Ishitushizya 12:4 - Tesitamenti Umupwa 1965

⁴ Ulusinda lwakwe luhakwesagʼinzota zya kumwanya ishigavo shoka paṿitatu, luhazitaga pansi. Injoha yiyo isikisiki yihimilila ukulungamana numwantanda, ukuti ingʼakupapʼumwana wakwe yimumilaje.

ULufingwi uLupwa

⁴ Ulusinda lwakwe luhakwesa ishigavho shooka pa vigavho vitatu ivwa nzota izya kumwanya, nu kuzigwisya pa nsi. Iyoha ilyo lihimiilila pilongolela ilya mwantanda ula we akwanza kupaapa, kuuti inga lwe apaapa, liimulye umwana waakwe.

Ishitushizya 12:4 ပူးပေါင်းရင်းမြစ်များ

Ishitushizya 12:9

Pe yihatagwa injoha isikisiki, ye njohʼinkali ye yikwitwa ilya Mukwalanzi nilya Setano, ye yikutezyʼinsi yonti mwe vazenzilʼavantu. Ahatagwa pe pansi, vope navahavizya vakwe vahagwa poka nawo.

Yohani 8:44

Imwe mwe vana va so, va mukwakwa, mwe mumwo mukasimʼukuvomba zizyo zyʼapapiye uso imwe. Uwene mugogavantu shima, ukufuma pavwando, uwene atakwimilila muvwanalyoli, shʼuvwanalyoli navumo mumwakwe. Uwene lwʼakuyanga izyʼilenga, pʼakuyangʼizyakwe, shʼali mulumilenga, ali wʼuyise wʼilenga.

Ishitushizya 9:19

Shʼagenʼamaha ga mfalasi zinizi gali mumalomu namunsinda zyavo. Shʼinsinda zyavo zili fwe njoha zye zili namatwe. Zizyo nyene zye zikuvanangʼavantu.

Ishitushizya 9:10

Ali ninsinda fwe ngati zya nkonya nimbolela. Agenʼamaha ga kuvayimṿwʼavantu kumezi gasano ge gali kunsinda zyavo.

Ishitushizya 8:7

Pʼumutanzi ahahomʼisaji. Pʼintalala numwoto ṿwe ṿisangine namavanda vihatajilwa pe pansi. Pʼishigavo shoka paṿitatu isha nsi shihapwa, nishigavo shoka paṿitatu isha makwi shihapwa, nisole ilyolo lyonti lihapwa.

1 Peteli 5:8

Muteshelʼiṿintu, musilimushe, shʼumululusi winyu uMukwalanzi akuzyungula mwonti mwonti fwe nsama ye yikuvuluma. Akwanzʼuwa kumumila.

Ishitushizya 17:18

Numwantandʼula wʼumuwenyi ye nkayʼila impiti ye yikonzizye avamwene va munsi.

Ishitushizya 8:8

Pe wope nuhavizya wa vuvili ahahomʼisaji. Pʼishintu she shali fwe ligambʼipiti lye likupwʼumwoto shihatajilwa mwa sumbi. Pʼusumbi ishigavo shoka paṿitatu ahagalunkana ahava fwe ngati mavanda.

Ishitushizya 8:9

Pʼishigavo shoka paṿitatu isha ṿipelelwa vwa mwa sumbi vwe ṿikufutʼumwuyu ṿihafwa. Nishigavo shoka paṿitatu isha meli zihananjiha.

Ishitushizya 8:10

Pe wope nuhavizya wa vutatu ahahomʼisaji. Pʼuluzota ulupiti lwe luhahaga umwoto fwe ngati lizondolo, luhagwa pashigavo shoka paṿitatu sha majenje napaṿiduda vwa minzi.

Ishitushizya 8:11

Ilyenʼizina lya luzota lunulu vahati Intulembe. Pʼaminzi ishigavo shoka paṿitatu gahayipelʼukuva lintulembe, navantu ve vinji vahafwa kuminzi she gayipezilʼukuva mahali.

Ishitushizya 8:12

Pe wope nuhavizya wa vune ahahomʼisaji. Pʼishigavo shoka paṿitatu ishʼizuva nisha mwezi nisha nzota ṿvihahomwa, mwe mumwo ṿihilupa ishigavo shoka paṿitatu, numusanya wutahalama ishigavo shoka paṿitatu, ṿwope nuvusiku vovulo.

Ishitushizya 12:7

Pe kumwanya kuhavʼuvulugu. UMikayeli navahavizya vakwe vahalwa ninjoha isikisiki. Lyopʼisikisiki poka navahavizya vakwe lihalwa.

Ishitushizya 13:2

Ishintu ishi she nashiwenyi shaholine ninzovwe. Iṿinama ṿwakwe ṿwali fwe ngati ṿwa nyimba. Ilomu lyakwe lyali fwe ngati lilomu lya nsama. Pʼinjoha isikisiki yihashipa inguvu zyakwe nishitengo shakwe isha vumwene namahʼaminji.

Ishitushizya 13:4

Pe vahakupama nukuputa kunjoha isikisiki she yashipiye ishintu ishi amaha, havili vahakupama nukuputa kushintu shinishi, vahati: Unanu wʼali fwe ngati shintu shinishi, unanu wʼangalwa nashʼuvulugu?

Ishitushizya 16:13

Pe nkalola impepʼinkandamanu zitatu zikufuma mwilomu lya njoha impiti namulya shintu namwilomu lya mukuvwi wʼilenga, zyali fwe ngati ve vachula.

Ishitushizya 20:2

Ahayilemʼinjohʼimpiti, ye njohʼinkali, ye wʼuMukwalanzi havili wʼuSetano, ahamukunga amaha 1,000.