Filipi 3:8 - Tesitamenti Umupwa 1965

⁸ Ilelʼishi zyonti nziwenyi ukuva zya kunazya, she mbwenyi ukumumanyinsanya uChilisiti Yesu uMwene wane kwe kulusizye uvugomu, we nziloṿezizye mumwakwe zyonti, we zyonti nziloleye mumwakwe ukuva makoko matupu, ukuti imulonche we Chilisiti,

ULufingwi uLupwa

⁸ Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Filipi 3:8 ပူးပေါင်းရင်းမြစ်များ

uLuuka 1:43

Ndi nishonu ine, unyina wa Mwene wane, shʼayinzile kukwane?

uLuuka 11:20

Apene nyene ingʼimpepʼimbivi nkuzifumizya lwe lwove lwa Mulungu ine, pe fwane lelo uvumwene vwa Mulungu vuvafishiye.

Yohani 14:20

Umusanya wuyo pe mulimanya ukuti ndi mwa Tata ine, namwe ukuti muli mumwanʼine, havili nane ukuti ndi mumwinyu imwe.

Yohani 14:7

Mupele mwamanyilʼahinzʼine, pe nkandi wope nuTata pe mumumanyile. Shinishi lelo pe mumumanyile, nukumwenya mumuwenyi.

Yohani 16:3

Zye valivombaga zinizi, she nuTata vatamumanyile, nane vatamanyile.

Yohani 17:3

Uvwene nyenʼuvulanzi vwa shimashima vwe vunuvu inga vakumanyile we Mulungu wa nalyoli wenewe weka, nuno wʼumutumilʼuYesu Chilisiti.

Yohani 17:8

Shʼinongwa zyʼumpiyʼine zye mbapiye vuvo, avene vaziposheleye, vawenyi nalyoli ukuti mfumile kukwaho, ilelo pe vitisile izya kuti untumile wenewe.

Yohani 20:13

Pʼavene vahamuvuzilizya vahati: We mwantanda, ukukuta shonu? Uwenʼahati: She nazile vamwefizyʼuMwene wane, ilelʼine ntapazile pe vavazilʼukumuviha.

Yohani 20:28

PʼuToma ahamula ahamuvuzya ahati: Mwene wane, Mulungu wane!

iMbombo izya Vhatumwa 20:24

Zye ntakusajilʼine, vwope nuvulanzi vwane ntakuyilinjila ukuti vulʼuvugomʼuvulive ndali. Nkandi ukuti imalilizye ulujendo nimbombo yane yʼampiyʼuMwene Yesu iya kuzihomeshezyʼinongwʼinyinza zya vwila vwa Mulungu.

VaLoma 8:18

She nkwaga ukuti gontʼamayimba aga shinishi gatakuholana nuvumwamu vwe tulivuposhela vwe vuliloleha inga lumo.

VaLoma 8:39

nga vutunyusu, nga vwivizu, nga hantu hamʼahanji ahapelwa, hatalitupagulanya kushikunzi sha Mulungu she shili mwa Chilisiti Yesu uMwene witu.

1 VaKolinti 2:2

She ntahanzaga ukuzimanya nazimo kulʼimwe nkandi we Yesu Chilisiti weka uno wʼahomelilwe pashihovenkanyo.

1 VaKolinti 9:10

Amwe atakututaha sweneswe lelo? Iswe nashinishi lwe zisimṿilwe zinizi, shʼumulimamugunda zihondeye ukuti asuvilaje ṿwʼakulima, havili numupulangana ukuti asuvilaje ukugavana numuhatangana.

2 VaKolinti 4:4

Ve vuvo vʼumulungu wa munsi yinino avadovoyʼinsivo zya vasitakwitiha, ukuti vatenyajʼukwaha kwa luhozyo lwʼIvangeli lya vumwamu vwa Chilisiti, we shati sha Mulungu.

2 VaKolinti 4:6

ShʼuMulungu wʼayanzile ukuti uluhozyo lwahaje ukufuma mushisi, we wuyo wʼayasizye mumoyo gitu uluhozyo ulwa kuvumanya uvumwamu vwa Mulungu kusheni sha Chilisiti.

