Ishitushizya 3:1 - Tesitamenti Umupwa 1965

¹ Uwenʼuhavizya wa shivanza sha mu-Salidisi wʼumusimbilaje utinji: Lyʼakuyangʼuno wʼali nimpepo zisano nazivili izya Mulungu ninzota zisano nazivili, akuti: Inzimanyilʼimbombo zyaho. Nashenga vakukutaha ukuti we mulanzi, ilelo we mufwe.

ULufingwi uLupwa

¹ “Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.

Ishitushizya 3:1 ပူးပေါင်းရင်းမြစ်များ

uLuuka 15:24

Shʼumwana wanʼuno amafuye, shinishi pʼazyusile havili, amatezile, shinishi palolesile havili. Pe vahandʼukuseshela nkani.

uLuuka 15:32

Nkandi tuhondeye nukudovela nukuseshela, shʼumuzuna wahʼuno amafuye, shinishi azyusile havili, amatezile, nkandi shinishi alolesile havili.

Yohani 1:16

Havili swenti muvutangale vwakwe tuhasendela vwe vwila havili havili.

Yohani 1:33

Nane ntamumanyile ndali; wuyo nyene wʼantumile ukwozya naminzi, we wuyo wʼambuzizye atili: Wuyo wengʼuyazile uMupepo akumwishila nukutendama papakwe, we wuyo wʼakwinzʼukwozya muMupepʼuMufinjile.

Yohani 20:22

Ilelo lwʼayanzile linili, pʼahavaputilʼumuyu, ahati: MuposhelajʼuMupepʼuMufinjile.

Yohani 3:34

Shʼuno wengʼuMulungu amutumile, wʼakuyanga ge mazwi ga Mulungu. She lwʼakumupʼumuntʼuMupepo atakumupa pashilinjilo.

iMbombo izya Vhatumwa 2:33

Ilelo lwʼamuzuṿizye kumwanya kumuhonʼumulilo wa Mulungu, lwʼaposhela kwa Yise ulumfingwi lulʼulwa MupepʼuMufinjile, pʼahisitʼaha he mukuhenya nukuhiṿwa.

VaEfeso 2:1

Namwe mwali mwe vafwe munchilanyo namuvutalamalandu vwinyu,

VaEfeso 2:5

Nashenga twali swe vafwe munchilanyo zyitu, ahatupelela poka nuChilisiti uvulanzi. Mwe muvwila mwe muhapokwa.

Kolosi 2:13

Ilelo lwʼimwe mwali mwe vafwe munchilanyo namunsitakuvolwa umuvili winyu wa mbivi, pʼuwene ahavapelʼimwe poka nawo uvulanzi, lwʼavaswila inchilanyo zyinyu zyonti,

1 Timoti 5:6

Nkandʼuno wengʼakupapamila, wʼafuye nzila nashengʼalipo akulandila.

Yakobu 2:26

Inza shʼahonzizye nawe muvili, shʼingʼate numwuyu pe mufwe, lwope nulwitiho vovulo inga lutakuloleha mumbombo, pe lufwe.

1 Peteli 1:11

Vahavuzilizyaga ukuti mwaha vuli havili ali vuli wʼuMupepo wa Chilisiti wʼali muhati zyavo ahawuvila, uwene wʼakuvwilwe amayimba ge gahamwinzilʼuChilisiti nuvumwamu vwe vuhalandata mwisinda.

uYuuda 1:12

Avene mazota vwelele aga vupamizu lwe mukuhomana navo ukulya iṿwa vumanyani, pʼavene insoni nazimo, vakuyilela veka, mavingo amasitamṿula ge gakuyugumbana mwonti mwonti kunkungu, makwi ge gapululusilʼamatundu amasitakuhomʼinsanga, mafwe ge gafuye nulwa vuvili, gakumpusile namazi.

Ishitushizya 1:11

lihati: Zyengʼukuzyenya shinishi zyʼusimbaje mwa kalata, uzitumaje kuvivanza visano naṿivili, isha mw-Efeso nisha mu-Similina nisha mu-Peligamu nisha mu-Tiyatila nisha mu-Salidisi nisha mu-Filatelefiya nisha mu-Layodikeya.

