Ishitushizya 13:1 - Tesitamenti Umupwa 1965

¹ Pe nkalda ishintu shikufuma mwa sumbi, shali nimpembe ishumi namatwe gasano nagavili. Kumpembe shazwayʼiṿipambwi ishumi nakumatwe gakwe shali namazina ga musamu.

ULufingwi uLupwa

¹ Nkalola ishihanu shikufuma mwa sumbi, ishihanu isho sháamile ni mpembe 10 na matwe 7. Havhili mu mpembe zyakwe sházwaye ivipambwi 10 ivwa vhumwene na mu matwe gaakwe mwámile amazina aga musaamu.

Ishitushizya 13:1 ပူးပေါင်းရင်းမြစ်များ

Ishitushizya 11:7

Apene nyene lwenga vamalilizya uvwahome ṿwavo, pʼishintu she shikuzuva kufuma kungolongo shililwa navo uvulugu, shilivapota nukuvagoga.

Ishitushizya 12:3

Numumfindango uwamwavo wuhaloleha kumwanya. Yenya, injoha isikisiki impiti ye yali fwe mwoto, yali namatwe gasano nagavili nimpembʼishumi. Pamatwe gakwe yazwayʼiṿipambwi ṿisano naṿivili.

Ishitushizya 13:11

Pe nkalola ishintu ishamwavo shikuzuva kufuma pansi. Shali nimpembe zivili zye zyali fwe ngati zya hagonzi, shikuyanga fwe ngati njoha isikisiki.

Ishitushizya 13:14

Shihavatezya vonti ve vasamiye pansi namamfindango gakwe ge shapelilwe ukuti shigapelaje kuminso ga shintu, shihavavuzya ve vasamiye pansi ukuti vapelaje ishiholanyo sha shintu shila she shihaṿwalala kushipanga she havili shihalandila.

Ishitushizya 13:15

Havili shapelilwe ukushipʼishiholanyo sha shintu shila umwuyu, ukuti ishiholanyo shila isha shintu shiyangaje, havili ukuti shivapelelaje ukufwa vonti avasitakukupama nukuputa kushiholanyo sha shintu.

Ishitushizya 15:2

Havili nkalda shimo fwe ngati wʼusumbi wa magalasi ge gasangine numwoto, nave vaposite nukufupuha kushintu shila nakushiholanyo shakwe nakumbazyo yʼizina lyakwe, vimiliye kuluvazu kwa sumbi wa magalasi uno, valemilʼamapango ga Mulungu munyove.

Ishitushizya 16:13

Pe nkalola impepʼinkandamanu zitatu zikufuma mwilomu lya njoha impiti namulya shintu namwilomu lya mukuvwi wʼilenga, zyali fwe ngati ve vachula.

Ishitushizya 17:16

Nimpembʼishumi zila zyʼuziwenyi nishintu shila, ve valimupata umalayʼuno, valimusansulanya nukumufwulʼamenda, valimulyʼumuvili wakwe, havili valimupemba mumwoto.

Ishitushizya 17:3

Pʼahanyatula mwa mupepo ahambiha mulwugwa, mwe nkamulola umwantanda wʼatendime pashintu ishishemamu, she shizuye amazina ga musamu mumuvili wonti, shali namatwe gasano nagavili nimpembʼishumi.

Ishitushizya 17:5

Izina lyasimṿilwe pasheni shakwe lye lyali lya vuzigizigi lye likuti: UBABELI UMUPITI, UNYINA WA VAMALAYA VONTI NAZYONTI ZYE zilʼumwiho munsi.

Ishitushizya 19:19

Pe nkalola ishintu shila navamwene va munsi nimpuga zyavo zya vulugu, vavungine ukulwʼuvulugu nawo wʼalimbiye pamfalasi havili navantu va mpuga yakwe.