Cidziwiso 11:18 - ciNyungwe Bibliya

¹⁸ Madziko yadakalipa, ndipo ukali bwanu budawoneka. Yafika nthawe yakutonga wakufa, ndipo yakubwezera phindu kwa anyagirinya wanu apolofita, wakucena wanu ndipo na omwe ambalemekeza dzina lanu, napo ang'ono napombo akulu, ndipo na wakupfudza omwe an'pfudza dziko la pantsi”.

Cidziwiso 11:18 ပူးပေါင်းရင်းမြစ်များ

Mateu 5:12

Pfatsani, kondwerani, thangwe mabai-bai yanu ni makulu kudzulu. Nakuti tenepoyo adafambirambo mbuyo apolofita omwe akhalipo kale imwe mukanati kubadwa.

Luka 1:50

Ntsisi zace zimbayenda kwa wale omwe anim'gopa, kwa mibadwe na mibadwe.

aHeberi 9:27

Bzibodzi-bodzimbo ninga munthu wentse ambafa kabodzi kokha ndipo patsogolo pace atongedwe,

Cidziwiso 10:7

Tsono pantsiku zomwe anju wacinomwe an'dzafuna kuliza cimbututu cace, cakubisika ca Mulungu cin'dzacitika ninga momwe Iye adalewera kwa apolofita, anyagirinya wace”.

Cidziwiso 11:2

Tsono ukasiye cimtalo ca kunja ca Nyumbayo, leka kukacipima nakuti ico cidaperekedwa kuna wakusaya kupemba. Iwo an'dzaponda mzinda wakucena mkati mwa minyezi makumi manai na miwiri (42).

Cidziwiso 13:10

Ule omwe an'themera kuyenda kukafungiridwa mkawoko, an'dzayenda kukafungiridwako. Ule omwe an'themera kuphedwa na cisenga, an'dzaphedwa na cisenga. Pamwepo ndipo pan'funika kuti wanthu wa Mulungu awonese cipiriro na kukhulupirika.

Cidziwiso 13:16

Ndipombo adangingimiza wentse, ang'ono na akulu, nyakudala na wakusauka, ampfulu na anyagirinya, kuti atambire cizindikiro kuboko la madidi ayai pamkuma,

Cidziwiso 14:10

iyembo an'dzamwa vinyu ya ukali bwa Mulungu yomwe idathululidwa mwakusaya kusanganizidwa mumkombo wa ukali bwace. An'dzaboneresedwa pomwe na enxofre wakugaka patsogolo pa azianju wakucena ndipo na pa Bira,

Cidziwiso 15:1

Ndidawona kudzulu cizindikiro cinango cikulu ndipo cakudabwisa. Anju anomwe (7) akhana bzisi bzinomwe (7) bzakumalizira, nakuti na bzisi bzimwebzo ukali bwa Mulungu budamalizika.

Cidziwiso 15:7

Ndipo cibodzi ca bzamoyo bzinai (4) cidapereka kuna anju anomwe (7) tacu zinomwe (7) za oro zakudzaza na ukali bwa Mulungu ana moyo kwakusaya kumala.

Cidziwiso 18:6

Mum'bwezere bzibodzi-bodzibzo, mubwezere mwakufunya kawiri pa bzomwe adacita, mum'sanganizire cipande cakufunya kawiri mum'kombo omwe iye adamwesera anango.

Cidziwiso 19:15

Pamulomo pace pakhacoka cisenga cakuthwa, comwe an'dzapweteka naco madziko. “Iye adzayatonga na mpsimbo ya utale.” Iye an'dzaponda uva mucakupsinyira vinyu ya ukali bwakugosva bwa Mulungu Wamphambvu-zentse.

Cidziwiso 19:18

kuti mudzadye nyama ya azimambo, akulu wa nkhondo na wamphambvu, ya makavalo na wakupakira wayene, ya wentse, ampfulu na anyagirinya, ang'ono na akulu”.

Cidziwiso 19:5

Pamwepo fala lidabwera kucokera kumpando wa umambo, lakuti: “Tumbizani Mulungu wathu, imwe mwentse, anyagirinya wace, imwepo omwe munimugopa, ang'ono na akulu!”

Cidziwiso 20:12

Ndidawonambo wakufa, akulu na ang'ono, akhadaimirira patsogolo pa mpando wa umambo, ndipo malivu yadafungulidwa. Livu linango lidafungulidwa, lomwe ni Livu la Moyo. Wakufa adatongedwa malinge na bzomwe akhadacita, mwakuyenderana na bzomwe bzikhadanembedwa m'malivumo.

Cidziwiso 20:15

Wentse omwe madzina yawo yalibe kugumanidwa muLivu la Moyo, adathusidwa muthawale la moto.

Cidziwiso 22:12

“Ndirikubwera mwakusaya kucedwa! Mabaibai yangu yali na Ine, ndipo Ine nin'dzapasa m'bodzi na m'bodzi malinge na mabasa yomwe adacita.