Ishitushizya 2:18 - Tesitamenti Umupwa 1965

¹⁸ Uwenʼuhavizya wa shivanza sha mu-Tiyatila wʼumusimbilaje utinji: LyʼakuyangʼuMwana wa Mulungu wʼaminso gakwe gali fwe mwilo wa mwoto, we niṿinama ṿwakwe ṿikumekuha fwe ngati ṿipondʼivizelu.

ULufingwi uLupwa

¹⁸ “Uhavhizya uwa shivhanza isha ku Tiyatiila, musimbile uti: Iga mazwi ge nkuyanga ne Mwana wa Mulungu. Ine aminso gaane gakumekuha ngati mwoto, havhili ivinama vwane vili ngati shaaba ye vhayizelufwizye nkaani.

Ishitushizya 2:18 ပူးပေါင်းရင်းမြစ်များ

Matayi 17:5

Lwʼamakuyanga zinizi, pe vahitushilʼivingʼizelu nkani livagwinchiye, vahaga nizwi Ukufuma mwivingo mumwo likuti: Uno we Mwana wanʼunkundwa kukwane we nkuseshela muli wuyo, we mumutejelezyaje wuyo.

Matayi 27:54

Avene nyene numupiti wa vasikali navamwavo ve vahamusungagʼuYesu, lwe vawenyi nukuyingʼinsi nazyonti zye zipezilwe, pe shihavagwilʼishitetemwi ishipiti nkani, vahati: Nalyoli ali Mwana wa Mulungu wununo.

Matayi 3:17

Yenyi, nizwi likufuma kumwanya likuti: Wuyo we Mwana wane unkundwa we nkuseshela muli wuyo.

uLuuka 1:35

Uwenʼuhavizya ahamula ahati: UMupepʼuMufinjile alikwinzila, namaha ga Mulusyi galikugwinchila. Pe nishifinjile shʼulishipapa shilitashilwa ukuva we Mwana wa Mulungu.

Yohani 1:14

Havilʼizwi lihayipelʼukuva muvili, ahadila mumwitʼumu tuhenya nuvupiti vwakwe, uvupiti fwe vwa Mwana wʼali woka mwenʼimozi mwa Yise, we nuvwila nuvwanalyoli vwizuye mumwakwe.

Yohani 1:49

Pʼahamwamula uNatanayeli ahati: Labi, we Mwana wa Mulungu wenewe, we Mwene wenewe wa vana-Yisilayili.

Yohani 10:36

pʼine, ne uTata ampiyʼuvufinjile, nʼantumile munsʼumu, —pʼine mukunjanjila vuli lelo mukuti: Ukuyangʼizya musamu, she ntili ne Mwana wa Mulungu?

Yohani 3:16

Uwene shʼahonzizye vovulʼuMulungu ukukundʼinsi, kwe kuyipʼuMwana wakwe woka mwene imozi, vonti ve vakumwitiha ukuti vatatupulwaje ndali, nkandi vavwajʼuvulanzi vwa shimashima.

Yohani 3:18

Uno wengʼakumwitiha wʼatakulongwa, nkandʼuno wengʼatakumwitiha wʼalonzilwe, shʼasisitʼukwitiha izina lya Mwana wa Mulungu wʼali woka mwene imozi.

Yohani 5:25

Nalyoli lyoli nkuvavuzyʼine nkuti: Hakwinzʼahavalilizyo, hafisile nashinishi, pʼavafwe valiyiṿwʼizwi lya Mwana wa Mulungu, ilelo vonti venga viṿuye valandite.

iMbombo izya Vhatumwa 16:14

Numwantanda wumo, wʼizina lyakwe ali wʼuLidiya, umukazi wa menda amashemamu, wʼafumile munkaya ya va mu-Tiyatili, wʼahamunyilagʼuMulungu, ahatejelezya wope. WʼuMulungu ahamwigulʼumwoyo, ahasiva zyʼahayangagʼuPavuli.

iMbombo izya Vhatumwa 8:36

Ilelo lwe vakujenda mwidala pe vahafiha pijenje limo. Pʼumupase ahayanga ahati: Yenya, igʼaminzi. Amwe shonu she shingandindila ukwozelwa?

VaLoma 1:4

wʼalolesile mumaha ga mupepo wa vufinjile pala pʼahazyuha kuvafwe ukuti Mwana wa Mulungu, uYesu Chilisiti uMwene witu,

VaLoma 8:32

Uwenʼuno wʼuMwana wakwe atamupepelezizye, nkandʼahamufumwa pazyitu, wʼangasitʼukutukunjila poka nawo ṿwonti lelo?

Ishitushizya 1:11

lihati: Zyengʼukuzyenya shinishi zyʼusimbaje mwa kalata, uzitumaje kuvivanza visano naṿivili, isha mw-Efeso nisha mu-Similina nisha mu-Peligamu nisha mu-Tiyatila nisha mu-Salidisi nisha mu-Filatelefiya nisha mu-Layodikeya.

Ishitushizya 2:1

Uwenʼuhavizya wa shivanza sha mw-Efeso we umusimbilaje utinji: Lyʼakuyanga wuyo wʼalemilʼinzota zye zisano nazivili mumuhono wakwe umulilo, wʼakuzyungula pahati paṿilemanyale ṿwa sahabu ṿwe ṿisano naṿivili.

Ishitushizya 2:24

Nkandʼimwe mwe vamwavo mwe va mu-Tiyatila mwe mutali ninsambilizyo zinizi, mwe mutavumanyile uvwivizu vwakwe uSetano, inza ṿwe vakuyanga avene, imwe nkuvavuzya nkuti: Ntaliyonjezya ukuvavegazyʼimwe umuligo umumwamu.