VaGalati 1:16

lwʼakasimʼukumukupula uMwana wakwe muhati yane, ukuti imukumusye kuvakunzi, pe nkasita ukumuvuzilizya numʼumuntu uwa muvili namavanda.

VaEfeso 4:13

ukufiha pupo pe swenti tulivufishila uvwoka vwa lwitiho nukumumanyinsanyʼuMwana wa Mulungu, ukuti tulunjishe muvuntu, ukuti tuvanje nishifinjilo ishikuzi sha vulunjisu vwa Chilisiti.

Filipi 1:1

UPavuli nuTimoti avanyamata va Chilisiti Yesu tukuvasimbila mwe vafinjile mwenti mwa Chilisiti Yesu mwe muli mu-Filipi namwe vasungashivanza namwe vaṿwambombo:

Filipi 3:10

ukuti mumumanye wuyo namaha ga kuzyuha lwakwe nuvulilani vwa mayimba gakwe, lwe nkuyanana nuvufwe vwakwe,

Filipi 3:12

Ntakuti nsompoye nzila, ntakuti ne mwila nzila, nkandi nkuyikungula ukuti insompole, inza shʼuChilisiti Yesu atalisilʼukunsompolʼine.

Filipi 3:7

Nkandi zizyo zye lulwo natinji vwe vulonsi, zye havili shinishi nziwenyi mwa Chilisiti ukuva zya kunazya ntupu.

2 Timoti 4:6

shʼine nakupungulwa shinishi. Isiku lya kutuluhʼine lyinzile.

VaHebuli 3:14

She tuyipezilʼukuva swe valilani nuChilisiti inga tukwumishizya nkani uvwando vwa lutungamilo ukuvufishila uvulunjisu.

1 Peteli 2:7

Imwe lelo mwe muli nulwitiho ulushindiho lwe lwinyu. Nkandʼavene avasitalwitiho ve ivwe lye valisufizyʼavazenganyumba, lye havili liyipezilʼukuva lya pashipembe,

2 Peteli 1:2

Uvwila vuvanje namwe nuvwihalo vuṿulaje muvumanyinsanyi vwa kumumanyʼuMulungu nuYesu uMwene witu.

2 Peteli 1:3

Shʼamaha gakwe aga vulungu gatupiye ṿwonti iṿwa vulanzi niṿwa vunyilaMulungu muvumanyinsanyi vwa kumumanya wuyo wʼatwisite mwe muvumwamu vwakwe wuyo namumbombo zyakwʼinyinza.

2 Peteli 1:8

Shʼinga muli nazyo zinizi, inga zikuṿula, pe zitakuvapelelʼimwe uvuhata, zitakuvapela ukuva mwe vasitansanga muvumanyinsanyi vwa Mwene witu uYesu Chilisiti.

2 Peteli 3:18

Mukulaje lelo muvwila namuvumanyinsanyi vwa kumumanyʼuMwene witu nuMuposhi uYesu Chilisiti. Uwene ali nuvumwamu shinishi napisiku lyʼuvusitakusila vuliyanda.

1 Yohani 1:3

he twahawenyi, he twahiṿuye, he tukuhakumusya nakulʼimwe, ukuti namwe muvanje muvulilani naswe. Uvu vwe vulilani vwe tuli navwo nuYise nuMwana wakwe uYesu Chilisiti.

1 Yohani 2:19

Ukufuma kwe vafumile mwe mumwitu umu pashifumo, nkandi vatak vamwitu. Vapele vah vamwitu, pe nkandi tuli navo nashinishi. Nkandi muli zizyo vavonehaje apazelu ukuti vate vamwitu vonti.

1 Yohani 5:20

Tumanyilʼukuti uMwana wa Mulungu ayinzile, atupiye ulusimishizyo lwa kumusimishizya wuyo we wa nalyoli, niswe tuli muli wuyo we wa nalyoli, muMwana wakwe uYesu Chilisiti. Uwene we Mulungu wa nalyoli, we vulanzi vwa shimashima.