Filipi 4:6 - Tesitamenti Umupwa 1965

⁶ Mutakutanaje naṿimo ndali, nkandi zyonti zyenga musovelilwe zye muziyangaje kwa Mulungu muluputo lwonti namululavo lwe lusangine nulusalifwo.

ULufingwi uLupwa

⁶ Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

Filipi 4:6 ပူးပေါင်းရင်းမြစ်များ

Matayi 10:19

Apene nyene inga vakuvakungʼimwe vovulo, pe mutakutanaje ṿwe muliyanga nazye muliyanga. She muliposhela pahavalilizyo huho izya kuyangʼimwe.

Matayi 13:22

Iyene nyene ye yapesilwe mulwangwa, we wuyo wʼayazilʼayiṿuyʼizwi, ilelo pe havili ukukutana kwʼikumupelelʼinsʼino, nishifumbo sha vulonsi, zyenezyo zye zikubudʼizwi, ilelo pe ninsanga zisite nukwela.

Matayi 6:34

Mwe mumwo mutakutanaje nzila iṿwa ndavi, shʼilya ndavi likuyikutanilʼiṿwakwe. Amanda gonti gali nuvupotwe ilʼuvwakwe ilʼuvwakwe.

Matayi 6:8

Mutaholanaje navo. ShʼuSo aṿimanyile nzila ṿiṿwo ṿwe mukwanza lwe mushilʼukulava.

uLuuka 10:41

UwenʼuMwene ahamula ahati: Malita, Malita, nyinjʼiwe zyʼukukutana, zye zikukupulinsya.

uLuuka 12:22

Pʼahavavuzyʼavasundikwa vakwe ahati: Mwe mumwo nkuvavuzyʼimwe nkuti, kwe ndali ukukutana nuvulanzi vwinyu iṿwa kulya, numuvili winyu aga kuzwala.

uLuuka 12:29

Namwe kwe ndali ukwanzʼiṿwa kulya niṿwa kungʼwela, gatayelushʼamoyo ginyu.

uLuuka 18:1

Pʼahavavuzya nishiholanyo ukuti umuntu pakuti aputaje shima shisitakuhatampa.

uLuuka 18:7

UwenʼuMulungu lelo pʼatinjʼasitaje ukugoloshezyʼamalandu ga vasavulwa vakwe ve vakuvilishila kukwakwe nashamusanya nashavusiku, wʼakwolovela shisitamulaha kuli vuvo?

1 VaKolinti 7:21

Amwe wali we muzya lwʼuhitwaga? Pʼutasivaje nazimo. Nkandi ingʼuli nidala lya kwinjila muvusatushe, pʼulusyaje ukuhonzya vovulo.

1 VaKolinti 7:32

Ine nyene nkwanzʼukuti mutavanje nazyo nazimo izya kukutana. Shʼumusitakusenda wʼakukutanʼukusiva zye zya Mwene, ukuti ahonzye vuli ukuhondela kwa Mwene.

2 VaKolinti 1:11

inga namwe poka mukutukumbuha muluputo lwinyu, ukuti avinji vagwanjʼulupi mushikunjilwa she lutupiyʼuluputo lwa vantʼavinji.

VaEfeso 5:20

MumusalifwajʼuMulungu uTata shima kuli ṿwonti mwizina lya Mwene witu uYesu Chilisiti.

VaEfeso 6:18

Zinizi zye muvombaje lwe mukuputa nukulambilizya shima mwa Mupepo. Zye mudamulilaje lwe mukuzyumishizya nkani nukuvalavila avafinjile vonti,

Kolosi 3:15

Uvwenʼuvwihalo vwa Chilisiti vwe vuvanje vumwene mumoyo ginyu, she mwisitwe mumuvili woka mwene, lwope nulupi muvanje nalwo.

Kolosi 3:17

Zyonti zyenga mukuvomba mumazwi namumbombo, zye muvombaje mwizina lya Mwene Yesu lwe mukumusalifwʼuMulungu uYise muli wuyo.

Kolosi 4:2

Mwumishizyaje ukuputa. Mudamulilaje lwe mukuputa nukusalifwa,

1 Timoti 2:1

Ilelo nkuvayinzanya ukuti zitalihaje kuli zyonti izya kuvaputilʼavantu vonti imputo zya kulambilizya nizya kutiniha nizya kulava nizya kusalifwa,

1 Timoti 5:5

Uwenʼumwantanda wenga mufwile nalyoli, uno wengʼasyaye weka, wʼakusuvila kwe kwa Mulungu, akulindilila shima ukulambilizya nukuputa shamusanya nashavusiku.

1 Peteli 4:7

Uvwene nyene uvusilo vwa tuntu twonti vwe vupalamiye. Mwe mumwo lelo musilimushe, muteshelʼiṿintu ukuti muputajʼahinza.

1 Peteli 5:7

Zyonti zye mukukutana zye mumutajile wuyo, shʼuwene akuvasajilila imwe.