Filipi 4:8 - Tesitamenti Umupwa 1965

⁸ Nkumalilizya lelo mwe vamwitu, nkuti izya nalyoli zyonti, nizya mushinzi zyonti, ningolosu zyonti, ninzelu zyonti, ninyinza zyonti, nazyonti zye zihondeyʼukuyangwa, nga zya vwahayisunde, nga zya kutimwa, zye muzipangamale zyonti zinizi.

ULufingwi uLupwa

⁸ Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Filipi 4:8 ပူးပေါင်းရင်းမြစ်များ

Matayi 22:16

Vahatuma kukwakwe navasundikwa vavo navantu va Helodi ve vahati: We Musambilizi, twazile we wa nalyoli, nidala lya Mulungu avantu ukuvalanganizya lye lya nalyoli, ninsoni nazimo kuvantʼiwe, she numʼumuntu utakumwenya muvwinza kuminsʼiwe.

Maliko 6:20

ShʼuHelodi ahamunyilʼuYohani, shʼamuwenyi ukuvʼumuntʼumugolosu umufinjile. Shimʼahamusunga. Lwʼafumilʼukwiṿwa zyʼamuvuzizyʼuYohani, pʼahazilandata zye nyinji. Ahaseshelaga pakumutejelezya.

uLuuka 16:15

Uwenʼahavavuzya ahati: Imwe mwe mukuyigolosyʼuvugolosu lwe vakwiṿwʼavantu. UwenʼuMulungu nyene wʼagamanyilʼamoyo ginyu. She zyenga vazyimisilʼavantu, zye zilʼumwiho kwa Mulungu.

uLuuka 2:25

Ilelo mu-Yelusalemu mumwo mwʼali wokʼumuntu wʼali wʼuSimeyoni izina; umuntʼuno alʼumugolosu ahamunyilagʼuMulungu; shima ahagulilila ulusuvizyo lwa Yisilayili, wope nuMupepʼuMufinjile ahava papakwe.

uLuuka 23:50

Pe vahaga ayinzile wokʼumuntu umwanaṿuli, izina lyakwe ali uYosefu, umuhombe umuntʼumwinza umugolosu.

Yohani 7:18

Uno wengʼakuyanga zye zyakwe zyʼayasite, wʼakuyanzilʼulushindiho lwakwe wuyo akuti vanchindishe. Nkandʼuno wengʼakuti imushindishe wuyo wʼantumile, we wa nalyoli uwene, nuvugombanu vute navumo mumwakwe.

iMbombo izya Vhatumwa 10:22

Avene nyene vahati: UKolineli umupiti wa vasikali, umuntʼumugolosu umunyilaMulungu, we vakumuyangʼuvwinza vontʼavankolo zya vaYuda, wʼuhavizya amwitushizizye ukuti akwitʼiwe, uvale munyumba yakwe ukuti atejelezyaje inongwa kukwaho.

iMbombo izya Vhatumwa 22:12

Umuntu wumo uAnaniya, umugolosu munkomelezyo, we vamumanyilʼuvugolosu vontʼavaYuda ve vasamiye mumwo,

iMbombo izya Vhatumwa 6:3

Ukwo lelo mwe vamwitu, simusevʼavamwinyu avanaṿuli vasano navavili ve vakumusilʼuvwinza, ve vizuyʼuMupepʼuMufinjile ninjele, ve tuvavishe pambombo yinino.

VaLoma 13:13

Tujende nukuyuta inza she tuhondeye swe va pamusanya. Lutavanje swe valuṿu navashingʼwezi, lutavanje swe valwizyo navalugusi kuluvembu, lutavanje swe vivo nava kuvishilanʼahafwishi ndali.

VaLoma 13:3

Shʼavapiti vatakuvogofwa ve vakuvombʼinyinza nkandi ve vakuvombʼimbivi. Amwe ukwanza ukuti utavogopaje avamwene? Vombaga zye nyinza pʼuliyaga vakukutima.

VaLoma 14:18

shʼuno wengʼakumuvombelʼuChilisiti muzinizi zyonti, wʼuMulungu akumushela, wʼakuhondela nakuvantu.

