Filipi 3:12 - Tesitamenti Umupwa 1965

¹² Ntakuti nsompoye nzila, ntakuti ne mwila nzila, nkandi nkuyikungula ukuti insompole, inza shʼuChilisiti Yesu atalisilʼukunsompolʼine.

ULufingwi uLupwa

¹² Ntakuti nzifishiiye zyonti izyo, havhili ntakuti ne mulunjisu ku zyonti. Ileelo nkujendeelela kudaga, inga mfishile zyonti. UChilisiti uYeesu ansavhuuye, inga mfishile izyo zyonti.

Filipi 3:12 ပူးပေါင်းရင်းမြစ်များ

Matayi 5:48

Mwe mumwo lelo muvanje mwe vila, inza she wope nuSo wa kumwanya mwila.

iMbombo izya Vhatumwa 9:15

UwenʼuMwene nyene ahamuvuzya ahati: Valaga we, shʼumuntu wununo nsonta yanʼinsavulwa iya kuvatwalila mumwʼizina lyane navakunzi navamwene navana-Yisilayili.

VaLoma 8:39

nga vutunyusu, nga vwivizu, nga hantu hamʼahanji ahapelwa, hatalitupagulanya kushikunzi sha Mulungu she shili mwa Chilisiti Yesu uMwene witu.

1 VaKolinti 13:10

Apene nyene inga lumo lwʼuvwila vwonti vwinza, pʼulwenʼulumengʼenyulo lulisililishila.

1 VaKolinti 13:12

Ishi suti pe tuli fwe ngati akwenyelezya mwe mwiloli, mumivi. Inga lumo pe tulilolana muminso. Ishi suti pe nkumengʼenyula vwelele ukumanyinsanya, inga lumo pe ndimanya inza she nane imanyisile.

1 VaKolinti 9:24

Imwe mutamanyile ukuti ava ve vakushimbila palutumṿanyo, vonti vakushimbila. Nkandʼahenʼahuma aha kusompola, woka mwene akuhasompola. Vwe mushimbilaje namwe vovulo ukuti muhasompolʼahuma.

2 VaKolinti 13:9

She pe tukuseshela pope nashenga tukuyeyevala iswe, inga mwe vagomu mwenemwe. Havili tukulava ukuti muvanje mwe vila,

2 VaKolinti 7:1

Ilelo mwe vankundwa, she tuli nazyo izya lumfingwi zinizi, pe tuyizelufwaje uvuhandamanu vwonti uvwa mumuvili nuvwa mumupepo, twanzajʼuvufinjile uvwila lwe tukumunyilʼuMulungu.

VaGalati 5:17

Shʼumuvili wa mbivi akupapila zizyo zyʼuMupepo atakupapila, vovulo nuMupepo akupapila zizyo zyʼumuvili wa mbivi atakupapila. Vwe ṿilasine ṿwe ṿivili vovulo, ukuti mutavombaje zizyo zyenga mukasimʼimwe ukuvomba.

VaEfeso 1:4

Shʼuwene atusavuliye mwa Chilisiti, lwʼinsi yishili nukwalwa, ukuti tuvanje swe vafinjile avasitamazota kuminso kukwakwe.

VaEfeso 4:12

ukuti vavayananyʼavafinjile, imbombo ya vuvombezi yivombwaje, ukuti umuvili wa Chilisiti azengwaje;

Filipi 1:1

UPavuli nuTimoti avanyamata va Chilisiti Yesu tukuvasimbila mwe vafinjile mwenti mwa Chilisiti Yesu mwe muli mu-Filipi namwe vasungashivanza namwe vaṿwambombo:

Filipi 3:16

Nkandi muli zyonti zinizi zye tumanyinsinye pe pakuti tujendaje mumwo.

Filipi 3:3

Shʼi-swe swe va vuvolwa, tukumuvombelʼuMulungu mwe mwa Mupepo, tukuyitimila mwa Chilisiti Yesu, tutakuvutungamila uvuntu.

Filipi 3:8

Ilelʼishi zyonti nziwenyi ukuva zya kunazya, she mbwenyi ukumumanyinsanya uChilisiti Yesu uMwene wane kwe kulusizye uvugomu, we nziloṿezizye mumwakwe zyonti, we zyonti nziloleye mumwakwe ukuva makoko matupu, ukuti imulonche we Chilisiti,

1 VaTesaloniki 5:15

Mwandaje numo atamugalushizyajʼuwamwavo imbivi pambivi, nkandi shima mwanzilanaje zye nyinza mwe vuvo vatupu nakuvanji vwelele.

2 VaTesaloniki 2:13

Ilelo pe pakuti shima tuvagwilajʼulupi imwe kwa Mulungu, mwe vamwitu vankundwa va Mwene, shʼuMulungu avasavuyʼimwe he hali ukuti muvwagajʼuvupokwa muvufinjile vwʼakupelʼuMupepo namulwitiho lwa kuvwitihʼuvwanalyoli.

1 Timoti 5:10

wʼavantu vonti vakumuhomeshezya zye mbombʼinyinza, wengʼakuzizyʼavana, wenga navajeni avateteyʼahinza, wenga avozizye navafinjile muṿinama, wengʼavatuye ve vakuyimṿilwa, wengʼalandite imbombʼinyinza zyonti.

1 Timoti 6:19

lwe vakuhonzya vovulo, pe nishuma shavo vakuyivishilʼulwalo ulwinza kumanda ge gakwinza, ukuti mwe vahasompole uvulanzi vwa nalyoli.

VaHebuli 12:14

Muyikungule ukuva nuvwihalo navantu vonti, muyikungule namuvufinjile. Shisitavuvwo numo atalimwenyʼuMwene.

VaHebuli 12:23

nakuluhomano ulupiti nakushivanza sha vahatote ve vasimṿilwʼamazina kumwanya, nakwa Mulungu umulonzi wa vantu vonti, nakumpepo zya vagolosu ve valunjisile,

VaHebuli 13:21

wʼavapanje uvulunjisu mumbombʼinyinza zyonti ukuti muvombaje zizyo zyʼakasime wuyo, lwʼakupela mumwitu Zye zihondeye kuminso gakwe mwe mwa Yesu Chilisiti wʼali muvumwamu shimashima nakuvusitakusila. Amen.

Yakobu 3:2

She swe vantu swenti tukupuva apinji. Uno wengʼatakupuva kwizwi nalimo, we muntu umwila, wʼamanyilʼukufunga umuvili wonti fwe ngati nalihova.

1 Peteli 5:10

Uwene nyenʼuMulungu umuhatavwila vwonti, wʼavisitʼimwe ukwinjila muvumwamu vwakwe vwa shimashima mwe mwa Chilisiti, wʼalivapela wuyo ukuva mwe vila, alivagomwʼamaha, alivapʼinguṿu, alivasimfwʼimwe mwe muyimṿile amanda mansi.

2 Peteli 3:18

Mukulaje lelo muvwila namuvumanyinsanyi vwa kumumanyʼuMwene witu nuMuposhi uYesu Chilisiti. Uwene ali nuvumwamu shinishi napisiku lyʼuvusitakusila vuliyanda.