Filipi 2:9 - Tesitamenti Umupwa 1965

⁹ Zye zizyo havili uMulungu ahamukumusya, ahamukunjilʼizina lye lilusizyʼuvupiti amazina gonti,

ULufingwi uLupwa

⁹ Pe uMulungu ahamuzuvwa nkaani, ahaamupa izina ipiti kuluusya amazina gonti.

Filipi 2:9 ပူးပေါင်းရင်းမြစ်များ

Matayi 11:27

YwontʼampiyʼinʼuTata. NuMwana numʼatamumanyile, weka we Yise wʼamumanyile, nuYise numʼatamumanyile, weka we Mwana wʼamumanyile, nuno wengʼuMwana atili: Imugwinkulilaje.

Matayi 28:18

UwenʼuYesu ahapalamila ahayanga navo ahati: Amaha gonti naga kumwanya naga pansi mpelilwe nenene.

uLuuka 10:22

YwontʼampiyʼinʼuTata. Umwana numʼumuntu atakumumanya, weka we Yise wʼamumanyile, nuYise numʼumuntu atamumanyile, weka we Mwana wʼamumanyile, nuno wengʼuMwana atili imukupulile.

Yohani 13:3

pʼuYesu, shʼamanyile ukuti uYise vwontʼamupiye munyove, amanyile nukuti mfumile kwa Mulungu havili nkuvala kwa Mulungu,

Yohani 17:11

Ilelʼine kwe kuva mfumile munsʼumu shinishi, avene nyene vashili vali munsʼumu. Ine nkwinza kukwaho. We Tata mufinjile, uvasunjilile mwe mwizina lyaho lyʼumpiyʼine, vope ukuti vavanje woka mwene vonti, inza she naswe tuli woka.

Yohani 17:12

Lwe nali navo munsʼumu, pe nkavasunjilila mwizina lyaho lyʼumpiyʼine. Ava vʼumpiye iwe ve mbuvatiye, atatezile numo mwe vavaliye, we mwana wa lunanjiho weka, wʼatezile ukuti zilunjihaje zizyo zye zisimṿilwe mwa kalata.

Yohani 17:5

Shinishi lelo we Tata, nawʼumpanje nanʼuvupiti vwane kukwaho kunukwo, vwe nali navwo kukwaho kunukwo lwʼishili nukuva insi yonti.

iMbombo izya Vhatumwa 5:31

WʼuMulungu amwimisile ukuva wʼuChilongozi nuMuposhi uwa kumupʼuYisilayili ulupinduho nuvuswila vwa malandu.

VaEfeso 1:10

ukuti inga lumo zihinze izya kuyiyananizya lwe ginzilʼamaha gakwe, lwe zyonti zyavunganishilwa poka mwa Chilisiti, ṿwonti iṿwa kumwanya kula niṿwa pansi ipa. Muli wuyo,

Kolosi 1:18

Havili uwene we litwe lya muvili, lya shivanza. We vwando wuyo, wʼuhatote ukufuma kuvafwe, ukuti ave mutanzi wuyo muli ṿwonti.

2 VaTesaloniki 1:12

ukuti muli zinizi izina lya Mwene witu uYesu litundumikwaje mumwinyu, nimwe muli wuyo, muvwila vwa Mulungu witu nuvwa Mwene uYesu Chilisiti.

VaHebuli 1:4

Uwene ahavalusya nave vahavizya uvupiti, inza ṿwʼizina lyʼalipwanile lili payo kuli vuvo.

VaHebuli 1:9

Ukunzitʼuvugolosʼiwe, uvupasitʼuvwilankomelezyo. Mwe mumwo we Mulungu uMulungu waho, akupasilʼamafuta zya luseshelo ukulusya kuvamwinyu vonti.

VaHebuli 12:2

TumutontomelʼuYesu wʼakutulongolela mulwitiho, wʼakululunjisya, wʼahakalanyʼulusankano lwe lwatelamisilwe papakwe, ahajimbilila ishihovenkanyo, ahasita nukusajilʼumusamu. Ilelo pʼahavalʼukutendama kumuhonʼumulilo wa shitengo sha Mulungu.

VaHebuli 2:9

Uwene nyenʼuYesu Uno wʼamanda mansi ali munsi nakuvahavizya, we tukwaga shinishi azwisilwʼishipambwi sha vumwamu nisha mushinzi, ukuti muvwila vwa Mulungu avatomolelʼavantu vonti uvufwe.

1 Peteli 3:22

Wʼavazile kumwanya, wʼali kumuhonʼumulilo wa Mulungu, we vakonzile kukwakwe avahavizya navamaha navanguṿu.

2 Peteli 1:17

Shʼuwene ahaposhela ulushmdiho nulutimo kwa Mulungu uYise lwʼizwi lihafuma muvupiti uvulusyʼuvwinza, lye lihafiha papakwe, lihati: Uno we Mwana wane unkundwa kukwane, we nkuseshela muli wuyo.

3 Yohani 1:7

She vahasogola pe pazyʼIzina, mwe mumwo vahasitanukusenda naṿimo kuvakunzi.

Ishitushizya 1:5

nakwa Yesu Chilisiti, uhome umutungamu, uhatote wa vafwe, umupiti wa vamwene vonti ava munsʼumu. Wʼatukunzite iswe, atwozizye uvutalamalandu vwitu mumavanda gakwe,

Ishitushizya 11:15

Wope nuhavizya wa vusano navuvili ahahomʼisaji. Pʼamazwi amapiti gahapongomoha kumwanya, gahati: Uvumwene ṿwa munsi yonti vuyipezilʼukuva ṿwa Mwene witu nuvwa Chilisiti wakwe. Aliva wʼuMwene wuyo shima ukufiha nakuvusitakusila nalumo lumo.

Ishitushizya 19:16

Pashizwalo shakwe napavukunjilo ṿwa shinama asimṿilwʼizina lye likuti: umwene wa VAMWENE NUMUPITI WA VAPITI.

Ishitushizya 3:21

Uno wengʼakupotʼuvulugu we ndimupa apa kutendama nane pashitengo shane isha vumwene, inza she nane impositʼuvulugu havili inza she ntendime nuTata pashitengo shakwe isha vumwene.

Ishitushizya 5:12

Ve vahayanga izwʼipiti vahati: AHagonzi he havolilwe hahondeye ukuposhela amaha nuvudumbwe ninjele ninguvu nulushindiho nuvumwamu nulutimo.