Ishitushizya 11:3 - Tesitamenti Umupwa 1965

³ Pe ndivapʼamaha avahome vane vavili, ve valikuvwa kumanda 1,260 lwe vazwayʼinkusʼinyezya.

ULufingwi uLupwa

³ Niine, ndiivhapa amaha avhahoome vhaane vhavhili, vhoope vhaliifumwa uvhukuvhwi insiku 1,260, she vhazwaye amenda aga magunila kulolesya uvhuswimiilizu.”

Ishitushizya 11:3 ပူးပေါင်းရင်းမြစ်များ

Matayi 11:21

Ye mayi we, we Kolazini! Ye mayi we, we Betisayida! shengʼamamfindango ge gapezilwe mumwinyʼumu, inga gapezilwe namu-Tili namu-Sidoni, pe nkandi vapindusile he hali nukuyipinyʼinkusʼinyezya nukutendama mwilota.

Matayi 18:16

Ingʼatakwitiha pʼuvasendʼavamwavo nga woka nga vavili, gontʼamazwi ukuti gavanje mumalomu ga vahome nga vavili nga vatatu.

uLuuka 10:13

Ye mayi we, we Kolazini, ye mayi we, we Betisayida. Shʼamamfindango ge gapelwaga mumwinyʼumu, inga gapezilwe namu-Tili namu-Sidoni, pe nkandi vapindusile he hali nukuyipinyʼinkusʼinyezya namwilota.

uLuuka 24:48

Imwe nyene mwe mukuzihomeshezya zinizi.

Yohani 15:27

Namwe vovulo mulinkomeshezyʼine, she mutalisile pala pe nanzite, shima twali swenti nane.

Yohani 3:27

AhamulʼuYohani ahati: Numʼumuntu atakuyisendela naṿimo weka ṿwʼatapelilwe ukufuma kumwanya.

iMbombo izya Vhatumwa 1:8

Nkandi muliposhelʼamaha lwʼavishiyʼuMupepʼuMufinjile, pe muliva mwe vahome vane mu-Yelusalemu namu-Yudayi mwonti namu-Samaliya, mulifiha nakwipeleleyʼinsi.

iMbombo izya Vhatumwa 13:31

Pʼahavitushizyʼamandʼaminji vonti ve vafumile nawo mu-Galilayi ukuvala mu-Yelusalemu, ve ishi ve vahome vakwe kuvantu.

iMbombo izya Vhatumwa 2:32

UYesu wununo uMulungu ahamuzyusya, zye tuzimanyile swenti swe vahome.

iMbombo izya Vhatumwa 3:15

Uwene nyenʼuChilongozi wa vulanzi we muhamugoga, wʼuMulungu amuzyusizye kuvafwe. Iswe swe vahome va zinizi.

1 VaKolinti 12:28

Vamo lelʼuMulungu avimisile mushivanza, ava kutaliha avapositili, ava vuvili avakuvwi, ava vutatu avasambilizi, inga navapelamamfindango, navaṿikunjilwa ṿwa kuzuzuvushizya, nave vakuposhelʼavamwavo, nava ve vamanyile ukuyananya twonti, navalongozyi, navayangamili izyamwavo.

2 VaKolinti 13:1

Ulu lwe lwa vutatu ukwinza kumwinyu ine. Kuvwahome vwa vantu vavili pamo vatatu amazwi gonti galisimishizilwa.

VaEfeso 4:11

We wuyo avapezile vamo ukuva vapositili, vamo vakuvwi, vamo vakumusyi vʼIvangeli, vamo vadimi, vamo vasambilizi;

Ishitushizya 1:5

nakwa Yesu Chilisiti, uhome umutungamu, uhatote wa vafwe, umupiti wa vamwene vonti ava munsʼumu. Wʼatukunzite iswe, atwozizye uvutalamalandu vwitu mumavanda gakwe,

Ishitushizya 11:2

Ulwenʼuluvungano lwa muluvazu mwa tempeli nyene lwʼululeshe shisitakululinga she lwe mbapiye avakunzi. Yope ninkayʼimfinjile valiyihanyanjila niṿinama ṿwavo kumezi amashumi gane nagavili.

Ishitushizya 11:6

Avantu iva vali namaha aga kwigalila kumwanya shima ukuti imṿula yitatonyaje mumanda ga vukuvwi ṿwavo. Havili imbapiyʼamaha aga kugalulʼamajenje ukuva mavanda naga kuyihomʼinsi nintipo zyonti shima lwenga vakasime vuvo.

Ishitushizya 12:6

Umwantanda ahashimbilila mulwugwa mwʼahagʼuvuyo vwʼayananizilwe nuMulungu, mwʼahanyilila ukuti vamusungaje kumanda 1,260.

Ishitushizya 13:5

Pe shihapelwʼilomu lya kuyanga izya mabado amapiti nizya musamu. Shihapelwa namaha aga kuvomba imbombo zyakwe zyonti kumezi amashumi gane nagavili.

Ishitushizya 19:10

Pʼine nkakupama kuvinama ṿwakwe ukuputa kukwakwe. Pʼahayanga kulʼine ahati: Zye ndah, utahashele. She nane ne munyamata wamwinyu poka nawe navamwinyu ve vali muvwahome ṿwa Yesu. Uputaje kwe kwa Mulungu. Shʼuvwahome ṿwa Yesu vwe mupepo wa vukuvwi.

Ishitushizya 20:4

Havili nkalolʼiṿitengo ṿwa vumwene, pe vahatendama pupo, avene nyene vahapelwa uvulonzi, havili nkalola namapepo ga ve vadumulilwe amatwe kuzya kumuhomeshezyʼuYesu nakuzyʼIzwi lya Mulungu, navala ve vatahaputaga kushintu nakushiholanyo shakwe, ve vataposheleye uvusimbe ṿwakwe pasheni napamahono gavo. Avene nyene vahalandila nukuva ve vamwene poka nuChilisiti kumaha 1,000.