Ishitushizya 1:16

Mumuhono wakwʼumulilo alemilʼinzota zisano nazivili. Mwilomu lyakwe mwe shalʼishipanga ishihozu isha vwembe kuvili. Kuminso ahalamaga fwe ngati lizuva mumaha gakwe.

Ishitushizya 1:20

Usimbajʼizya kusukumilʼuvupiti izya nzota zisano nazivili zyʼuziwenyi kumuhono wanʼumulilo nizya yilemanyale ṿisano naṿivili iṿwa sahabu iṿi. Inzota zisano nazivili zye ve vahavizya va ṿivanza ṿisano naṿivili. Iṿwenʼiṿilemanyale ṿisano naṿivili ṿwe ṿivanza ṿiniṿi ṿisano naṿivili.

Ishitushizya 1:4

Nene ne Yohani nkuvasimbila mwe vamuṿivanza ṿisano naṿivili ṿwe ṿili mw-Asiya. Uvwila vuvanje namwe nuvwihalo vwe vukufuma kuli wuyo wʼalipo shinishi, wʼalipo nalulwo, havili wʼaliyinza, nakumpepo zisano nazivili zye zili kuminso ga shitengo shakwe isha vumwene,

Ishitushizya 2:13

Manyile ine ukuti mwʼuzenzile mwe shili ishitengo sha Setano. Lyope nizina lyane ulilemile nkani nulwitiho lwane utahaluhana, mwope namumanda ga Antipa uhome wane, umutungamu wane, pala pe vahamugogaga mumwinyu, mwʼazenzilʼuSetano.

Ishitushizya 2:19

Nzimanyilʼimbombo zyaho nishikunzi nulwitiho nuvuvombezi nuvuzyihamulaha vwaho, nukuti imbombo zyaho izya kumpelela zyalusya intanzi.

Ishitushizya 2:2

Imanyilʼimbombo yaho, mbumanyile nuvwahayikungule vwaho nuvuzyihamulaha vwaho. Nkumanyilʼiwe ukuti avavivi iwe utamanyile ukwizya navo, nava ve vakuyiyanga veka ukuti vapositili nashenga te vapositili avene uvalinzile nukuvalemʼilenga.

Ishitushizya 2:9

Mbumanyile uvuhamantanilwa vwaho nuvupina vwaho, nkandi we dumbwe. Ngamanyile amatona ge vakukutona ve vakuyitaha veka ukuti vaYuda nashenga te vaYuda avene, nkandi ve va muluhomano lwa Setano.

Ishitushizya 3:15

Nzimanyilʼimbombo zyaho, ukuti iwe te we muhatazu havili te we mupwu, zingalusyʼukuhondela ingʼukuva we muhatazu pamo we mupwu.

Ishitushizya 3:2

Damulilaga, uzigomwaje zye zisyaye zye zikulungama kuvufwe. Shʼimbombo zyaho nazile zitalunjisile kuminso ga Mulungu wane.

Ishitushizya 3:8

Inzimanyilʼimbombo zyaho. Yenya, nkupiye kuminso gaho ishilyango she shilʼukwazi, she numo atangashigalila. Ngamanyile amaha gaho ukuti mansi, imanyile ukuti ulisunjiliyʼizwi lyane, havili ukuti lyope nizina lyane utalihanile.

Ishitushizya 4:5

Havili imesyo nukugulumʼimṿula numuligimbo ṿikufuma mwe mushitengo sha vumwene. Ninkozyo zya mwoto zisano nazivili zikwaha, zilungamine nishitengo sha vumwene. Zizyo zye mpepo zisano nazivili izya Mulungu.

Ishitushizya 5:6

Pe nkalola pahati pashitengo sha vumwene napaṿipuma ṿwe ṿine napahati pavasongo aHagonzi himiliye pupo he hali fwe ngati havolilwe, he hali nimpembe zisano nazivili naminso gasano nagavili, ge zye mpepo zya Mulungu zisano nazivili, zyʼazitumile munsi yonti.