Yakobu 3:2 - Tesitamenti Umupwa 1965

² She swe vantu swenti tukupuva apinji. Uno wengʼatakupuva kwizwi nalimo, we muntu umwila, wʼamanyilʼukufunga umuvili wonti fwe ngati nalihova.

ULufingwi uLupwa

² Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.

Yakobu 3:2 ပူးပေါင်းရင်းမြစ်များ

Matayi 12:34

Mwe luho lwa njohʼimwe, mwe mwatinji muyanje vulʼinyinza, she mwe vanyala mwenemwe. She mwilomu umuntu akuyanga zizyo zye zikulafuha mumwoyo.

Matayi 12:37

She mumazwi gaho ulitashilwa uvugolosu, mwope mwe mumazwi gaho ulitashilwa uvuvivi.

VaLoma 3:10

Inza she lisimṿilwe lye likuti:

VaLoma 7:21

Mwe mumwo lelo inga nkwanzʼukuvomba uvwinza pe nkwenya lukuva fwe ngati luhomelezyo muhati yane ulwa kuvukalakasya uvutalamalandu.

1 VaKolinti 9:27

Inʼumuvili wane we nkuwuduṿula, nkuwupela fwe ngati muzya, nkuti lwe navalumbililʼavanji pʼine ntapotwʼukuhondela.

VaGalati 3:22

Ilelʼuwenʼukalata aṿwigaliye ṿwonti mwe muvutalamalandu, ṿwe ṿifinzilwe pe pakuti ṿifumaje mwe mulwitiho lwa kumwitihʼuYesu Chilisiti, ṿwinzaje kuli vonti venga vakumwitiha.

VaGalati 5:17

Shʼumuvili wa mbivi akupapila zizyo zyʼuMupepo atakupapila, vovulo nuMupepo akupapila zizyo zyʼumuvili wa mbivi atakupapila. Vwe ṿilasine ṿwe ṿivili vovulo, ukuti mutavombaje zizyo zyenga mukasimʼimwe ukuvomba.

Kolosi 1:28

We wuyo tukumukumusya lwe tukusoha avantu vonti woka woka nukuvasambilizya avantu vonti munjele zyonti, ukuti avantu vonti woka woka tuhavavishe kuminso ga Mulungu ukuva vila mwa Chilisiti.

Kolosi 4:12

Akuvalamuhʼimwe nuEpafula wʼafumile kumwinyu, umunyamata wa Chilisiti Yesu, wʼakuvalwila shimʼimwe mumputo zyakwe, ukuti musi mpaje muvulunjisu, havili ukuti mukwilaje mulukasamo lwa Mulungu lwonti.

VaHebuli 13:21

wʼavapanje uvulunjisu mumbombʼinyinza zyonti ukuti muvombaje zizyo zyʼakasime wuyo, lwʼakupela mumwitu Zye zihondeye kuminso gakwe mwe mwa Yesu Chilisiti wʼali muvumwamu shimashima nakuvusitakusila. Amen.

Yakobu 1:26

Umuntu wʼakuyisivilila ukuti muvombezi wa Mulungu, nkandi ulumili lwakwe atakulufunga fwe ngati nalihova, wʼakuyihopa mumwoyo wakwe, wʼuvuvombezi vwakwe vwa shaha vwelele.

Yakobu 1:4

Uvwenʼu-vuṿindilamalema vwe pakuti vuvombajʼimbombʼinyila, ukuti muvanje mwe vila, mwe valunjisu avasitakusovelwa nahamo.

Yakobu 2:10

Shʼuno wengʼasunzilʼinkomelezyo zyonti, lwʼashizile ululajizyo lwoka vwelele, pʼali fwe ngati ashizile zyonti.

1 Peteli 3:10

Shʼuno wengʼakasime ukulandilʼuvulanzi nukwenyʼamandʼaminza, we pakuti agalusyʼulumili lwakwe lutayangajʼimbivi, namalomu gakwe ukuti gatayangajʼizya vusheṿu.

1 Peteli 5:10

Uwene nyenʼuMulungu umuhatavwila vwonti, wʼavisitʼimwe ukwinjila muvumwamu vwakwe vwa shimashima mwe mwa Chilisiti, wʼalivapela wuyo ukuva mwe vila, alivagomwʼamaha, alivapʼinguṿu, alivasimfwʼimwe mwe muyimṿile amanda mansi.