Ishitushizya 21:3 - Tesitamenti Umupwa 1965

³ Pe nkiṿwa izwʼipiti kufuma kushitengo shila isha vumwene likuti: Yenya, uvutendamo ṿwa Mulungu vuli poka navantu. Alitendama navo, valiva vantu vakwe, havili uwene aliva Mulungu wʼali navo.

ULufingwi uLupwa

³ Pe nkiivwa izwi ipiti kufuma ku shitengo isha vhumwene lihati, “Yeenya uvhuyo uvhwa Mulungu pooka na vhantu! Alitendama pooka navho, vhoope vhaliivha vhantu vhaakwe, woope aliivha wu Mulungu waavho.

Ishitushizya 21:3 ပူးပေါင်းရင်းမြစ်များ

Yohani 1:14

Havilʼizwi lihayipelʼukuva muvili, ahadila mumwitʼumu tuhenya nuvupiti vwakwe, uvupiti fwe vwa Mwana wʼali woka mwenʼimozi mwa Yise, we nuvwila nuvwanalyoli vwizuye mumwakwe.

Yohani 14:23

PʼuYesu ahamwamula ahati: Inga wokʼumuntu ankunzitʼine, wʼalisajilʼamazwi gane, pe wope nuTata alimukundagʼuwene, ilelo pe tuliyinza kukwakwe, tulipela pavuyo iswe papakwe.

2 VaKolinti 6:16

Nitempeli ya Mulungu yingitinkana vuli namalungu? Shʼiswe swe tempeli ya Mulungu umulanzi, inza shʼuMulungu atili: Ndisamila mumwavo, havili ndizyungula mwe mumwavo. Ine ndiva ne Mulungu wavo, avene nyene valiva vantu vane.

2 VaKolinti 6:18

Pe ndiva ne So ine, havilʼimwe muliva mwe vana vane avanaṿuli navantanda, lyʼakuyangʼuMwene uMuhatamaha gonti.

1 VaTesaloniki 3:11

Uwene nyene uMulungu uTata swenti nuMwene witu uYesu, wʼatugoloshezyajʼidala lya kuvala kumwinyu.

VaHebuli 11:16

Nkandi shinishi vakusungwa nkani insi indusyʼuvwinza iya kumwanya. Pe wope nawe Mulungu atakwenyʼinsoni lwʼakutashilwʼukuva Mulungu wavo, shʼavayananizizye inkaya.

VaHebuli 8:10

Shʼulu lwe lwitinkano lwe ndiyitinkana ninyumba ya Yisilayili lwe gashilinkine amanda gugo, lyʼakuyangʼuMwene; Ndivihʼinkomelezyo zyane munsivo zyavo, havili ndizisimba mumoyo gavo, pe ndiyipelʼukuva ne Mulungu kuli vuvo, vope valiyipelʼukuva vantu vane.

VaHebuli 8:2

umuvombezi pavufinjile namwihema lya vwanalyoli lyʼayimisile we Mwene, te vantu.

Ishitushizya 10:4

Ilelo lwʼinjilimo zye zisano nazivili zinizi zikungʼanta, pʼine nayisenginye ukusimba. Pe nkiṿwʼizwi kufuma kumwanya, likuti: Uzilemezanye nahalemezanyo zyʼinjilimo zisano nazivili izi ziyanzile, utazisimbaje zyenezyo.

Ishitushizya 10:8

Nizwi tila lye lyafumile kumwanya lwe likuyanga havili kulʼine, pe lihati: Valaga, usendʼahakalata ahakupule hala hʼuhavizya ula wʼayimiliye pasumbi napansi ahalemile munyove.

Ishitushizya 12:10

Pe nkiṿwʼizwʼipiti kufuma kumwanya, lihati: Ishi pʼuvuposhi ninguvu nuvumwene ṿiyipezilʼukuva ṿwa Mulungu witu namaha gayipezilʼukuva ga Chilisiti wakwe. She uwa kuvalonjelela shima avamwitu atazilwe pansi, wuyo wʼakuvalonjelela kwa Mulungu shima shamusanya nasha vusiku.

Ishitushizya 21:7

Uno wengʼakupota wʼalipwana zyonti zinizi, ilelo ine ndiva ne Mulungu wakwe, uwene aliva mwana wane.

Ishitushizya 22:3

Nahamʼahantu ahatipwa hataliva mumwo havili. Ishitengo sha vumwene isha Mulungu nisha Hagonzi shiliva munkaya yiyo. Avenʼavanyamata vakwe valimuvombela.

Ishitushizya 7:15

Mwe mumwo shinishi valungamine nishitengo sha Mulungu, vakumuvombela umusanya nuvusiku mutempeli yakwe, nuno wʼatendime pashitengo sha vumwene aliyipelʼukuva lihema lyavo.