1 aKolinto 11:30 - ciNyungwe Bibliya

³⁰ Ndipopa alipo azinji pakati panu wakutepa na wakuduwala, ndipo anango adafa kale.

1 aKolinto 11:30 ပူးပေါင်းရင်းမြစ်များ

Ekisodo 15:26

aciti: “Mukabvera bwino Mbuya Mulungu wanu, mucicita bzomwe Iye an'dekedwa nabzo, mucimbateweza malamulo yace na kukoya mitemo yace yentse, nin'dzakubwereserani lini matenda yali-yentse yomwe Ine ndidabweresera aIjipito, pakuti Ine ndine Mbuya omwe nimbakupozani”.

Mabasa ya Atumiki 13:36

“Nakuti Davidi watamala kutumikira cakulinga ca Mulungu mum'badwe wace, adafa acikaikhidwa kuna makolo yace, ndipo thupi lace lidabvunda.

Mabasa ya Atumiki 7:60

Pamwepo adagodama acikuwa kuti: “Mbuya, lekani kuwapasa mulandu wa cakuphonyera Mulungu cimweci”. Ndipo pomwe adamala kulewa bzimwebzi adafa.

1 aKolinto 11:29

Nakuti omwe anidya pau na kumwera m'kombo wa Mbuya mwakusaya kuzindikira thupi la Mbuya, angadya acimwa an'bzibweresera nyathwa.

1 aKolinto 11:31

Tsono tingadakhala wakuchenkha ticibziwona mwa ife tekha, tingadatongesedwa lini.

1 aKolinto 11:32

Tsono, pomwe timbatongedwa na Mbuya, tiri kulangidwa kuti tidzaleke kutambira nyathwa pabodzi na dziko.

1 aKolinto 15:51

Tetekerani ndikuuzeni cakubisala: Tentse tin'dzafa lini, tsono tentse tin'dzasandulisidwa,

1 aTesalonika 4:14

Penu ife tin'tawira kuti Jezu adafa ndipo adalamuka kwa wakufa, tenepoyombo tin'tawira kuti wale omwe adafera muna Jezu, Mulungu an'dzawabweresa kudzera mwa Jezuyo.

Cidziwiso 3:19

“Nimbatsimula ndipo nimbalanga wale omwe nimbafuna. Ndipopo, khalani na cheru ndipo khumbulani.