautonga, aciupasa nyathwa thangwe la bzomwe iwo udacita kuna imwe’ ”.

Cidziwiso 18:3

nakuti madziko yentse yadamwa vinyu ya ukali yomwe idabweresedwa na uputa bwace. Azimambo wa dziko la pantsi adacita upombo naye. Kudzera kwa kubzidekesa kwace kwakupitiriza, wamalonda wa padziko la pantsi adadala”.

Cidziwiso 18:7

Bzibodzi-bodzi ninga iye akhana ukulu, ndipo akhabzidekesa kwakupitiriza, tsapano mum'citise kuti abonere na kuwawidwa caiko ndipo mabvuto mazinji. Mum'tima mwace mkaziyo akhambabzikuza aciti: ‘Ndidakhala ninga mambo wacikazi. Ndine lini masiwa, ndipo nin'dzatsukwala lini pomwe’.

Cidziwiso 19:3

Mthithi udakuwa pomwe uciti: “Aleruya! Utsi bomwe buli kucoka kuna mzindawo, bulikukwira kwakusaya kumala”.

Cidziwiso 2:22

Na tenepoyo nin'dzamudwalisa, ndipo wale omwe an'cita naye upombo nin'dzawapasa mabvuto makulu, akasaya kukhumbula pa mabasa yomwe iye alikucita.