Cidziwiso 18:23 - ciNyungwe Bibliya

²³ Mkati mwa mzindawo mun'dzawoneka lini pomwe ceza ca ciphani-phani cipo. Mun'dzabveka lini pomwe fala la wakulowola na la wakulowodwa cipo. Wakugulisa wawo akhali wa mbiri pa basa limweri padziko la pantsi. Madziko yentse yadapumpsidwa na matsenga yace.

Cidziwiso 18:23 ပူးပေါင်းရင်းမြစ်များ

Mabasa ya Atumiki 8:11

Iwo akhambam'tewera, thangwe m'mbuyomo akhambawadabwisa na matsenga m'kati mwa nthawe itali.

Cidziwiso 12:9

Nyangumi mkulu adathusidwa kunja. Iye ndiye nyoka yakale yakucemeredwa Dyabu ayai Sathani omwe ambapumpsa dziko la pantsi lentse. Iye na anju zace adathusidwa padziko la pantsi.

Cidziwiso 17:2

omwe azimambo wa dziko la pantsi adacita upombo naye. Ndipo wakukhala padziko la pantsi adaledzera na vinyu ya uputa bwace”.

Cidziwiso 17:5

Pamkuma pace pakhadanemba dzina lakubisika kuti: “Babilonya ikulu, mai wa maputa ndipo kwa bzakucita bzakunyantsa bza dziko la pantsi”.

Cidziwiso 18:22

Un'dzabveka lini pomwe mum'zindayo muwira wa wakuliza santsi, wakuimba nyimbo, wakuliza bzitoliro na wakuliza bzimbututu cipo. An'dzawoneka lini pomwe mukati mwa mzinda ule azimisiri na m'bodziyo, ngakhale wakudziwa basa liri-lentse cipo. Mumzindawo mun'dzabveka lini pomwe muwira wa mpheyo cipo.

Cidziwiso 18:3

nakuti madziko yentse yadamwa vinyu ya ukali yomwe idabweresedwa na uputa bwace. Azimambo wa dziko la pantsi adacita upombo naye. Kudzera kwa kubzidekesa kwace kwakupitiriza, wamalonda wa padziko la pantsi adadala”.

Cidziwiso 18:9

“Pomwe azimambo wa dziko la pantsi, omwe adacita upombo naye ndipo adacita cipande pa bzakudekesa bzace, akadzawona utsi buli tolotolo kucoka pakupsa kwa mzindawo, an'dzalira ndipo an'dzadandaula thangwe ra mzindawo.

Cidziwiso 21:8

Tsono wamantha, wakusaya cikhulupiriro, wakufuna bzakunyantsa, wakupha andzawo, wa malume yakuletsedwa, wa ufiti, wakutumbiza bzifanikizo na wentse wakunama, mbuto yawo in'dzakhala kuthawale la moto lomwe limbagaka na enxofre. Imweyi ni impfa yaciwiri”.

Cidziwiso 22:15

Kunja kun'dzakhala mbwaya, wale an'cita ufiti, wale an'cita malume yakuletsedwa, wakupha, wakupemba bzifanikizo na wentse omwe an'funa ndipo acimbanama.

Cidziwiso 22:5

Pan'dzawoneka lini pomwe usiku. Ndipo iwo an'dzafuna lini pomwe ceza ca ciphaniphani, napo ceza ca dzuwa, nakuti Mbuya Mulungu an'dzawabvunikira. Ndipo iwo an'dzatonga kwakusaya kumala.

Cidziwiso 6:15

Pamwepo azimambo wa dziko la pantsi, akulu, atsogoleri wa acikunda, nyakudala, wamphambvu ndipo na anango wentse, anyagirinya na ampfulu, adabisala mubzigwindza na m'matsendwa ya m'mapiri.

Cidziwiso 9:21

Napombo alibe kukhumbula pa bzitazo bzawo bza kupha, bza ufiti, bza malume yakuletsedwa, na bza kuba.