aHeberi 3:7 - ciNyungwe Bibliya

⁷ Tenepayu, ninga momwe ulikulewera Mzimu Wakucena kuti: “Lero pomwe imwe munibva fala la Mulungu,

aHeberi 3:7 ပူးပေါင်းရင်းမြစ်များ

Mateu 17:5

Pomwe iye akhapitiriza kulewa-lewa, mtambo wakutoya udawampsinkha ndipo m'mwemo mudabveka fala lomwe likhalewa kuti: “Uyu ni Mwana wangu wakufunidwa omwe nimbakomedwa naye. Mum'bvere!”

Mateu 22:43

Iye adawauza kuti: “Tsono, ni thangwe ranyi Davidi mwa Mzimu Wakucena, ambacemera ‘Mbuya’? Na tenepo Iye ambatsimikiza kuti:

Maliko 12:36

David adati mwa Mzimu Wakucena kuti: “ ‘Mbuya adalewa kuna Mbuya wangu kuti: Khala kuboko langu lamadidi mpaka ndiikhe anyamadulanthaka wako pantsi pa ndzayo zako’.

Juwau 10:16

Ndinayo mabira yanango yomwe ngamthanga lini lino. Yamweyombo bzifunika kuti ine ndiyawuse. Ndipo iyo Yan'dzabva fala langu, ndipo pan'dzakhala mthithi ubodzi na m'busa m'bodzi.

Juwau 10:27

Mabira yangu yambabva fala langu. Ine nimbayadziwa iyo, ndipo yambanditewera.

Juwau 10:3

Mulindiri umweyo ambayafungulira. Ndipo Mabirayo yambabva fala lace, ambayacemera na madzina mabirayo, aciyacosa kunja.

Juwau 5:25

Ninkuuzani kuti nthawe iri kubwera ndipo yakwana kale yakuti wakufa an'dzabva fala la Mwana wa Mulungu, ndipo omwe an'dzabva an'dzakhala na moyo.

Mabasa ya Atumiki 1:16

ndipo adati: “Abale, bzikhafunika kuteweza Cakunemba comwe Mzimu wa Mulungu udalewa na mulomo wa Davidi, bza nkhani ya Judasi, omwe adakhala nyakutsogolera wale omwe adamanga Jezu.

Mabasa ya Atumiki 28:25

Ndipo padawoneka kusaya kubverana pakati pawo, adagonekana Paulo atalewa mafala yakuti: “Mzimu Wakucena udalewa bwino kuna makolo yanu, kudzera mwa m'polofita Izaiya:

Mabasa ya Atumiki 8:29

Pamwepo Mzimu Wakucena udauza Filipi kuti: “Fendera pafupi na ngoloyi uyiperekeze”.

aHeberi 10:15

Mzimu Wakucena umbaticitira umboni bwa nkhani imweyi. Cakuyamba iwo udati:

aHeberi 3:13

Tsono ntsiku zentse limbisanani wina na mwandzace, m'kati mwa nthawe yomwe in'cemeredwa “lero”, kuti paleke kuwoneka m'bodzi wa imwe aniumisidwa mtima na kunyengezedwa kwa utazi.

aHeberi 3:15

Ndipopo bziri kulewedwa kuti: “Lero pomwe imwe munibva fala lace, lekani kuumisa mitima, ninga bzidacitika pakusandukira Mulungu”.

aHeberi 4:7

Na tenepo, Mulungu alikukhazikisa pomwe ntsiku inango, yakucemeredwa kuti “lero”. Patapita magole mazinji, Mulungu adalewa bza ntsiku imweyi kudzera mwa Davi, malingana na bzomwe bzalewedwa kale kuti: “Pomwe imwe lero munibva fala lace, lekani kuumisa mitima”.

aHeberi 9:8

Na mitemo imweyi Mzimu Wakucena ukhadziwisa kuti njira yakupita muMbuto Yakucena Kuposa ikhanati kuwonesedwa, pakuti cikumbi ca mpembo cakuyamba cikhalipo.

2 Pedru 1:21

nakuti cipo palibe cipolofita cidabwera kucokera kwa wanthu, tsono wanthu adalewa bza Mulungu, mwakutsogoleredwa na Mzimu Wakucena.

Cidziwiso 3:20

Wonani ndiri pamsuwo ndipo ndiri kugogodza. Penu winango anibva fala langu acifungula msuwo, nin'dzapita munyumba mwace, ndipo nin'dzadya na iye ndipo iye na Ine”.