Ishitushizya 4:9 - Tesitamenti Umupwa 1965

⁹ Ilelo shima lwʼiṿipuma iṿi ṿikumupʼuvumwamu nulushindiho nukumugwilʼulupi uno wʼatendime pashitengo sha vumwene, wʼalipo shima nakuvusitakusila nalumo lumo,

ULufingwi uLupwa

⁹ Uweene we atendiime pa shitengo isha vhumwene, we wu Mulungu we mulanzi shiima shiima. Ivipelwa ivwo, ahavhaliilizyo honti lwe vikumushindiha nu kumumwamiha nu kumusalifwa,

Ishitushizya 4:9 ပူးပေါင်းရင်းမြစ်များ

VaHebuli 7:25

Mwe mumwo amanyile ukuvapoha nzila vonti venga vakujendela mumwakwe wuyo ukupalamila kwa Mulungu, shʼuwenʼakulandila shima ukuti avimilaje.

VaHebuli 7:8

Panapo lelo pʼiṿwa pishumi ṿwe vakuposhela avantu ve vakufwa, nkandi kula wuyo wʼatasilwe muluhomeshezyo ukuti akulandila.

Ishitushizya 1:18

ne Mulanzi nenene, nafuye, havili yenya, nkulandila nakuvusitakusila nalumo lumo. Ndi niṿwigulilo ṿwa kuvufwe niṿwa kuvuzimu.

Ishitushizya 10:6

Ahalapila muli wuyo umulanzi shima nakuvusitakusila nalumo lumo, wʼapezile iya kumwanya naṿwe ṿili mumwo niya pansi naṿwe ṿili mumwo nusumbi naṿwe ṿili mumwo, ukuti pataliva ahavalilizyo ahamwavo he hasyaye,

Ishitushizya 15:7

Pe shoka kufuma muṿipuma ṿine ṿila shihavapʼavahavizya ve vasano navavili imbiga zya sahabu zye zyizuye uvuhalazu ṿwa Mulungu wʼalipo shima nakuvusitakusila nalumo lumo.

Ishitushizya 21:5

Pe wʼatendime pashitengo sha vumwene ahati: Yenya, nkuṿwandula ṿwonti, nkuṿipelʼuvupwa. Havili ahati: Simbaga ukuti amazwi gontʼiga matungamu, ga nalyoli.

Ishitushizya 4:2

Pʼapashezi nkava mwa Mupepo. Pe nkagʼishitengo sha vumwene shili kumwanya, havili pashitengo woka atendime pupo.

Ishitushizya 4:8

Havili iṿipuma vwe ṿine ṿiniṿi ṿwonti shoka shoka ṿwali niṿwapa umutanda vwe ṿwizuyʼaminso mumbazu zyonti namuhati vovulo. Ṿitakutuzya shamusanya nuvusiku lwe ṿikuti: Mufinjile, Mufinjile, Mufinjile uMwene uMulungu uMuhatamaha gonti, wʼalipo lulwo, wʼalipo nashinishi, we havili akwinza.

Ishitushizya 5:1

Nkalola Ukalata mumuhonʼumulilo wa wʼatendime pashitengo sha vumwene. Ukalatʼuno wʼasimṿilwe mwonti muhati nakundwila vovulo, we vawulemezinye nutulemezanyo tusano natuvili.

Ishitushizya 6:16

Vakugavuzya amagamba namavwe vakuti: Mutugwile, mutuzyishe kuminso gʼuno wʼatendime pashitengo sha vumwene nakuvuhalazu vwa Hagonzi.

Ishitushizya 7:15

Mwe mumwo shinishi valungamine nishitengo sha Mulungu, vakumuvombela umusanya nuvusiku mutempeli yakwe, nuno wʼatendime pashitengo sha vumwene aliyipelʼukuva lihema lyavo.