uYuuda 1:20 - Tesitamenti Umupwa 1965

²⁰ Imwe nyene, mwe vankundwa, muyizenjele palwitiho lwinyu ululusyʼuvufinjile, muputaje mwe mwa MupepʼuMufinjile,

ULufingwi uLupwa

²⁰ Ileelo imwe vhankundwa, muyizenje mu lwitiho lwinyu ulufinjile nkaani nu kulaavha ku maha aga Mupepo uMufinjile.

uYuuda 1:20 ပူးပေါင်းရင်းမြစ်များ

iMbombo izya Vhatumwa 15:9

Zitalipo izya kuti naswe navuvo tuli payo shʼazelufizye amoyo gavo mulwitiho.

iMbombo izya Vhatumwa 26:18

ukuti uhavigulʼaminso, vafume mushisi, vinze muvuzelu, vepe mumaha ga Setano, vinze kwa Mulungu, ukuti vaposhele nuvuswila vwa malandu gavo nuvupwano poka nave vazelufile mulwitiho lwa kunitihʼine.

iMbombo izya Vhatumwa 6:7

Pe ninongwa zya Mulungu zihasavalila, vope navasundikwa vahonjezya ukuṿula nkani mu-Yelusalemu, vope navashiputʼimpuga zihavaholʼizya lwitiho.

iMbombo izya Vhatumwa 9:31

Ilelo pashivanza mwonti mu-Yudayi namu-Galilayi namu-Samaliya shihasankana, shihayizenga, shihajendela mulunyilo lwa Mwene, shihaṿula shʼuMupepʼuMufinjile ahashi-tulaga.

VaLoma 15:2

Swenti pakuti tumushelajʼuwamwitu wenga tupalamine nawo, ukuti avanje nuvwinza azengwaje fwe ngati nyumba.

VaLoma 8:15

Shʼuwenʼumupepo we mumuposheleye, wʼate wa vuzya wa kuvasontelezya Ishitetemwi nohavili, ndali, we mupepo wa vwana we mumuposheleye, we wuyo tukuvilishila mumwo tukuti: Aha! We Tata!

1 VaKolinti 1:8

Wʼalivagomwʼimwe ukufiha nakumpelela muvusitanazimo pisiku lya Mwene witu uYesu Chilisiti.

1 VaKolinti 10:23

Vulipʼuvusatushe kuṿwonti, nkandi te ṿwonti ṿwe ṿikuhondela. Vulipʼuvusatushe kuṿwonti, nkandi te ṿwonti ṿwe ṿikuzenga.

1 VaKolinti 14:15

Shonu lelo? Ndiputa mwa mupepo, havili ndiputa namuzya nsivo vovulo; ndiyimba mwa mupepo, havili ndiyimba namuzya nsivo vovulo.

1 VaKolinti 14:26

She shonu lelo, mwe vamwitu? Lwe mukuvungana, pe wokʼakuva nulwimbo, woka ninsambilizyo, woka ninongwʼimpwa yʼikupulilwe, woka nuvuyanjilamili izyamwavo, woka nizya kwilulʼimili zinizi, zyonti zinizi lelo zivanje zya kusimfanya.

VaGalati 4:6

Shinishi lelo she mwe vanavana, pʼuMulungu atutumiye uMupepo wa Mwana wakwe mumoyo gitu, wʼakuvilishila akuti: Aha, lye likuti Tata.

VaEfeso 4:12

ukuti vavayananyʼavafinjile, imbombo ya vuvombezi yivombwaje, ukuti umuvili wa Chilisiti azengwaje;

VaEfeso 4:16

Shʼumuvili wonti wʼayisendenkinyʼutuntu twonti, wʼayisopenkinye nimpingu zyakwe ukusenda mwe mumwakwe wuyo amaha ga kukula, alandite mumwo mwe tukuvombelʼimbombo yavo utuntu twonti, ihʼiyakwe ihʼiyakwe, akuyizenga weka nukuyizenjela mushikunzi.

VaEfeso 4:29

Amazwi amavozu nagamo gatafumaje mwilomu lyinyu, nkandi ge minza geka ge gakugazenga amoyo ga vamwinyu lwenga mwazile pakuti muyanje zimo, ukuti gavanje ga vwila kuli ve vakwiṿwa.

VaEfeso 6:18

Zinizi zye muvombaje lwe mukuputa nukulambilizya shima mwa Mupepo. Zye mudamulilaje lwe mukuzyumishizya nkani nukuvalavila avafinjile vonti,

Kolosi 2:7

lwe musimfile amazi nukuzengwa muli wuyo, lwe musimfile mulwitiho inza she musambilizilwe, lwe mukulusya ukusalifwa.

1 VaTesaloniki 5:11

Mwe mumwo lelo mukumbusanyaje, muzenganaje mwe vuvo vatupu, inza she mukuhonzya.

1 Timoti 1:4

Vatenyaje utulumbe namazina ga nkolo mwe galandatine amasitavusilo, shʼagene gakupelʼimbuzilizyo inyinji shisitakulusyʼukusimpa mumiho ga Mulungu ge gali mulwitiho.

2 Timoti 1:5

Zimo zinkumbusizyʼulwitiho lwaho lwʼuli nalwo ulusitamafuji nagamo, lwe lwatalisilʼukuzenga mwa nyohokulu uLoyisi, namwa nyohombala uYinike, lwe nkutungamiye nawe ukuti luzenzile namumwaho.

uTiiti 1:1

UPavuli umunyamata wa Mulungu, umwapositili wa Yesu Chilisiti, ne wa kuluvombelʼulwitiho lwa vasavulwa va Mulungu muvumanyinsanyi vwa vwanalyoli vwe vukulandatana nuvunyilaMulungu,

Yakobu 2:22

Ukwenya ulwitiho inza she luhavombelana nimbombo zyakwe, havili ukuti ulwitiho luhalunjiha mumbombo,

2 Peteli 1:1

USimoni Peteli, umunyamata numwapositili wa Yesu Chilisiti, nkuvasimbila mwe muposheleyʼulwitiho lwe luli inza shʼulwitu uvugomu, muvugolosu vwa Mulungu witu nuMuposhi uYesu Chilisiti:

1 Yohani 5:4

She zyonti zye zipafilwe mwa Mulungu zye ziyipositʼinsi. Uvwene lelo uvupoti vwe vuyipositʼinsi, lwe lwitiho lwitu.

uYuuda 1:3

Mwe vankundwa, lwe nkuyikungula ukuvasimbilʼizya vupokwa vwe tuli navwo vwoka vwene swenti, pe nkaga zimo zikumṿijilizya ukuti imbasimbile izya kuvayinzanya imwe ukuti mulwilajʼulwitiho lwe vapelilwe lyoka lyene avafinjile.

Ishitushizya 13:10

Uno wengʼakugoma avamwavo uvugomwa, we wope aligomwa vwe vugomwa. Uno wengʼakugoga avamwavo nishipanga, we wope aligogwa nishipanga. Panapa pe vulipo uvuṿindilamalema nulwitiho lwa vafinjile.