aKolose 4:11 - ciNyungwe Bibliya

¹¹ Jezu, wakucemeredwa Juxto, alikuperekambo kulimba. Pakati pa Ajuda omwe adatawira Krixtu amwewa ni iwo okha wa omwe adaphata basa pabodzi na ine lakuthandizira Umambo bwa Mulungu. Iwo ndiwo ambandirimbikisa kwene-kwene.

aKolose 4:11 ပူးပေါင်းရင်းမြစ်များ

Mabasa ya Atumiki 10:45

AJuda wakutendeuka omwe adabwera na Pedru, adadabwa kuti mphatso ya Mzimu Wakucena ingadathululidwa mwa omwe ni aJuda lini,

Mabasa ya Atumiki 11:2

Pomwe Pedru adakwira kuJerusalema, omwe akhali wa gulu la m'sinda wa m'gwato akhambawatsimula acimbati:

aRoma 16:3

Pasani kulimba Pirisira na Akwira, andzangu wa basa mwa Krixtu Jezu.

aRoma 4:12

Ndipo ni babambo wa omwe adacitidwa m'sinda wa m'gwato, sikuti m'sinda wa m'gwato okha, tsono ambafambambo munjira ya cikhulupiriro, yomwe baba wathu Abrahamu adafamba akanati kucitidwa m'sinda wa m'gwato.

2 aKolinto 6:1

Ninga wakuphata basa pabodzi na Mulungu, tirikukumbira kuna imwe kuti muleke kutambira papezi nkhombo za Mulungu.

aEfezo 2:11

Na tenepo, kumbukirani kuti kale-kale pomwe mudabadwa mukhali lini aJuda, mukhacemeredwa wakusaya kugwatidwa na wale womwe ambabziti mbakugwatidwa muthupi na manja ya wanthu.

aFiripi 4:3

Inde, ndipo ndirikukumbira kuna iwe mwandzangu wakukhulupirika pabasa lathu, kuti uwathandize nakuti adamenya nkhondo pabodzi na ine thangwe ra Mafala Yabwino, na Kerementi ndipo na anango omwe adaphata basa na ine. Madzina yawo yali muLivu la Moyo.

aKolose 4:7

Tikiko, m'bale wathu wakufunika, nthena yakukhulupirika ndipo mwandzathu pabasa la Mbuya, an'dzakudziwisani bzentse bza cipande ca ine.

1 aTesalonika 3:2

ndipo tidatuma Timoti. Iye ni m'bale wathu omwe ni mwandzathu pabasa la Mulungu lakupalidza Mafala Yabwino ya Krixtu, kuti akuthandizeni na kukulimbikisani mucikhulupiriro,

1 aTesalonika 3:7

Ndipopo abale, pakusaya na pakubonera kwathu kwentse, tidakhala wakukomedwa pomwe tidabva bza cikhulupiriro canu.

Titu 1:10

Pomwe pana wanthu azinji wakusaya kubvera maka-maka wanthu wakubvera Mtemo wa ciYuda. Wanthu amwewa ambalewa nkhani zakusaya basa zomwe zimbasoceresa winango.

Firemoni 1:1

Ine Paulo, nyam'kawoko thangwe ra Krixtu Jezu, pabodzi na m'bale Timoti, tirikunembera iwe Firemoni, wakufunika wathu mwan'dzathu wabasa,

Firemoni 1:24

napombo Maliko, Alixtaliko, Demasi na Luka, andzangu wa basa.