uYuuda 1:24 - Tesitamenti Umupwa 1965

²⁴ Uwene nyene uno wʼali namaha ga kuvuvatila ukuti mutatelemuhaje naga kuvaviha kuminso ga vumwamu vwakwe mwe vasitamazota muvusangalusu,

ULufingwi uLupwa

²⁴ UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

uYuuda 1:24 ပူးပေါင်းရင်းမြစ်များ

Matayi 16:27

ShʼuMwanamuntu pʼaliyinza navahavizya vakwe muvupiti vwa Yise, pʼalivalipilʼavantu vonti zye ziyanine nimbombo zyavo unʼiyakwe unʼiyakwe.

Matayi 19:28

UwenʼuYesu ahamula ahati: Nalyoli nkuvavuzyʼine nkuti: Imwe mwe mundandite shinishi, pupo pe ṿwonti ṿilipelwa ṿipwa NuMwanamuntu atendime pashitengo shakwe isha vupiti uvumwamu, pe namwe mulitendama paṿitengʼishumi naṿivili, mulimulongʼuYisilayili wonti mwʼavaliye munkolo zyakwe ishumi nazivili.

Matayi 25:31

Apene nyene lwʼaliyinzʼuMwanamuntu muvupiti vwakwe navahavizya vakwe vonti, pʼalitendama pashitengo shakwe sha vumwamu.

Matayi 5:12

Simuseshele mudovele she iṿwa kuvalipila ṿwinji kumwanya. Nkwe she vahonzizye vovulo ukuvaṿwima navakuvwi vonti, lwe mushili namwenemwe.

uLuuka 9:26

Shʼuno wengʼali ninsoni kukwane nakumazwi gane, we wope nu-Mwanamuntu aliva ninsoni kukwakwe, lwʼavusilʼukwinza muvumwamu vwakwe nuvwa Yise nuvwa vahavizyʼavafinjile.

VaLoma 14:4

We nanʼiwe wʼukumulongʼumuvomṿi wa wunji? Nashengʼakwimilila nashengʼakugwa, shima wa we mwene wakwe wuyo. Ukwenʼukwimilila kwʼangimilila, shʼumwene amanyilʼukumugomwa ukuti ayimilile.

VaLoma 8:31

Pe tuti vuli lelo zinizi? Apene ingʼuMulungu ali naswe, pʼunanu wʼangava mulugu witu?

2 VaKolinti 11:2

Shʼuvuzuva vwa Mulungu vundemile lwe nkuvenyʼimwe. Imbasipiyʼimwe kumwanaṿuli woka, she nkati imuninchilizyʼuChilisiti umulindʼumuzelu.

2 VaKolinti 4:14

She tumanyile ukuti wuyo wʼamuzyusizye uMwenʼuYesu wʼalituzyusya poka nuYesu, havili alituviha kuminso gakwe poka namwe.

2 VaKolinti 4:17

Shʼagenʼamayimba gitu mapupusu, gatakuhavʼukupitilila, ge gakupitilizya ukutupelʼuvumwamu uvupiti uvulusyi uvwa shimashima.

VaEfeso 3:20

Uwene nyene wʼali namaha aga kuvomba nkani ukupitilizya kuli ṿwonti ṿwe tukulava naṿwe tukusiva, inza she ziholine namaha ge gakuvomba mumwitʼiswe,

VaEfeso 5:27

ukuti uwene ayimishilʼishivanza ishimwamu ishisitamazota nagamo, ishisitamankunya nagamo, ishisita natumʼutunji twe tuli fwe tutwo, nkandi shive shifinjile ishisitaṿilema.

Kolosi 1:22

shinishi nyene avakundinyʼimwe mumuvili wa vuntu vwakwe mwe muvufwe, ukuti muvanje mwe vafinjile kuminso gakwe, avasitaṿilema navasitakulonjelelwa.

Kolosi 1:28

We wuyo tukumukumusya lwe tukusoha avantu vonti woka woka nukuvasambilizya avantu vonti munjele zyonti, ukuti avantu vonti woka woka tuhavavishe kuminso ga Mulungu ukuva vila mwa Chilisiti.

Kolosi 3:4

Inga lumo lwʼuChilisiti ayinzʼaloleha, pʼimwe muliloleha poka nawo muvumwamu.

2 Timoti 4:18

Havili uMwene alimfwula kumbombʼimbivi zyonti, alimpoha ukuti imfishe mushinamwene shakwe sha kumwanya. We wuyo ali nuvumwamu shimashima. Amen.

Yakobu 2:10

Shʼuno wengʼasunzilʼinkomelezyo zyonti, lwʼashizile ululajizyo lwoka vwelele, pʼali fwe ngati ashizile zyonti.

1 Peteli 4:13

Nkandi museshelaje lwe mukuyimbilana nuChilisiti mumayimba gakwe, ukuti muhaseshele vovulo nukululutila pala pʼuvumwamu vwakwe vulikupulwa.

2 Peteli 1:10

Mwe mumwo lelo mwe vamwitu, mulusyajʼukuyikungula ukusimpa mulwitiho lwinyu namuvusavulwa vwinyu, shʼinga mukuhonzya vovulo pe mutalipunula nalumo.

uYuuda 1:21

muyisunjilile mushikunzi sha Mulungu, aminso ginyu gatontomelaje kulupepelezyo lwa Mwene witu uYesu Chilisiti ukuti muvanje nuvulanzi vwa shimashima.

Ishitushizya 14:5

Havili mumalomu gavo shitahaloleha ishifumbo nashimo, she vasitamazota.