Ishitushizya 13:8 - Tesitamenti Umupwa 1965

⁸ Vonti ve vasamiye munsi valikupama nukuputa kukwakwe, vʼamazina gavo ukufuma kwe kuvwando ṿwa nsi gatasimṿilwe mwa kalata wa vulanzi uwa Hagonzi he havolilwe.

ULufingwi uLupwa

⁸ Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 13:8 ပူးပေါင်းရင်းမြစ်များ

VaEfeso 1:4

Shʼuwene atusavuliye mwa Chilisiti, lwʼinsi yishili nukwalwa, ukuti tuvanje swe vafinjile avasitamazota kuminso kukwakwe.

Matayi 25:34

PʼaliyangʼuMwene kuva kumuhono wakwʼumulilo aliti: Simwinzajʼipa mwe valotwa va Tata imwe, mupwanʼuvumwene vwʼuMulungu avayananizizye mwenemwe, atalisile pala pʼiyalizilwʼinsi.

Ishitushizya 17:8

Ishintu shila she washiwenyi shalipo, ishi shitalipo shilizuva ukufuma kushiliva sha kungolongo ukuvala kulunanjiho. Navantu vonti ve vasamiye munsi valisukumila, vʼamazina gavo gatasimṿilwe mwa kalata wa vulanzi ukufuma pala pʼulwalo lwa nsi luhavikwaga, valisukumila lwe vakulolʼishintu shila ukuti shalipo, havili ishi shitalipo, havili shiliva.

Ishitushizya 3:5

Uno wengʼakupotʼuvulugu wʼalizwikwa iṿizwalʼiṿizelu, lyope nizina lyakwe ntalilisyusyutanya mwa kalata wa vulanzi, ndilitaha kuminso ga Tata nakuminso ga vahavizya vakwe.

uTiiti 1:2

nulusuvilo lwa vulanzi vwa shimashima vwʼuMulungu umusitakuyangʼizyʼilenga ahatufinjila hali nkani lwʼamaha gashili nukuvazilwa,

Ishitushizya 21:27

Muli yiyo hataliyinjila ahantu nahamo he halʼumwiho, nga muntu numo wengʼakuvomba izya vuhandamanu, nga mulumilenga, nkandi vuvo veka venga vasimṿilwe mwa kalata wa vulanzi uwa Hagonzi.

Ishitushizya 5:12

Ve vahayanga izwʼipiti vahati: AHagonzi he havolilwe hahondeye ukuposhela amaha nuvudumbwe ninjele ninguvu nulushindiho nuvumwamu nulutimo.

Yohani 1:29

Ilya ndavi ahamwagʼuYesu akwinza pʼali, pʼahayanga ahati: Ula halʼahagonzi ha Mulungu he hakunyatulʼuvutalamalandu vwa nsi yonti.

uLuuka 10:20

Izyene zye mutaseshelaje zizyo shʼimpepo zikonzile kulʼimwe, ndali, nkandi zye museshelaje, shʼamazina ginyu gasimṿilwe kwe kumwanya.

Filipi 4:3

Ena nkukulambilizya nawe we mukunjilinkani wane uwa nalyoli, ukuti uvatulʼavantanda vanava, she vayikunguye ukukumusyʼIvangeli poka nane nuKelementi navamwavo ve vahantulʼimbombo, vʼamazina gavo gali mwa kalata wa vulanzi.

Ishitushizya 3:20

Yenya nimiliye kushilyango, nkuhonyonsya kulwiji. Uno wengʼakwiṿwʼizwi lyane nukunigulila kushilyango we nkwinjila mumwakwe, we ndilya poka nawo, wope poka nane.

Ishitushizya 3:10

Shʼulisunjiliye izwi lyane ilya vuzyihamulaha mwe mumwo nine ndikusunjilila ukuti ahavalilizyo ha lulingo hatakwagaje he haliyinzila insi yonti, he halivalinga vonti ve vasamiye pansʼipa.

Ishitushizya 12:15

Pʼinjoha yihaswilʼaminzi mwilomu lyakwe ge gali fwe ngati lijenje ukulandata mwisinda mumwantanda ukuti gamusogozye.

Ishitushizya 5:13

Pʼiṿipelelwa ṿwonti iṿwa kumwanya niṿwa pansi niṿwa kunsi pansi niṿwa pasumbi ṿwonti naṿwonti ṿwe ṿili mumwo, nkiṿwa ṿikuyanga ṿikuti: Uno wʼatendime pashitengo sha vumwene naHagonzi wʼali nulutimo nulushindiho nuvumwamu ninguvu shima ukufiha nakuvusitakusila nalumo lumo.

Ishitushizya 6:1

Pe havili nkalola aHagonzi higuye ahalemezanyo hoka ha tula tusano natuvili, pe nkiṿwa shoka isha ṿipuma ṿiniṿi shikuyanga mwizwi lye likuguluma, shikuti: Nzagaga.

Ishitushizya 13:12

Shihavomba namaha gonti zyʼishintu ishitanzi shila shazivomvile, shihazivomba kuminso gakwe. Shihayisinjilizyʼinsi navonti ve vasamiye mumwo ukuti vakupamaje nukuputa kushintu ishitanzi shila, shʼishiṿwalalo shakwe ishipelavufwe shihapola.