Yakobu 4:1 - Tesitamenti Umupwa 1965

¹ Vufumile kwoshʼuvulugu, gafumile kwoshi namadali ṿwe muli naṿwo? Amwe ṿitafumile mumpapilo zyinyu zye zikuvusyʼuvulugu mutuntu twinyu twa mumuvili?

ULufingwi uLupwa

¹ Ivho na madali ge gali muli imwe vikufuma kwoshi? Vikufuma mu mpapilo zyinyu imbiivhi zye zikulwana muhati zyinyu!

Yakobu 4:1 ပူးပေါင်းရင်းမြစ်များ

Matayi 15:19

She zikufuma mumwoyo zyontʼinsivʼimbivi, nuvugozi, nuluvembu, nizya vwa malaya, nuvwiva, nuvwahome vwʼilenga, namatona, nindigo.

Yohani 8:44

Imwe mwe vana va so, va mukwakwa, mwe mumwo mukasimʼukuvomba zizyo zyʼapapiye uso imwe. Uwene mugogavantu shima, ukufuma pavwando, uwene atakwimilila muvwanalyoli, shʼuvwanalyoli navumo mumwakwe. Uwene lwʼakuyanga izyʼilenga, pʼakuyangʼizyakwe, shʼali mulumilenga, ali wʼuyise wʼilenga.

VaLoma 7:23

Nkandi mutuntu twa mumuvili wane mwe nkwaga mwe lulʼulunji uluhomelezyo, lwe lukulwʼuvulugu nuluhomelezyo lwa munsivo zyane, lwe lukunkunga ukuva ne mukungwa wa luhomelezyo lwa vutalamalandu lwe luli mutuntu twa mumuvili wane.

VaLoma 7:5

She lwe tuhalandataga mumuvili uno uwa mbivi, pʼuvupwe vwa vutalamalandu vwe zikuvuhalambiha zye nkomelezyo, vuhavomba mwonti mutuntu twa mumavili gitu ukuti vuhomajʼinsanga impelavufwe.

VaLoma 8:7

She zyʼakusivʼumuvili wa mbivi zilʼuvulugu nuMulungu. She zitakukonza kunkomelezyo zya Mulungu, she zikupotwa.

VaGalati 5:17

Shʼumuvili wa mbivi akupapila zizyo zyʼuMupepo atakupapila, vovulo nuMupepo akupapila zizyo zyʼumuvili wa mbivi atakupapila. Vwe ṿilasine ṿwe ṿivili vovulo, ukuti mutavombaje zizyo zyenga mukasimʼimwe ukuvomba.

Kolosi 3:5

Ishi pe mutugogaje utuntu twa mumuvili winyu wa pansʼipa, nuluvembu nuvuhandamanu, nuvupwe vwa kupwela mumbivi, nuvulugusu uvuvivi, nuvupapilaṿwonti, shʼuvwene vwe vwa kugavombelʼamalungu.

2 Timoti 2:23

Uyileme kumadali ga vudedevazu amasitansambilizyo, ugamanye ukuti gakupapʼuvulugu.

uTiiti 3:3

She naswe lulwo twali swe vasitanjele, tuhaluliha, twali swe vategwa. Twali swe vazya va ṿipapilo nava ṿinonu ṿwonti mwe ṿivaliye, tuhizya muvuvivi namulugulumwo, twali swe mantu, tuhapatanaga swe vuvo vatupu.

uTiiti 3:9

Ilelo imbuzilizyo zya vuwelewele nazye vakudalinkanʼamazina ga luho mwe gapwanilinkine namadali nivo zyʼuzigunjile, she zitakumuvosya nahamʼumuntu, havili zya shaha.

Yakobu 1:14

Nkandi vonti —woka woka— vakulingwa lwʼimpapilo zyavo zikuvakwesa nukuvafunkulanya.

Yakobu 4:3

Mukulava shisitakuposhela, she mukulava havivi ukuti muṿipoposyaje mumpapilo zyinyu.

1 Peteli 1:14

Inza shʼavana va lusajilo mutayiholanyaje nimpapilo zyinyu zye muhapapilaga lulwo muvusitavumanyinsanyi,

1 Peteli 2:11

Mwe vankundwa, nkuvalambilizyʼimwe she mwe vasamizi vwelele, mwe vashintizi, ukuti muzilʼimpapilo zya muvili wa mbivi zye zikulwʼuvulugu numwoyo.

2 Peteli 2:18

Vakuyangʼamazwi amadudusu ge gali vwelele, vakuvahopela mumpapilo zya muvili wa mbivi namuvuluṿu avantu ve vanzitʼukuyilema kuli vuvo ve vakujenda muvutezyi.

2 Peteli 3:3

Kutaliha muzimanye ukuti mumanda ga kumpelela pe valiloleha ava kuholela uluholelo, ve valijenda mumpapilo zyavo.