Ishitushizya 1:8 - Tesitamenti Umupwa 1965

⁸ Nene ne Alifa havili ne Omega, vwʼakuyanga uMwene uMulungu, wuyo wʼalipo shinishi, wʼalipo nalulwo, havili wʼaliyinza uMuhatamaha gonti.

ULufingwi uLupwa

⁸ UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 1:8 ပူးပေါင်းရင်းမြစ်များ

2 VaKolinti 6:18

Pe ndiva ne So ine, havilʼimwe muliva mwe vana vane avanaṿuli navantanda, lyʼakuyangʼuMwene uMuhatamaha gonti.

Ishitushizya 1:11

lihati: Zyengʼukuzyenya shinishi zyʼusimbaje mwa kalata, uzitumaje kuvivanza visano naṿivili, isha mw-Efeso nisha mu-Similina nisha mu-Peligamu nisha mu-Tiyatila nisha mu-Salidisi nisha mu-Filatelefiya nisha mu-Layodikeya.

Ishitushizya 1:17

Ilelo lwe imuwenyi pe nkagwa pansi kuṿinama ṿwakwe, nkava fwe ngati mfuye. Pʼuwene ahambihʼumuhono wakwe umulilo, ahati: Utogopaje, she nene ne Mutanzi, havili ne Wakumpelela nenene,

Ishitushizya 1:4

Nene ne Yohani nkuvasimbila mwe vamuṿivanza ṿisano naṿivili ṿwe ṿili mw-Asiya. Uvwila vuvanje namwe nuvwihalo vwe vukufuma kuli wuyo wʼalipo shinishi, wʼalipo nalulwo, havili wʼaliyinza, nakumpepo zisano nazivili zye zili kuminso ga shitengo shakwe isha vumwene,

Ishitushizya 11:17

vahati: Tukukusalifwa we Mwene Mulungu uWamahagonti, wʼulipo shinishi, we walipo nalulwo, shʼusenzite amaha gaho amapiti, havili uyipezilʼukuva we mwene.

Ishitushizya 15:3

Vahimbʼulwimbo lwa Mose umunyamata wa Mulungu nulwimbo lwa Hagonzi, vahati: Mpiti, zya kusukumila imbombo zyaho, we Mwene Mulungu, we Muhatamahagonti. Amadala gaho ge ga vugolosu, ga nalyoli, we Mwene wa nkolo zyonti.

Ishitushizya 16:14

Shʼizi zye mpepʼimbivi impelamamfindango, zye zikuvala kuvamwene va munsi zyonti mwe vasamiyʼavantu, zikuvita kuvulugu ṿwa pisikʼipiti lila ilya Mulungu uWamahagonti.

Ishitushizya 16:7

Pe nkiywa ishifinjilo shikuti: Ena, we Mwene Mulungu, we Muhatamahagonti, iwe ukulonga muvwanalyoli namuvugolosu.

Ishitushizya 19:15

Mwilomu lyakwe mwali ishipangʼishihozu she shikufuma mumwo isha kudibilʼinkolo zya vantu. Uwene alivadima nindisa ya shijela, havili akuhanya munchelenje ya kufinyila amampensya ga mulaha wa vuhalazu ṿwa Mulungu uWamahagonti.

Ishitushizya 19:6

Pe havili nkiṿwʼizwi lye lyali fwe ngati lya vantu impugʼimpiti nilya minzi ga majenjʼaminji nilya lungʼanto lwa myula ulupiti, lihati: Haleluya, shʼuMwene uMulungu witu uMuhatamahagonti ayipezilʼukuva wʼumwene.

Ishitushizya 2:8

Uwenʼuhavizya wa shivanza sha mu-Similina wʼumusimbilaje utinji: Lyʼakuyanga wuyo we Mutanzi havili Wakumpelela, uno wʼafuye, we havili akulandila.

Ishitushizya 21:22

Yope nitempeli ntayiwenyi nayimo mumwo. ShʼuMwenʼuMulungu uWamahagonti we wʼutempeli wakwe, inga naHagonzi.

Ishitushizya 21:6

Pʼahambuzya ahati: Mpela zivomṿilwe. Nene ne Alifa havili ne Omega, ne vwando nene havili ne vumalilishilo. Nene ne ndimungʼwesya aga mushiduda sha minzi amapelavulanzi wengʼayumilwe ishinyoto, ndimupa pavwila.

Ishitushizya 22:13

Nene ne Alifa, havili ne Omega; ne Mutanzi havili ne Wakumpelela nenene; ne Vwando havili ne Vumalilishilo.

Ishitushizya 4:8

Havili iṿipuma vwe ṿine ṿiniṿi ṿwonti shoka shoka ṿwali niṿwapa umutanda vwe ṿwizuyʼaminso mumbazu zyonti namuhati vovulo. Ṿitakutuzya shamusanya nuvusiku lwe ṿikuti: Mufinjile, Mufinjile, Mufinjile uMwene uMulungu uMuhatamaha gonti, wʼalipo lulwo, wʼalipo nashinishi, we havili akwinza.