aHeberi 4:9 - ciNyungwe Bibliya

⁹ Tenepoyo, kuna mbumba ya Mulungu kwasala pomwe kupuma ninga bzidacita Mulungu pa ntsiku ya malinkhuma.

aHeberi 4:9 ပူးပေါင်းရင်းမြစ်များ

Ekisodo 16:30

Na tenepo, pantsiku yacinomwe mbumba idapuma.

Mateu 1:21

Iye an'dzabala mwana wa mwamuna ndipo iwepo un'dzam'pasa dzina lakuti Jezu, thangwe Iye an'dzapulumusa mbumba yace mubzakuphonyera Mulungu bzawo”.

Titu 2:14

Ndiye adabzipereka thangwe ra ife kuti atipulumuse kubzakuipa bzentse na kuticenesa kuti tikhale wanthu wace wakubzipereka mabasa yentse yabwino.

aHeberi 11:25

adasankhula kuboneresedwa pabodzi na mbumba ya Mulungu kuposa kukondwera na bzakufuna bza citazo panthawe ing'ono-ng'ono.

aHeberi 3:11

Tenepayu ndidalumbira muukali bwangu: An'dzapita lini cipo pambuto yangu yakupumira”.

aHeberi 4:1

Cipiciro ca Mulungu ca kupita mumbuto yace yakupumira, cikalipo. Na tenepo, mucenjere kuti palibe na m'bodziyo wa imwe angataze kupita mwakupuma.

aHeberi 4:10

Nakuti wentse ule omwe an'pita mumbuto yakupumira ya Mulungu, ambapumambo pa mabasa yace, ninga Mulungu adapuma pa mabasa yace.

aHeberi 4:3

Pakuti ife omwe tin'khulupirira ndife omwe tirikupita mwakupumiramo, ninga momwe Mulungu adalewa kuti: “Tenepayu ndidalumbira muukali bwangu: An'dzapita lini cipo mumbuto yangu yakupumira”. Mulungu adalewa bzimwebzi ngakhale kuti mabasa yace yakhadamala kale panthawe ya cirengedwe ca dziko.

aHeberi 4:8

Nakuti, bzingadakhala kuti Jozuwe adawapasa kupuma, patsogolo pace Mulungu angadalewa lini bza ntsiku inango.

1 Pedru 2:10

Kale imwepo mukhali lini mbumba, tsono tsapano lino ndimwe mbumba ya Mulungu. Mukhalibe kutambira ntsisi, tsapano mwazitambira.

Cidziwiso 14:13

Pamwepo ndidabva fala kucokera kudzulu likhambati: “Nemba kuti: Wakudalisidwa omwe ambafera mwa Mbuya kuyambira tsapano mpaka kutsogolo”. Mzimu wa Mulungu ulikulewa kuti: “Inde, iwo an'dzapuma pamabasa yawo yakunetesa, nakuti macitidwe yawo yan'dzawatewera”.

Cidziwiso 21:4

Iye an'dzawapukuta misozi yentse m'maso. Ndipo impfa in'dzawoneka lini pomwe, napo kutsukwala napo kulira napo kuwawidwa, nakuti bzinthu bzakale bzamala”.