VaEfeso 5:3 - Tesitamenti Umupwa 1965

³ Uluvembu nyene nuvuhandamanu vwonti nuvuluṿu, ṿwe mutaṿitahaje namazina imwe, inza ṿwe zivahondeyʼavafinjile.

ULufingwi uLupwa

³ Vhatavhatahaje ku nongwa izya vhulugusu nu vhuvhembu vhwonti, poosye kupapila ivintu, mwe pe inongwa izyo zitakwanzilwa kuvhombwa na vhafinjile.

VaEfeso 5:3 ပူးပေါင်းရင်းမြစ်များ

Matayi 15:19

She zikufuma mumwoyo zyontʼinsivʼimbivi, nuvugozi, nuluvembu, nizya vwa malaya, nuvwiva, nuvwahome vwʼilenga, namatona, nindigo.

uLuuka 12:15

Pahava vuzya ahati: Mwandaje vwontʼuvupapilaṿwonti vutavahopaje, she pope nashenga ṿimutangaliye, umuntʼuvulanzi vwakwe vutakufuma muṿwuma ṿwakwe ṿwengʼalonsile.

uLuuka 16:14

Zye vahiṿwa zyonti zinizi avaFalisayi avasungwampiya, pe vahamugota.

iMbombo izya Vhatumwa 15:20

tuvasimbilʼukalata ukuti nkandi vafupuhaje kuvuhandamanu vwa malungu, nakuzya luvembu, nakunyama zye vabuzite nakumavanda.

iMbombo izya Vhatumwa 20:33

Ntasungwaga nalumo nga wʼufeza nusahabu pamʼamenda ga muntu.

VaLoma 1:29

She vizuyʼuvugombanu vwonti nuvunyala nimpapilo nulombwa; vizuye nuvuzuva nuvugozi nivo nishifumbo nuvugulugulu. Ve viyevo,

VaLoma 16:2

ukuti mumuposhele mwa Mwene inza shʼavafinjile vahondeyʼukuhonzya. Havili mumupanje honti henga mukwaga akupotwa. She wope ahatutulaga swe vinji, nane navanji.

VaLoma 6:13

Twope nutuntu twa mumavili ginyu twe mutavuninchilizyaje uvutalamalandu ukuti tuvanje twa kuvombelʼuvugombanu ndali; muyininchilizyaje kwe kwa Mulungu, mulolehaje ukuti mukulandila mwe mwafuye, twope nutuntu twa mumavili ginyu vovulo, ukuti tuvanje twa kuvombela izya vugolosu.

1 VaKolinti 10:8

Havilʼiswe tutahavembushe inza shʼavene vamo vahavembuhaga, mwe mumwo vahagwa 23,000 kwisiku lyoka vwelele.

1 VaKolinti 5:1

Havili mumanye ukuti uluvembu lwe luli mumwinyu lukumusile, lwope nuluvembu lwe vatalumanyile nave vakunzi ukuti wumo ali numuhayise.

1 VaKolinti 6:13

Iṿwa kulya ṿwe ṿwa vula, vwope nuvula vwa ṿwa kulya. UMulungu nyene wʼaliyefwa ṿwe ṿivili navwe vula naṿwe ṿwa kulya. Nkandʼuwenʼumuvili te wa luvembu ndali, wa we Mwene, wope nuMwene wa we muvili.

1 VaKolinti 6:18

Simushimbilʼuluvembu. She vwontʼuvutalamalandu vwengʼumuntu akutala vwe vuli muluvazu mumuvili. Nkandi wengʼakuvembuha wʼakutalʼamalandu kumuvili wakwe.

2 VaKolinti 12:21

nkusaga ukuti inga ninzilʼukufiha kumwinyʼukwo, pʼuMulungu wane atahamṿizye kumwinyu, ukuti ingavanga vatahampelelʼukuswimililwa avinji ve vatazilʼamalandu hali avasitakupinduha kuvuhandamanu vwavo nakuvwamalaya vwavo nakuvuluṿu vwe valuṿile.

VaEfeso 5:12

She zye vakuzivomba kukwilʼavene, zye zikuva zya nsoni ukuziyanga.

VaEfeso 5:5

She zye muzimanyile izya kuti umuvembu numo numuhandamanu numupapilaṿwonti, we munyamata wa malungʼaganji, atalipwanʼuvupwano vwa shinamwene sha Chilisiti nisha Mulungu.

Filipi 1:27

Nkandi ulujendo lwinyu luvanje inza ṿwe zihondeye mwIvangeli lya Chilisiti, ukuti nashenga nkwinza nukuvenyʼimwe nashenga ndʼukutali niṿwaje izyinyu ukuti musimfile mumupepo woka, ukuti muli numwoyo woka lwe mukulwa pazya lwitiho lwʼIvangeli.

