Filipi 2:8 - Tesitamenti Umupwa 1965

⁸ Ahayisya weka, ahitiha nakuvufwe, ena nakwe kuvufwe vwa pashihovenkanyo.

ULufingwi uLupwa

⁸ Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.

Filipi 2:8 ပူးပေါင်းရင်းမြစ်များ

Matayi 17:2

Pʼahanduha lwe vakwenya, pʼisheni shakwe shihalangalila ngati lizuva, namenda gakwe gahanyengʼenyela fwe luhozyo.

Matayi 26:39

Uwenʼahapitilila ahakupama pansi, ahaputa ahati: We Tata, inga shapagagʼapa kupitilila papane ishikombʼishi shipitililaje. Nkandi ne washʼine zye nkasimʼine, zivombelwaje zyengʼukasimʼiwe.

Matayi 26:42

Ahavuyizya, ahavala nohavili ukuputa ahati: We Tata, ingʼishikombʼishi shitakupagʼapanji apa vujendo, shikuti ingʼwelʼine, pe zivombelwaje zyʼukasimʼiwe.

uLuuka 9:29

Ilelo lwʼamakuputa, pisheni nakuminso ahanduha, ahava payo, namenda gakwe gahava mpe, gahalama.

Yohani 10:18

Numo atakuvufwula kukwane ndali, nkuvutaga nene neka. Ndi namaha ga kuvutaga, ndi namaha ga kuvusenda nohavili. Zye zizyo andajizizyʼuTata zinizi.

Yohani 14:31

Nkandʼukuti insi mwʼimanyilʼine ukuti imukunzitʼuTata, ukuti nkuvomba inza shʼuTata andajizizye: Muvushe, tuvale lelo.

Yohani 15:10

Inkomelezyo zyane inga mukuziviha mumoyo, pe mukusyelemetela mushikunzi shane, inza she nane nkuziviha mumwoyo inkomelezyo zya Tata nukusyelemetela mushikunzi shakwe wuyo.

Yohani 4:34

UwenʼuYesu ahavavuzya ahati: Vwe ṿintʼine ṿwa kulya, inga nkuvomba zizyo zyʼakasime wuyo wʼantumilʼine, inga nkumalilizyