Ishitushizya 8:7 - Tesitamenti Umupwa 1965

⁷ Pʼumutanzi ahahomʼisaji. Pʼintalala numwoto ṿwe ṿisangine namavanda vihatajilwa pe pansi. Pʼishigavo shoka paṿitatu isha nsi shihapwa, nishigavo shoka paṿitatu isha makwi shihapwa, nisole ilyolo lyonti lihapwa.

ULufingwi uLupwa

⁷ Pe uhavhizya umutanzi ahahoma isaji lyakwe, kuhavha imvula iya mavhwe nu mwoto vwe visangiine na mavhanda, vihasumbwa pa nsi. Pe ishigavho shooka pa vigavho vitatu ivwa nsi shihananjiha, ishigavho shooka pa vigavho vitatu ivwa makwi shihananjiha na masole amoolo gonti gahananjiha.

Ishitushizya 8:7 ပူးပေါင်းရင်းမြစ်များ

Yakobu 1:11

She lwe litukuyʼizuva nahasanya hakwe, pʼisole lihuma, nuvwezya vwakwe vuhalagala, nuvwinza vwa shati shakwe vuhatega. Shʼalihonzya vovulo wope nudumbwe, afifwoha mumadala gakwe.

1 Peteli 1:24

She: Vontʼavantu vali fwe lisole, nuvumwamu vwavo vwonti vuli fwe vwezya vwʼisole. Isole lyumile nuvwezya vulagaye.

Ishitushizya 12:4

Ulusinda lwakwe luhakwesagʼinzota zya kumwanya ishigavo shoka paṿitatu, luhazitaga pansi. Injoha yiyo isikisiki yihimilila ukulungamana numwantanda, ukuti ingʼakupapʼumwana wakwe yimumilaje.

Ishitushizya 16:2

Pʼumutanzi ahavalʼukwitʼiṿwa muluviga lwakwe pansi, pʼipumbʼivivi ilya lombwa lihavalemʼavantu vonti ve vali nuvusimbe ṿwa shintu nave vahaputaga kushiholanyo shakwe.

Ishitushizya 16:21

Nintalalʼimpiti yʼamavwe gakwe gali nuvumwamu fwe ngati ṿwa latili, gahalagala kufuma kumwanya nukuhomʼavantu. VahamusamulʼuMulungu kuzyʼisunde ili ilya ntalala, shʼisunde lilyo lyali lipiti nkani.

Ishitushizya 6:8

Pe nkalola, yenya, imfalasi imṿuku. Uwene wʼayilimbiye we Vufwe izina lyakwe, nuvuzimu vwalandatine nawo. Ve vapelilwe ishigavo shoka paṿine isha nsi, ukuti vagogajʼavantu kushipanga nakunzala nakumpungo nakuṿikoko ṿwa munsi.

Ishitushizya 7:1

Ilelo lwe zipitiliye zinizi, pe nkalola avahavizya vane vimiliye kuṿipembe ṿwe ṿine iṿwa nsi, valemilʼinkungu zye zine izya munsi, ukuti inkungu yitaṿugulaje pansi napasumbi napamakwi gonti.

Ishitushizya 9:15

Pe vahasatulwa avahavizya vane vala, ve vayananizilwe nzila pazya havalilizyo hanaha napazyʼisiku napazya mwezi napazya mwaha, ukuti vavagogajʼavantu ishigavo shoka paṿitatu.

Ishitushizya 9:18

Pʼavantu vahafwa ishigavo shoka paṿitatu kuntipo zitatu zinizi, ulwa mwoto nulwa lyosi nulwa ṿibiliti ṿwe ṿwafumile mumalomu gavo.

Ishitushizya 9:4

Lyayanzilwe kuli wuyo ukuti atanangajʼisole lya munsi numulemṿwe wonti namakwi gonti, nkandi ve vantu veka ve vate nahalemezanyo ha Mulungu pasheni shavo.