Kolosi 3:5

Ishi pe mutugogaje utuntu twa mumuvili winyu wa pansʼipa, nuluvembu nuvuhandamanu, nuvupwe vwa kupwela mumbivi, nuvulugusu uvuvivi, nuvupapilaṿwonti, shʼuvwene vwe vwa kugavombelʼamalungu.

1 VaTesaloniki 4:3

Ulu lwe lukasamo lwa Mulungu: Uluzelufwo lwinyu, mufupuhaje kuluvembu.

1 VaTesaloniki 4:7

ShʼuMulungu atatwisitʼiswe ukuti tuve muvuhandamanu nkandi muvufinjile.

1 Timoti 2:10

nkandi mumbombʼinyinza inza she zivahondeyʼavantanda ve vakutaha uvunyilaMulungu.

1 Timoti 3:3

Pakuti atavanje wushingwʼezi, nga wʼivo, avanje mutelefu, umusitakulwa, atavanje mupapilampiya,

1 Timoti 6:10

Shʼuvupapilampiya lye lizi lya mbivi zyonti, vwe vamo vahapapila vahajenda nukupuvʼidala lya lwitiho, zyinzile nukuvadovolanya imbaṿwo inyinji.

2 Timoti 3:2

Shʼavantu valiyikunda veka, valiva vapapilampiya, valiyitima veka, valiva namabado, avaligandigo, ve vakuvilʼavapafi vavo, avasitakusalifwa, avasitavufinjile,

uTiiti 1:11

Ve pakuti umuntu avaṿumbatizyaje kwilomu. Avene vakuṿwalanganyʼinyumba yonti mwe zivaliye lwe vakusambilizya zye zilʼumwiho she vakwanzʼuvulonsi vwa nsoni.

uTiiti 1:7

Shʼubishopo pe pakuti avanje muzelu vwelele izya kumuyanga, alolehaje ukuva musungashuma wa Mulungu, wʼatakulandatʼulukasamo lwakwe wuyo weka, atavanje mupupusu ukuṿitwa, nga wushingʼwezi, nga wʼivo, iṿwa kulonka atalonkaje mwe muvifile.

uTiiti 2:3

Vope navantanda avasongo vavanje vafinjile mulujendo, vatavanje vakwalanzi, vatavanje vazya va kungʼwelʼipele ilyinji, nkandi vavanje vasambilizi va nyinza,

VaHebuli 12:16

Numo atavanje muvembu, numo atavanje mukwelengusu inza shʼuYesavu, wʼuvwahatote vwakwe ahavukazya nishigavo shoka vwelele isha ṿintu.

1 Peteli 5:2

nkuti: Mudimajʼahinza idimilo lya Mulungu lye muli nalyo, mulisunjililaje. Mutavanje fwe ngati shimo shivaṿijilizizye ndali, nkandi musungwaje mwemwe mweka inza shʼakasimʼuMulungu. Vutavatumaje vwe vulonsi uvuvivi ndali, nkafidi ge moyo;

2 Peteli 2:10

Avene uyene ve vakulandata izya muvili wavo wa mbivi mumpapilo izya kuyihandamiha, vʼakupitilizyʼukuvasunda, nava ve vakupupusyʼavapiti, ve vakusinga, vakuvomba zye vakasime vuvo. Havili shisitakutetema vakuvuliga uvupiti ṿwonti,

2 Peteli 2:14

Muminso gavo vizuye lwe luvembu, ge gatakwikutʼuvutalamalandu, ve vantu ve vakuvasipa ve vashilʼukugoma mumoyo. Amoyo gavo gavelezinye mumpapilo zyonti, ve vana va ntipo.

2 Peteli 2:3

Mumpapilo valivasheṿwʼimwe ninongwʼinyata izya kulonchela mumwo ṿimʼavene. Vʼukulongwa kwavo kufuma he hali kutakuhava, nuvutupulwa vwavo vutakusupila.

Ishitushizya 2:14

Nkandi ndi nazyo zimo nyinsi izya kukupilila, she mumwaho uli navo vamo ve vazilemile zyʼuBilyamu amusambilizʼizyʼuBalaka ukuvihʼipunulo kuminso ga vana-Yisilayili, ilya kulyʼimputile zya malungu nilya kuvembuha.

Ishitushizya 2:21

Havili imulesheye ahavalilizyo ha kupinduha, nkandi atakwanza ukupinduha kuluvembu lwakwe.

Ishitushizya 21:8

Avene nyene avʼilyoga, nave vakusitʼukwitiha, nava vuhandamanu, navagozi navavembu navalozi, nave vakuputa kumalungʼaganji, navalumilenga vonti, ishigavo shavo shili mwa sumbi wa mwoto niṿibiliti, vwe vufwe ṿwa vuvili.

Ishitushizya 22:15

Kunzi kwe kuli imbwa navavwanga navamalaya navagogavantu navavombelamalungu, navonti ve valikunzitʼilenga nukulivombela.

Ishitushizya 9:21

havili vahasitʼukupinduha kuvugozi ṿwavo nakuluvembu lwavo nakuvwiva ṿwavo.