aEfezo 2:20 - ciNyungwe Bibliya

²⁰ mudakondzedwa pa alisese ya atumiki na ya apolofita. Jezu Krixtu ndiye adakhala mwala wa pagonyo.

aEfezo 2:20 ပူးပေါင်းရင်းမြစ်များ

Mateu 16:18

Ndipo Ine nin'kuuza kuti iwe ndiwe Pedru, ndipo padzulu pa mwala umweyu nin'dzamanga gereja yangu, ndipo ngakhale impfa in'dzaikunda lini.

Mateu 21:42

Jezu adawauza kuti: “Imwepo mukanati kulewenga muBzakunemba mafalaya: “ ‘Mwala omwe anyakumanga nyumba adalamba, udadzakhala mwala wa pagonyo, bzimwebzi bzidacokera kwa Mbuya, ndipo ni cinthu cakudabwisa kwa ife’.

1 aKolinto 12:28

Na tenepo, Mulungu mugereja adaikha wanthu awa: Pakutoma atumiki, kaciwiri apolofita, kacitatu apfundzisi, patsogolo pace wakucita bzidabwiso, omwe ana mphatso za kucirisa, omwe ana mphatso yakuthandiza, omwe ana mphatso ya kutsogolera mabasa, na omwe ambalewa-lewa bzirewedwe bzakusiyana-siyana.

aGalatiya 2:9

Mwakuzindikira nkhombo zomwe ndidapasidwa, Tiyago, Pedru na Juwau, omwe akhayesedwa ninga mphanda, adapfuthula boko ladidi kwa ine na kwa Barnabasi kulatiza ciphatano. Iwo adabvuma kuti ife tiyende kuna omwe ni aJuda lini, ndipo iwo ayende kuna wakucitidwa msinda wa mgwato.

aEfezo 3:5

Cintsintsi cimweci ciribe kudziwisidwa kuna wanthu wa mibadwe inango, tsono tsapano cawonesedwa na Mzimu kuna atumiki wakucena na apolofita,

aKolose 2:7

mucikhala na mizi na kukwima mwa Iye, mucilimbikira pa cikhulupiriro, ninga momwe mudapfundzisidwa, mukhale wakutenda kwene-kwene.

1 Pedru 2:6

Nakuti Bzakunembedwa bzidati: “Ndirikuikha muSiyau mwala wa pagonyo, wakusankhulidwa ndipo wakufunika, ndipo ule omwe ambaukhulupirira an'dzanyazisidwa lini cipo”.

Cidziwiso 21:14

Litsito la mzindawo likhana majomicomi khumi na mawiri (12), ndipo iyo yakhana madzina ya atumiki khumi na awiri (12) wa Bira.