1 Pedru 3:11 - ciNyungwe Bibliya

¹¹ Fundukira kuna bzakuipa ndipo cita bzabwino, nyang'ana mtendere mpaka uwugumane.

1 Pedru 3:11 ပူးပေါင်းရင်းမြစ်များ

Mateu 5:45

kuti imwepo mudzakhale wana wa Baba wanu omwe ali kudzulu. Thangwe Iye ambagasa dzuwa kuna wakuipa na kuna wabwino ndipo ambabvumbisa mbvula kuna wakulungama na kuna wakusaya kulungama.

Mateu 5:9

Mbakudalisidwa omwe an'bweresa mtendere, nakuti an'dzacemeredwa wana wa Mulungu.

Mateu 6:13

Ndipo lekani kutirekerera ticigwa mukuyezedwa, tsono mutipulumuse kwa bzakuipa, thangwe bwanu ni Umambo, mphambvu na mbiri kwakuyenda na kuyenda. Ameni.

Maliko 14:7

Thangwe wanthu wakusauka munawo nthawe zentse, pomwe mun'funa kuwacitira bza lufoi, mungakwanise kuwacitira. Tsono Ine mun'dzakhala lini nande nthawe zentse.

Luka 1:79

kuti abvunikire wale omwe ali mumdima, na pamthundzi wa impfa, acitsogolera minyendo yathu munjira ya mtendere”.

Luka 6:35

Tsono imwepo, funani anyamaduranthaka wanu, acitireni ubwino, ndipo akumbizeni, mwakusaya kudikhira kubwezerewa cinthu. Tsono mabai-bai yomwe mun'dzapasidwa yan'dzakhala makulu ndipo imwepo mun'dzakhala wana wa Wakudzulu-dzulu. Nakuti iye ni wabwino kuna wakusaya kutenda na wakuipa.

Luka 6:9

Pamwepo Jezu adawabvundza adati: “Kodi bzimbabvumizidwa kucita pantsiku ya Sabudu ni bziponi, bzabwino ayai bzakuipa? Kupulumusa moyo ayai kupha?”

Juwau 17:15

Ndiri kukumbira lini kuti muwacose iwo padziko, koma kuti muwakhocherere kwa wakuipa.

aRoma 12:18

Citani ciri-centse comwe cikwanisika kuna imwe, kuti mukhale mwa ufulu na wentse.

aRoma 14:17

Nakuti mUmambo bwa Mulungu, cakufunikira sikuti ni cakudya ayai cakumwa, koma cirungamo, m'tendere na kupfatso mwa Mzimu Wakucena.

aRoma 14:19

Ndipopo tsapano, mbatiteweze bzentse bzomwe bzin'bweresa m'tendere na bzomwe tinirimbikisana nabzo winango na mwandzace mucikhulupiriro.

aRoma 5:1

Tsono pakuti talungamisidwa kudzera mwa cikhulupiriro, tina mtendere na Mulungu mwa Mbuya wathu Jezu Krixtu.

aRoma 7:19

Pakuti nimbacita lini bzabwino bzomwe nimbafuna, tsono bzakuipa bzomwe nimbafuna lini kucita, bzimwebzo ndibzo nimbapitiriza kucita.

aRoma 7:21

Tenepo nimbawona kuti bzomwe bzin'bandicitikira pomwe nin'funa kucita cabwino, cakuipa cimbakhala nande.

aRoma 8:6

Bzakukumbuka bza thupi bzimbabweresa impfa, tsono bzakukumbuka bza Mzimu bzimbabweresa moyo na mtendere.

aGalatiya 5:22

Tsono bzisapo bza Mzimu ni ibzi: Lufoi, kukondwera, mtendere, kupirira, kugwa mpfuwa, ubwino, kukhulupirika,

aGalatiya 6:10

Na tenepo, mbaticite ubwino kwa wentse tikana mpata, maka-maka kwa abale wathu ana cikhulupiriro.

aKolose 3:15

Mtendere wa Krixtu utonge m'mitima mwanu, pakuti imwepo mudacemeredwa kuti mudzakhale mwa mtendere, ninga bziwalo bza thupi libodzi lokha. Ndipo mumbakhale mucitenda.

1 Timoti 6:18

Uwauze kuti ambacite bzabwino, ambadale pa mabasa yabwino, yaulere, ambagawane mwa bwino ndipo ambabverane.

aHeberi 12:14

Limbikirani kukhala na mtendere na wentse ndipo mukhale wakucenesedwa. Palibe angawone Mbuya akasaya kukhala wakucenesedwa.

aHeberi 13:16

Lekani kuyebwa kucita bzabwino ndipo mumbapasembo anango bzomwe muli nabzo, nakuti ntsembe zimwezi Mulungu ambakomedwa nazo.

Tiyago 4:17

Nakuti, ule omwe an'dziwa ubwino bomwe bun'funa kucitidwa, akaleka kubucita alikucita citazo.

1 Pedru 3:12

Thangwe maso ya Mbuya yali pana wakulungama ndipo makutu yace yana cheru pa mipembo yawo, tsono nkhope ya Mbuya irikuwenga omwe an'cita bzakuipa”.

3 Juwau 1:11

Wakufunidwa, leka kutewezera bzomwe ni bzakuipa, koma bzomwe ni bzabwino. Ule omwe an'cita bzabwino ni wa Mulungu, ule omwe an'cita bzakuipa alibe kuwona Mulungu.