VaLoma 2:29

Nkandi wenga muYuda muhati we muYuda nalyoli, nuvuvolwa vwa mumwoyo vwe vufumile mwa mupepo te mwe mwa kalata. Wʼulushindiho lwakwe lutakufuma kuvantu, lukufuma kwa Mulungu.

1 VaKolinti 4:5

Mwe mumwo mutalongaje lwe pashili, muleshe ahinze sutʼuMwene, wʼaliziṿumbula apazelu zye ziṿwamile mushisi nazye nsivo zya mumoyo alizikupulʼuwene. Pala nyene pʼumuntu wonti ali va nulutimo lwe lufumile kwa Mulungu, unʼulwakwe unʼulwakwe.

2 VaKolinti 13:7

Nkandʼiswe ukulambilizya kwa Mulungu ukuti mutavombaje nazimʼimbivi imwe, te lya kuti iswe tuloleshe ukuti tuhondeye, nkandi imwe ukuti muvombaje zye nyinza, iswe nyene tuvanje fwe ngati tuta-hondeye.

2 VaKolinti 6:8

nashenga tukushindikwa, nashenga tukusamulwa, nashenga tukukumukwa ukuva swe vavivi pamo ukuti swe vinza, nashenga tuli fwe ngati swe vatezyʼavantu, nkandi swe vanalyoli,

2 VaKolinti 8:18

Nkandi tumusogozizye poka nawo uwamwitu wʼakumusile Ulutimo lwa mwIvangeli muṿivanza ṿwonti.

2 VaKolinti 8:21

She munsivo zyitu tukwanza nzila zye nyinza te kwe kuminso ga Mwene vwelele nkandi nakuminso ga vantu vovulo.

VaGalati 5:22

Izyene nyene insanga zya Mupepo zye zye zino: Ishikunzi nuluseshelo nuvwihalo nuvuzyihamulaha nuvutelefu nishikuku nulwitiho;

VaEfeso 4:25

Mwe mumwo muleshʼukuyangʼizyʼilenga, mwenti muyangaje izya nalyoli, uno nuwamwavo uno nuwamwavo, she swe tuntu mwe tuvaliye uno aha wamwavo uno aha wamwavo.

VaEfeso 5:9

Shʼulwenʼulusanga lwa luhozyo luli muvwinza vwonti namuvugolosu namuvwanalyoli.

VaEfeso 6:14

Musimpaje lelo, mufungaje uvwanalyoli fwe ngati lilamba; muzwalajʼuvugolosu fwe ngati shijela sha kuzigʼishifuva.

Filipi 3:1

Zisyaye lelo zye zya kuti museshelaje mwa Mwene mwe vamwitu. Lwe nkuvuyizya shima ukuvasimbila zizyo, pe zitakundinkʼine, imwe nyene pe mukusimpa.

Kolosi 4:5

Muvanje ninjele mulujendo lwinyu kuvakunzi, shima muvombajʼahinza penga palolesile apa kuvomba yimo.

1 VaTesaloniki 4:12

ukuti mujendelaje mumushinzi kuminso ga vala ve vali kunzi, havili ukuti mutasovelwaje ishintu nashimo.

1 Timoti 2:2

izya kuvaputilʼavamwene navonti ve vali muvupiti, ukuti tulandilʼuvulanzi vwa vutehamu nuvwihalo swe vanyilaMulungu ava mushinzi.

1 Timoti 3:11

Vope navashi vavo vovulo vavanje vatehamu, vatavanje vakwalanzi, vateshelʼiṿintu, vavanje vatungamu muli zyonti.

1 Timoti 3:4

avanje muntu wʼakwenyelezyʼahinza inyumba yakwe, wʼali navana ve vali nulusajilo muvunyilaMulungu vwonti.

1 Timoti 4:12

Numo atakusufwaje uvunsi ndali, nkandi uyipelajʼukuva we wa kwenyelezya mumwʼavitisi mumazwi namulujendo namushikunzi namulwitiho namuvuzelu.

1 Timoti 5:10

wʼavantu vonti vakumuhomeshezya zye mbombʼinyinza, wengʼakuzizyʼavana, wenga navajeni avateteyʼahinza, wenga avozizye navafinjile muṿinama, wengʼavatuye ve vakuyimṿilwa, wengʼalandite imbombʼinyinza zyonti.

