2 aKolinto 4:11 - ciNyungwe Bibliya

¹¹ Nakuti ife omwe tina moyo, nthawe zentse timbakhala pa ngozi ya impfa thangwe la Jezu, kuti moyo wacembo uwonesedwe m'mathupi yathu yomwe yambafa.

2 aKolinto 4:11 ပူးပေါင်းရင်းမြစ်များ

aRoma 8:11

Ndipo penu Mzimu wa Ule omwe adalamusa Jezu kwa wakufa umbakhala mwa imwe, Iye omwe adalamusa Krixtu kwa wakufa an'dzapasambo moyo mathupi yanu yomwe yambafa kudzera mwa Mzimu wace omwe umbakhala mwa imwe.

aRoma 8:36

Ninga bzidanembedwa kuti: “Thangwe ra lifoi na Imwe ntsiku zentse ambafuna kutipha. Timbayesedwa ninga mabira yakuyenda kukaphedwa”.

1 aKolinto 15:31

Abale, ntsiku zentse nimbagumana na impfa. Ndirikulewa bzimwebzi na kubzikuza komwe ndiri nako thangwe ra imwepo mwa Krixtu Jezu, Mbuya wathu.

1 aKolinto 15:49

Ninga momwe tina mawonekedwe ya munthu wa pantsi pano, tin'dzakhalambo na mawonekedwe ya munthu wa kudzulu.

2 aKolinto 4:10

Nthawe zentse tina kufa kwa Jezu m'mathupi mwathu, kuti moyo wa Jezu ukhalembo wakuwonesedwa m'mathupi mwathu.

2 aKolinto 4:12

Mwakuti mwa ife impfa imbaphata basa, tsono mwa imwe, moyo.

2 aKolinto 5:4

Pakuti pomwe tikali mucikumbico, timbabuula ndipo timbatsautsika, thangwe tin'funa lini kukhundulidwa, koma kubvazikidwa thupi lathu lakudzulu, kuti moyo ukhudyule comwe cimbafa.

2 aKolinto 6:9

Ninga wakusaya kudziwika, napo ticidziwika bwino. Ninga wakufa, tsono cadidi tina moyo. Tidapasidwa cirango, tsono tiribe kuphedwa.