Ishitushizya 9:1 - Tesitamenti Umupwa 1965

¹ Pe wope nuhavizya wa vusano ahahomʼisaji. Pe nkalda uluzota lwe lwaguye pansi kufuma kumwanya, lwe luhapelwa ishigulilo sha shiliva sha kungolongo.

ULufingwi uLupwa

¹ Woope uhavhizya uwa vhusaano ahahoma isaji lyakwe, nkalola uluzota lwe lwáfumile ku mwanya, luguuye pansi, lwope luhapeelwa ishigulilo isha ilivha ilya ku vhuzimu.

Ishitushizya 9:1 ပူးပေါင်းရင်းမြစ်များ

uLuuka 10:18

Uwenʼahati: Nane imuwenyʼuSetano akuhampila ngati lumesyo lwa mṿula lwʼakutunyuha kumwanya.

uLuuka 8:31

Pe zihalambilizya kukwakwe zihati: Utatuvuzyajʼukuti simuyitaje mushiliva sha kungolongo.

VaLoma 10:7

Pamo ukuti wʼunanu wʼaliyiha ukuvala pansi pangolongo? (She kwe kumuzuṿwʼuChilisiti ukufuma kuvafwe.)

Ishitushizya 1:18

ne Mulanzi nenene, nafuye, havili yenya, nkulandila nakuvusitakusila nalumo lumo. Ndi niṿwigulilo ṿwa kuvufwe niṿwa kuvuzimu.

Ishitushizya 1:20

Usimbajʼizya kusukumilʼuvupiti izya nzota zisano nazivili zyʼuziwenyi kumuhono wanʼumulilo nizya yilemanyale ṿisano naṿivili iṿwa sahabu iṿi. Inzota zisano nazivili zye ve vahavizya va ṿivanza ṿisano naṿivili. Iṿwenʼiṿilemanyale ṿisano naṿivili ṿwe ṿivanza ṿiniṿi ṿisano naṿivili.

Ishitushizya 11:7

Apene nyene lwenga vamalilizya uvwahome ṿwavo, pʼishintu she shikuzuva kufuma kungolongo shililwa navo uvulugu, shilivapota nukuvagoga.

Ishitushizya 17:8

Ishintu shila she washiwenyi shalipo, ishi shitalipo shilizuva ukufuma kushiliva sha kungolongo ukuvala kulunanjiho. Navantu vonti ve vasamiye munsi valisukumila, vʼamazina gavo gatasimṿilwe mwa kalata wa vulanzi ukufuma pala pʼulwalo lwa nsi luhavikwaga, valisukumila lwe vakulolʼishintu shila ukuti shalipo, havili ishi shitalipo, havili shiliva.

Ishitushizya 20:1

Havili nkalola uhavizya akwiha kufuma kumwanya, alemile ishigulilo sha shiliva sha kungolongo numunyololo umupiti munyove zyakwe.

Ishitushizya 20:10

Pʼumukwalanzi wʼavatezizye ahatagwa mwa sumbi wa mwoto nuwa ṿibiliti, mwʼishintu numukuvwi wakwe wʼilenga valongoleye. Mwe valiyimba uvusiku numusanya shisitakusila nalumo lumo.

Ishitushizya 6:13

ninzota zya kumwanya zihalagala pansi, zihahonzya fwe ngati makunyu gʼituvu ge gakugwa kunkungʼimpiti inga yikuliyinzya.

Ishitushizya 8:10

Pe wope nuhavizya wa vutatu ahahomʼisaji. Pʼuluzota ulupiti lwe luhahaga umwoto fwe ngati lizondolo, luhagwa pashigavo shoka paṿitatu sha majenje napaṿiduda vwa minzi.

Ishitushizya 8:12

Pe wope nuhavizya wa vune ahahomʼisaji. Pʼishigavo shoka paṿitatu ishʼizuva nisha mwezi nisha nzota ṿvihahomwa, mwe mumwo ṿihilupa ishigavo shoka paṿitatu, numusanya wutahalama ishigavo shoka paṿitatu, ṿwope nuvusiku vovulo.

Ishitushizya 8:2

Pe nkalola avahavizya vasano navavili vala ve vimiliye kuminso ga Mulungu, ve vahapelwa amasaji gasano nagavili.

Ishitushizya 9:2

Ulwene luhigula kushiliva sha kungolongo. Ilelo pʼilyosi lihazuva ukufuma mushiliva fwe ngati lyosi lyʼilungu ipiti, nizuva lihayipelʼukuva shisi, nakumwanya vovulo kwe kwizuyʼilyosi lya shiliva.