Ishitushizya 5:9 - Tesitamenti Umupwa 1965

⁹ Vahimbʼulwimbʼulupwa vahati: Iwe uhondeyʼukuposhelʼukalata nukwigulʼutulemezanyo twakwe, she wavolilwe, umukaliyʼuMulungu namavanda gaho avantu va munkolo zyonti namunjango zyonti namuvantu vonti namunsi zyonti.

ULufingwi uLupwa

⁹ Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.

Ishitushizya 5:9 ပူးပေါင်းရင်းမြစ်များ

Matayi 20:28

inza she wope nuMwanamuntu atinzilʼukwanzʼavakumuvombela wuyo ndali, ayinzilʼukuvavombela ve vantu wuyo, ayinzilʼukulipʼuvulanzi vwakwe ukuti vuvanje vwa kuvavombela ve vinji.

Matayi 26:28

She ge mavanda gane ga lumfingwʼulupwa ge gakuvitishila ve vinji kuvuswila vwa malandu.

iMbombo izya Vhatumwa 20:28

Mwandaje muyenyajʼahinza mwenemwe, mulyenyajʼahinza lyope nidimilo lyonti lyʼuMupepʼuMufinjile avavisilʼimwe ukuva mwe vasunzi, ukuti mudimajʼishivanza sha Mulungu shʼashikazile namavanda gakwe wuyo.

1 VaKolinti 6:20

she mukazilwe niṿintʼiṿi-gomu imwe. Mwe mumwo lelo mushindihajʼuMulungu mumavili ginyu numupepo winyu, ṿwe ṿwakwʼuMulungu.

1 VaKolinti 7:23

Mukazilwe niṿintʼiṿigomu. Kwe ndali ukuva mwe vazya va vantu lelo.

VaEfeso 1:7

Muli wuyo tuli nuvuhombozi vwe gatuhomboyʼamavanda gakwe, nuvuswila vwa nchilanyo zyitu, ukulandata muvwila vwakwe vwe vutangaye,

VaEfeso 5:19

Lwenga mukwizya pe muyizizyaje nazye nyimbo zya kuputa nizya kutima nazye mukwata mwa mupepo. MumwimbilajʼuMulungu, mumuhomelaje namapango mumoyo ginyu.

Kolosi 1:14

we muli wuyo tuvwazile uvupokwa, uvuswila vwa malandu.

Kolosi 1:23

Inga nalyoli mukulwumishizya ulwitiho, inga muyibaniye, inga musimfile, inga nahamo hatakuvasegusya kulusuvilo lwʼIvangeli lye mwiṿuye, lye likumusile kuṿipelelwa ṿwonti ṿwe ṿili kunsi kwivingo, lyʼine ne Pavuli njipezilʼukuva ne muvomṿi wakwe.

uTiiti 2:14

wʼatufwiliye ukuti atutavuzyaje kuvusitankomelezyo vwonti, havili ukuti ayizelufizyaje uluho lwe nsavo yakwe nzila, lwa vantu ve vakuyikungula kumbombʼinyinza.

VaHebuli 11:14

Shʼava venga vakuyanga vovulo ve vakuloleha ukuti vakusamba kumwavo.

2 Peteli 2:1

Muvantu nyene mwe vah navakuvwi avilenga, inza she namumwinyu muliva navasambilizi avilenga. Ve muvushevu valiyinjizya uvuṿwalanganu uvupelakutupulwa, havili valiyihana kwa Mwene wʼavakazile. Valiyipalilʼuvutupulwa vwe vutalihavʼukuvaga.

1 Yohani 1:7

Nkandi lwenga tukujenda muluhozyo, inza shʼuwene ali muluhozyo, pe tuli nuvulilani swe vuvo vatupu, namavanda ga Yesu uMwana wakwe gakutuzelufwa uvutalamalandu ṿwonti.

1 Yohani 2:2

Uwene ye mputile ya lukundanyo pazya malandu gitu, te kwe kumalandu gitu geka ndah, nkandi naga nsi yonti.

Ishitushizya 10:11

Pe vahambuzya vahati: Pe pakuti uvuyizyaje ukuvakuvwa avantu ninsi ninjango navamwene ve vinji.

Ishitushizya 11:9

Ilelo pʼavantu inkolo ninjango ninsi valigenyʼamaṿimba gavo kumanda gatatu ninusu, valivalesya venga vakwanza ukugasyila mumbipa.

Ishitushizya 13:7

Shapelilwe ukulwa navafinjile nukuvapota, havili shapelilwe ukukonzya inkolo zyonti navantu vonti ninjango zyonti ninsi zyonti.

Ishitushizya 13:8

Vonti ve vasamiye munsi valikupama nukuputa kukwakwe, vʼamazina gavo ukufuma kwe kuvwando ṿwa nsi gatasimṿilwe mwa kalata wa vulanzi uwa Hagonzi he havolilwe.

Ishitushizya 14:6

Pe nkamulola uhavizyʼuwamwavo akuvuha pahati paya kumwanya, lwʼalemilʼIvangeli lya shimashima ukuvakumusizya vonti ve vasamiye pansi namunsi zyonti namunkolo zyonti namunjango zyonti nakuvantu vonti,

Ishitushizya 15:3

Vahimbʼulwimbo lwa Mose umunyamata wa Mulungu nulwimbo lwa Hagonzi, vahati: Mpiti, zya kusukumila imbombo zyaho, we Mwene Mulungu, we Muhatamahagonti. Amadala gaho ge ga vugolosu, ga nalyoli, we Mwene wa nkolo zyonti.

Ishitushizya 17:15

Havili ahambuzya ahati: Aminzi gala gʼugawenyi, gʼumwantandʼumalaya ula atendime pupo, ve vantu, nimpuga zya vantu, zye nkolo zya vantu, ninjango zya vantu mwe vavaliye.

Ishitushizya 4:11

Uhondeyʼiwe we Mwene, we Mulungu witu, ukuposhela uvumwamu nulushindiho namaha, shʼiwe upezile vwonti, havili mulukasamo lwaho ṿwalipo, muli lulwo mwe ṿipezilwe.

Ishitushizya 5:12

Ve vahayanga izwʼipiti vahati: AHagonzi he havolilwe hahondeye ukuposhela amaha nuvudumbwe ninjele ninguvu nulushindiho nuvumwamu nulutimo.

Ishitushizya 5:6

Pe nkalola pahati pashitengo sha vumwene napaṿipuma ṿwe ṿine napahati pavasongo aHagonzi himiliye pupo he hali fwe ngati havolilwe, he hali nimpembe zisano nazivili naminso gasano nagavili, ge zye mpepo zya Mulungu zisano nazivili, zyʼazitumile munsi yonti.