Cidziwiso 1:6 - ciNyungwe Bibliya

⁶ ndipo adatisandusa umambo na anyantsembe, kuti titumikire Mulungu, Baba wace. Iye apasidwe mbiri na mphambvu kwakusaya kumala! Ameni.

Cidziwiso 1:6 ပူးပေါင်းရင်းမြစ်များ

Ekisodo 19:6

imwepo mun'dzakhala umambo bwangu bwa azibaba wa ntsembe, ndipombo mtundu wakucena. Yamweya ndiyo mafala yakuti iwepo uuze aIjirayeri”.

Mateu 6:13

Ndipo lekani kutirekerera ticigwa mukuyezedwa, tsono mutipulumuse kwa bzakuipa, thangwe bwanu ni Umambo, mphambvu na mbiri kwakuyenda na kuyenda. Ameni.

Juwau 5:23

kuti wentse walemekeze Mwana ninga momwe an'lemekezera Baba. Ule omwe an'lemekeza lini Mwana, an'lemekeza lini Baba omwe adamutuma.

aRoma 11:36

Thangwe kucokera kwa Iye na kudzera mwa Iye na kuna Iye ni bzinthu bwentse. Kwa Iye ukhale ulemerero wakusaya kumala! Ameni.

aRoma 15:6

kuti mwa m'tima ubodzi na fala libodzi imwe mutumbize Mulungu, Baba wa Mbuya wathu Jezu Krixtu.

aFiripi 2:11

ndipo kuti malirime yentse yadzapereke umboni kuti Jezu Krixtu ni Mbuya, kuti Mulungu Baba apasidwe mbiri.

1 Timoti 6:16

Omwe ni yekha basi, wakusaya kufa ndipo ambakhala paceza cakusaya kufikika, omwe palibe munthu ali yentse adamuwona napo angamuone. Kwa Iye kukhale ulemo na mphambvu mpaka kuyenda-na-kuyenda. Amen.

aHeberi 13:21

Mulunguyo akucitiseni kuti mukhale wakukwana pa bzabwino bzentse kuti mucite cifuniro cace, ndipo acite bzakumukondweresa muna ife kudzera mwa Jezu Krixtu, omwe ni wakulemekezeka kwakusaya kumala. Ameni.

1 Pedru 4:11

Winango akalewa, abzicite ninga munthu alikulewa fala la Mulungu. Winango akatumikira, abzicite mwa mphambvu zomwe Mulungu anim'pasa, mwakuti pabzinthu bzentse Mulungu alemekezedwe kudzera kuna Jezu Krixtu, omwe ni wakuthemera mbiri na mphambvu kwakusaya kumala. Ameni.

1 Pedru 5:11

Mwa Iye muna mphambvu kwakusaya kumala. Ameni.

2 Pedru 3:18

Ndipo kulani munkhombo na kudziwa Mbuya wathu M'pulumusi Jezu Krixtu. Ukulu bukhale kuna Iye kuyambira tsapano na kwakusaya kumala! Ameni.

Juda 1:25

kwa Mulungu m'bodzi yekha, Mpulumusi wathu, apasidwe mbiri, umambo, mphambvu na utongi, kudzera mwa Jezu Krixtu, Mbuya wathu, zikanati kuyamba nthawe zentse, tsapano na kwakusaya kumala! Ameni.

Cidziwiso 1:9

Ine, Juwau, m'bale ndipo mwandzanu mukubonera, muUmambo ndipo na pakupirira mwa Jezu, ndidathusidwa pantsuwa ya Patimosi thangwe ra mafala ya Mulungu na umboni bwa Jezu.

Cidziwiso 20:6

Wakudalisidwa ndipo wakucena omwe an'khala cipande ca kulamuka kwa wakufa kwakuyamba! Kufa kwaciwiri kulibe mphambvu kuna iwo, an'dzakhala anyantsembe wa Mulungu na wa Krixtu, ndipo an'dzatonga pabodzi na Iye mkati mwa magole culu (1.000).

Cidziwiso 4:11

“Imwe Mbuya, Mulungu wathu, ndimwe wakuthemera kupasidwa mbiri, kulemekezedwa ndipo mphambvu. Thangwe mudalenga bzinthu bzentse, ndipo thangwe ra kufuna kwanu ibzo bziripo ndipo bzidalengedwa”.

Cidziwiso 5:10

Imwe mudawasandusa umambo na anyantsembe wa Mulungu wathu, ndipo iwo an'dzatonga dziko la pantsi”.