1 Pedru 2:17 - ciNyungwe Bibliya

¹⁷ Lemekezani wentse, funani abale wa mumzimu, gopani Mulungu ndipo lemekezani mambo.

1 Pedru 2:17 ပူးပေါင်းရင်းမြစ်များ

Jenesisi 20:11

Abrahamu adatawira kuti: “Ndikhakumbuka kuti kuno kulibe na m'bodziyo wakugopa Mulungu, ndipo wangadandipha wacitenga mkazi wanguyu.

Jenesisi 22:12

“Leka kumupha mulumbwanayo, napo kumucita cinthu cinango ciri-centse. Ndiri kudziwa kuti ndiwe wakubvera cadidi, thangwe ulibe kundimana mwana wako m'bodzi yekhayo”.

Jenesisi 42:18

Patapita n'tsiku zitatu, adawauza kuti: “Citani tenepa kuti mukhale na moyo sabwa Ine ndimbagopa Mulungu.

Ekisodo 20:12

“Lemekeza baba wako na mai wako, kuti ntsiku zako ziwande padziko lomwe Mbuya Mulungu wako an'kukupasa”.

Mateu 22:21

Iwo adatawira kuti: “Ni bza Sezari”. Ndipo Iye adawauza kuti: “Na tenepo, pasani Sezari bzomwe ni bza Sezari ndipo bza Mulungu bzomwe ni bza Mulungu”.

Juwau 13:35

Na bzimwebzi wentse an'dzadziwa kuti imwe ndimwe wakupfundzira wangu, mungakhala na lufoi”.

aRoma 12:10

Funanani wina na mwandzace na lufoi la paubale. Lemekezani andzanu kuposa kubziremekeza imwe mwekha.

aRoma 13:7

Lipirani m'bodzi na m'bodzi comwe ni cakumuthemera: Penu ni m'tsonkho, m'tsonkho. Penu ni kulipira, kulipira. Penu ni kugopa, kugopa. Penu ni ulemu, ulemu.

2 aKolinto 7:1

Wakufunidwa, pakuwona kuti tina bzipiciro ibzi, mbatibzicenese kwa bzentse bzomwe bzimbasvipisa thupi na mzimu, tipitirize kufamba mucirungamo na kugopa Mulungu.

aEfezo 5:21

Bzicepeseni kwa wina na mwandzace mwa kulemekeza Krixtu.

aFiripi 2:3

Lekani kucita cinthu mwa kaso ayai mwa kubzitumbiza, koma mwakubzicesva, wonani andzanu ninga akulu kuposa imwe.

1 Timoti 6:1

Ndipo wale omwe mba anyagrinya ambacitire bwino na ulemu bwentse kwa mbuya wawo, kuti dzina la Mulungu na mapfunziso yathu bzileke kunyozedwa.

aHeberi 13:1

Pitirizani kufunana paubale mwa Krixtu.

1 Pedru 1:22

Tsapano pomwe imwe mwacenesa moyo wanu kudzera mukubvera cacadidi, pakukhala na lufoi la pa ubale mwakusaya cipha-maso, funanani mwacadidi, wina na mwandzace ndipo na mtima wentse.

1 Pedru 2:13

Thangwe ra Mbuya, bverani utongi bwentse bomwe budaikhidwa na wanthu, napo mambo omwe ni mkulu kuposa,

1 Pedru 5:5

Imwe ang'ono-ang'ono, bverani atsogoleri wanu. Khalani mwentse wakubzicepesa m'bodzi na mwandzace, thangwe: “Mulungu ambafuna lini wakubzikuza, tsono ambapereka nkhombo kuna wakubzicepesa”.