Ishitushizya 1:5 - Tesitamenti Umupwa 1965

⁵ nakwa Yesu Chilisiti, uhome umutungamu, uhatote wa vafwe, umupiti wa vamwene vonti ava munsʼumu. Wʼatukunzite iswe, atwozizye uvutalamalandu vwitu mumavanda gakwe,

ULufingwi uLupwa

⁵ havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 1:5 ပူးပေါင်းရင်းမြစ်များ

Matayi 20:28

inza she wope nuMwanamuntu atinzilʼukwanzʼavakumuvombela wuyo ndali, ayinzilʼukuvavombela ve vantu wuyo, ayinzilʼukulipʼuvulanzi vwakwe ukuti vuvanje vwa kuvavombela ve vinji.

Matayi 28:18

UwenʼuYesu ahapalamila ahayanga navo ahati: Amaha gonti naga kumwanya naga pansi mpelilwe nenene.

Yohani 13:1

Ilelʼuchaka wa Pasa lwʼashili, uYesu pʼahamanya ukuti ahavalilizyo hakwe hinzile aha kwepelʼuwene munsʼumu, aha kuvala kwa Yise. Ilelo inza shʼavakunzitʼavantu vakwe munsʼumu, shʼahavakunda shima napampelela.

Yohani 13:34

Nkuvapʼululajizyʼulupwa lwe lukuti: Simukundanaje. Mukundane mwe vuvo vatupu, inza she nane mbakunzitʼine.

Yohani 15:9

Nane imwe mbakunzite inza shʼuTata ankunzite. Simusyelemetele mushikunzi shane lelo.

Yohani 18:37

PʼuPilati ahamuvuzya ahati: Pe fwane we mwene lelo? AhamulʼuYesu ahati: Mwe mumwo mwʼukuyanga. Ne mwene. She zye zizyo ninzile munsʼumu, zye zya kuti nkomeshezyaje uvwanalyoli. Vonti ava muvwanalyoli vakwiṿwʼizwi lyane.

Yohani 3:11

Nalyoli lyoli nkukuvuzyʼine nkuti: Iswe tukuyanga zizyo zye tumanyile, tukuhomeshezya zye tuwenyi. Havilʼimwe uluhomeshezyo lwitu mutakuluposhela.

Yohani 3:16

Uwene shʼahonzizye vovulʼuMulungu ukukundʼinsi, kwe kuyipʼuMwana wakwe woka mwene imozi, vonti ve vakumwitiha ukuti vatatupulwaje ndali, nkandi vavwajʼuvulanzi vwa shimashima.

Yohani 3:32

Uwene nazizyo zyʼawenyi nazizyo zyʼayiṿuye zyʼakuzihomeshezya. Havili numʼumuntu atakuluposhela uluhomeshezyo lwakwe.

iMbombo izya Vhatumwa 20:28

Mwandaje muyenyajʼahinza mwenemwe, mulyenyajʼahinza lyope nidimilo lyonti lyʼuMupepʼuMufinjile avavisilʼimwe ukuva mwe vasunzi, ukuti mudimajʼishivanza sha Mulungu shʼashikazile namavanda gakwe wuyo.

iMbombo izya Vhatumwa 26:23

izya kuti uChilisiti we wa kuyimba, we wa kuva mutanzi kuzyuha kuvafwe, uwenʼalivavuzyʼavaluho lwakwe navakunzi izya luhozyo.

VaLoma 3:25

WʼuMulungu akumukumula ukuti mumavanda gakwe mwʼayipelajʼukuva mulwitiho hantu aha kukundana navo ve vakumwitiha, ukuti mwe vuvonehajʼuvugolosu vwakwe, shʼagalesilʼamalandu ge vahatalaga lulwo, lwʼatili sangapa sangapa shimʼuMulungu,

VaLoma 8:37

Nkandʼiswe zyonti zinizi tulusizye ukuzipota muli wuyo wʼatukunzite.

1 VaKolinti 6:11

Namwe vamo she mwali vovulo. Nkandi shinishi mugezile, muzelufile, mugolosheye mwizina lya Mwene witu uYesu Chilisiti namwa Mupepo wa Mulungu witu.

VaGalati 2:20

Nkomelilwe poka nuChilisiti pashihovenkanyo. Te nene ne ukulandila, nkandʼuChilisiti wʼakulandila mulʼine. She zye nkulandila shinishi mumuvili wa pansi uno, zye nkulandila mulwitiho lwa kumwitihʼuMwana wa Mulungu wʼankunzite nukumfwilʼine.

VaEfeso 2:4

UwenʼuMulungu nyene, she muhatalupepelezyo ulwinji nkani, atukunzite nishikunzi shakwe she shipiti nkani.

VaEfeso 5:2

havili mujendele mushikunzi, inza she wope nuChilisiti atukunzitʼiswe, ahatufwila ahayipelʼukuva ṿwa kuninchilizya niṿwa kufinjila, ukuti avanje mfungʼinonu kwa Mulungu.

Kolosi 1:18

Havili uwene we litwe lya muvili, lya shivanza. We vwando wuyo, wʼuhatote ukufuma kuvafwe, ukuti ave mutanzi wuyo muli ṿwonti.

1 Timoti 6:13

Nkukulajizya kuminso ga Mulungu wʼakuṿipʼuvulanzi ṿwonti naga Chilisiti Yesu, wʼahahomeshezyʼulwitiho ulwinza pa Ponti Pilati,

1 Timoti 6:15

vwʼalitumbula lwe gafisilʼamaha gakwe wuyo we musangalusu uMuhatamaha wuyo weka, uMuhatansi wa vahatansi, uMwene wa vamwene,

VaHebuli 10:29

Imwe vuli lelo lwe mukusiva, valipela poshi ukusundwʼisunde ilusyi uvuvivi venga vamuhanyilʼuMwana wa Mulungu niṿinama, ve namavanda ga lwitinkano vagayanzilʼukuva ga vwelele, ge muli gugo vayipezilʼukuva vafinjile, nuMupepo wa vwila vamutonilʼamatona.

VaHebuli 9:14

pe gapele poshi lelo agenʼamavanda ga Chilisiti, wʼayitwaye weka umusitamazota nagamo fwe ngati mputile kwa Mulungu mwa Mupepo wa shima, ukuzizelufwʼinyenyezyo zyitu nukwefwʼimbombʼimfwe zyitu ukuti tumuvombele uMulungu umulanzi.

1 Peteli 1:19

nkandi nage ma vanda amagomu aga Chilisiti ge gali fwe ngau ga hagonzi ahasitaṿilema nahasitamazota.

1 Yohani 1:7

Nkandi lwenga tukujenda muluhozyo, inza shʼuwene ali muluhozyo, pe tuli nuvulilani swe vuvo vatupu, namavanda ga Yesu uMwana wakwe gakutuzelufwa uvutalamalandu ṿwonti.

1 Yohani 4:10

Ishi she shikunzi, te lya kuri iswe tumukunzitʼuMulungu ndah, nkandi ukuti uwene atukunzitʼiswe, havili ahamutumʼuMwana wakwe uwa kuyipelʼukuva mputile ya kusyumulʼamalandu gitu.

Ishitushizya 11:15

Wope nuhavizya wa vusano navuvili ahahomʼisaji. Pʼamazwi amapiti gahapongomoha kumwanya, gahati: Uvumwene ṿwa munsi yonti vuyipezilʼukuva ṿwa Mwene witu nuvwa Chilisiti wakwe. Aliva wʼuMwene wuyo shima ukufiha nakuvusitakusila nalumo lumo.

Ishitushizya 11:3

Pe ndivapʼamaha avahome vane vavili, ve valikuvwa kumanda 1,260 lwe vazwayʼinkusʼinyezya.

Ishitushizya 17:14

Avene valilwʼuvulugu naHagonzi, ahenʼaHagonzi halivapota, shʼahene wʼuMwene wa vamwene, Muhatansi wa vahatansi, mva ve vali nawo ve vitwa, ve vasavulwa, ve vatungamu.

Ishitushizya 19:11

Pe nkalola kumwanya kwigusile, yenya yalipo imfalasi inzelu, nawʼayilimbiye izina lyakwe ali Mutungamu nuWanalyoli, we muvugolosu akulonga nukulwʼuvulugu.

Ishitushizya 19:16

Pashizwalo shakwe napavukunjilo ṿwa shinama asimṿilwʼizina lye likuti: umwene wa VAMWENE NUMUPITI WA VAPITI.

Ishitushizya 2:13

Manyile ine ukuti mwʼuzenzile mwe shili ishitengo sha Setano. Lyope nizina lyane ulilemile nkani nulwitiho lwane utahaluhana, mwope namumanda ga Antipa uhome wane, umutungamu wane, pala pe vahamugogaga mumwinyu, mwʼazenzilʼuSetano.

Ishitushizya 3:14

Uwenʼuhavizya wa shivanza sha mu-Layodikeya wʼumusimbilaje utinji: LyʼakuyangʼuAmen, uhome umutungamu uwa nalyoli, wʼiṿipelelwa ṿwa Mulungu ṿwonti ṿwanzite mumwakwe wuyo.

Ishitushizya 7:14

Ine nkamwamula nkati: Mwene, uzimanyile wenewe. Uwene ahambuzya ahati: Iva ve vuvo ve vafumile muvuhamantanilwa uvupiti vula vʼinkanzu zyavo vazihanzite nukuzizelufwa mumavanda ga Hagonzi.