Cidziwiso 18:10 - ciNyungwe Bibliya

¹⁰ An'dzakhala kutali thangwe ra mantha na kuboneresedwa kwawene ndipo an'dzakuwa kuti: “ ‘Tsoka! Mzinda ukulu! Babilonya, mzinda wamphambvu! Munthawe ibodzi yokha yafika nyathwa yawene!’

Cidziwiso 18:10 ပူးပေါင်းရင်းမြစ်များ

Cidziwiso 11:8

Bzitanda bzawo bzin'dzakhala mumseu wakuyamba wa mzinda ukulu, omwe madzina yakusuzira ni Sodoma na Ijipito, komwe kudakhomeredwambo Mbuya wawo.

Cidziwiso 14:8

Anju waciwiri adam'tewera aciti: “Yagwa! Yagwa Babilonya ikulu, yomwe idacitisa kuti madziko yentse yaledzere na vinyu ya malume yakuletsedwa yace, yomwe yan'bweresa ukali bwa Mulungu!”

Cidziwiso 16:19

Mzinda ukulu udagawika mbali zitatu, ndipo mizinda ya madziko idagumuka. Mulungu adakumbukira Babilonya ikulu ndipo adawapasa mkombo wa vinyu ya ukali bwakugosva bwace.

Cidziwiso 17:12

“Nyanga khumi (10) zomwe udawona, ni azimambo khumi (10) omwe akanati kutambira umambo, tsono mkati mwa nthawe ibodzi an'tambira mphambvu za umambo, pabodzi na cirombo.

Cidziwiso 18:18

Pakuwona utsi bwa moto wa mzindawo, an'dzakuwa kuti: ‘Ni mzinda uponi unango omwe unilingana na mzinda ukuluyu?’

Cidziwiso 18:19

An'dzathusa pfumbi m'misolo, acimbadzadandaula ndipo an'dzalira mwakukuwa aciti: “ ‘Tsoka kwa mzinda ukulu! Kudala kwa mzindawo kudakhala mwai, kudzera mwa iwo adadala wentse omwe akhana xitima za m'nyandza! Munthawe ibodzi yokha udamala!

Cidziwiso 18:21

Pamwepo anju wamphambvu adadzusa cimwala cikulu kwene-kwene ninga mpheyo, adacithusa panyandza aciti: “Mwa mphambvu ibodzi-bodziyi un'dzathusidwa padziko la pantsi, mzinda ukulu wa Babilonya, kuti uleke kudzawoneka pomwe cipo.

Cidziwiso 18:8

Ndipopo, pantsiku ibodzi yokha bzin'dzamufikira bzisi ibzi: Kufa, kutsukwala na njala. Ndipo moto un'dzamudzonga, nakuti Mbuya Mulungu omwe an'dzamutonga, ndiye ana mphambvu.