1 Timoti 5:2

Avantandʼavasongo kukwaho uvayinzanyaje fwe ngati ve vanyohombala. Avantandʼavansi kukwaho vʼuvayinzanyaje fwe ngati vana vinyu; uvayinzanyaje mwe muvuzelu vwonti.

uTiiti 1:8

Nkandi avanje mutesi, umukundavwinza, umusilimusu, umugolosu, umufinjile, wʼakuteshelʼiṿintu,

uTiiti 2:14

wʼatufwiliye ukuti atutavuzyaje kuvusitankomelezyo vwonti, havili ukuti ayizelufizyaje uluho lwe nsavo yakwe nzila, lwa vantu ve vakuyikungula kumbombʼinyinza.

uTiiti 2:2

Avanaṿuli avasongo vateshelʼiṿintu, vavanje vamwamu, avasilimusu, avapuma mulwitiho namushikunzi namuvuṿindilamalema.

uTiiti 2:7

Muli zyonti iwe uyipelajʼukuva we wa kwenyelezya mumwo imbombʼinyinza, namunsambilizyo ulolesyaje uvusitashipuva nuvumwamu,

uTiiti 3:14

Avamwitu vonti vasambilile ukuyikungula kumbombʼinyinza ukuti vavanje naṿwo yimo lwe ṿikwanzilwa, vatavanje vagumba kunsangʼinyinza.

VaHebuli 11:2

Shʼulwitiho lunulu lwe luvapeleye avalulwo ukuhomeshezelwa.

VaHebuli 13:18

Mutuputilaje, she tumanyilʼukuti inyenyezyo zyitu nyinza, lwe tukwanzʼukuva nulujendʼulwinza muli zyonti.

Yakobu 1:27

Uvwenʼuvuvombezi uvuzelu uvusitamazota nakwa Mulungu nakwa Tata vwe vwe vuno: Ukuṿula avantagwa navantandʼavafwile muvuhamantanilwa vwavo, nukuyigunta kunsi shisitamazota.

Yakobu 3:17

Izyene nyenʼinjele zya kumwanya zitalisile ukuva nzelu, havili nkundavwihalo, intelefu, zikuteshela ingʼumuntu akukuvuzya zimo, zyizuye ulupepelezyo ninsanga zyontʼinyinza, zite namaganigani, zite namafuji.

1 Peteli 1:22

Ilelo she muzelufizyʼamoyo ginyu mulusajilo lwa vwanalyoli ukuti mukundanʼishikunzi ishisitamafuji isha vanamuntu, mwe mumwo lelo mukundane numwoyo wonti shisitakutozoha.

1 Peteli 2:12

Ulujendo lwinyu muvakunzi luvanje lwinza, ukuti muli zila zye vakuvaholelʼimwe fwe ngati mwe vavombambivi, mwisinda mumbombo zyinyu zye nyinza lwe zikuloleha kuminso gavo vamushindishʼuMulungu kwisiku lya kwinzilwa.

1 Peteli 4:8

Kwilongolela kuli zyonti mwumishizyajʼishikunzi sha kukundana nalyoli. Shʼishenʼishikunzi shikuziga imbivi nashenga nyinji.

2 Peteli 3:1

Mwe vankundwa ishi nkuvasimbilʼukalata wa vuvili, muli vonti ve vavili nkuziyinzanya inyenyezyo zyinyu inzelu lwe nkuvakumbusyʼimwe,

1 Yohani 3:18

Mwe twana mwe, tutakundanaje nalye lizwi lyeka, nalye lilomu lyeka ndah, nkandi tukundanaje mumbombo namuvwanalyoli.

1 Yohani 3:3

Avene vonti ve vakusuvila zinizi kukwakwe, ve vakuyizelufwa inza she wope muzelu.

1 Yohani 4:1

Mwe vankundwa, mutazyitihaje impepo zyonti, nkandi muzilingaje impepo ukuti isuti muzimanye inga zifumile kwa Mulungu, she vinji avakuvwi avilenga ve valolesile munsʼumu.