Ishitushizya 8:2 - Tesitamenti Umupwa 1965

² Pe nkalola avahavizya vasano navavili vala ve vimiliye kuminso ga Mulungu, ve vahapelwa amasaji gasano nagavili.

ULufingwi uLupwa

² Nkavhalola avhahavhizya 7 vhe vhakwimiilila pilongolela ilya Mulungu, vhoope vhahapeelwa amasaji 7.

Ishitushizya 8:2 ပူးပေါင်းရင်းမြစ်များ

Matayi 18:10

Mwandaje mutamupupusyaje numo uwa vansʼiva; she nkuvavuzyʼine nkuti: Avahavizya vavo kumwanya vakulolana nawo shima kuminsʼuTata wa kumwanya.

Matayi 24:31

Pʼalitumʼavahavizya vakwe ava masajʼamapiti, ve valivunganiha avasavulwa vakwe, valifuma navo kunkungu zye zine, ukufuma kuluvazu lwoka lwa mukwembe ukuvalʼukufiha nakuluvazu ulwamwavo.

uLuuka 1:19

Pʼahamulʼuhavizya ahati: Ine ne Gabiliyeli, shima nimiliye kuminso ga Mulungu. Shinishi ntumilwe kukwaho ukuyanga nawe ukukuvuzyʼinongwʼinyinza zinizi.

uLuuka 21:36

Mudamule lelo shima muputaje, namwe ukuti muhondele ukupona zyonti zinizi zye zikwinza nukwimilila kuminso kwa Mwanamuntu.

1 VaKolinti 15:52

apashezi napahakapizyo ha minso, lwe likukutʼisaji lya pampelela. Lwe lilikutʼisaji, ilelo pʼavafwe valizyuha muvusitavuvozu, pe naswe tuliyandulwa.

1 VaTesaloniki 4:16

ShʼuwenʼuMwene aliyiha ukufuma kumwanya mwizwi lya kuyinzya namwizwi lya songo wa vahavizya namwisaji lya Mulungu lye likukuta. Ilelo pe valitaliha ukuzyuha vuvo ve vafuye mwa Chilisiti.

Ishitushizya 1:4

Nene ne Yohani nkuvasimbila mwe vamuṿivanza ṿisano naṿivili ṿwe ṿili mw-Asiya. Uvwila vuvanje namwe nuvwihalo vwe vukufuma kuli wuyo wʼalipo shinishi, wʼalipo nalulwo, havili wʼaliyinza, nakumpepo zisano nazivili zye zili kuminso ga shitengo shakwe isha vumwene,

Ishitushizya 11:15

Wope nuhavizya wa vusano navuvili ahahomʼisaji. Pʼamazwi amapiti gahapongomoha kumwanya, gahati: Uvumwene ṿwa munsi yonti vuyipezilʼukuva ṿwa Mwene witu nuvwa Chilisiti wakwe. Aliva wʼuMwene wuyo shima ukufiha nakuvusitakusila nalumo lumo.

Ishitushizya 15:1

Pe nkalda umumfindango uwamwavo kumwanya, umupiti uwa kusukumila, avahavizya vasano navavili ve vali nintipo zisano nazivili izya kumpelela, shʼuvuhalazu ṿwa Mulungu vuhalunjiha muli zizyo.

Ishitushizya 16:1

Pe nkiywa izwʼipiti kufuma mwa tempeli lihayanga navahavizya vasano navavili iva, lihati: Valaji mwite munsi uvuhalazu ṿwa Mulungu vwe vuli mumbiga izi zisano nazivili.

Ishitushizya 8:13

Pe nkenya, nkiṿwa ipula lyoka likwelela nukudumunsanya pahati paya kumwanya, lihayangʼizwʼipiti lihati: Ye mayi we, ye mayi we, ye mayi we, kuli vonti ve vazenzile pansi kuzya mazwi ge gasyaye aga masaji ga vahavizya vatatu ve vandi vagahome.

Ishitushizya 8:6

Pʼavahavizya vasano navavili vala ve vapelilwʼamasaji gasano nagavili vahayisenganya ukuhomʼamasaji gavo.

Ishitushizya 9:1

Pe wope nuhavizya wa vusano ahahomʼisaji. Pe nkalda uluzota lwe lwaguye pansi kufuma kumwanya, lwe luhapelwa ishigulilo sha shiliva sha kungolongo.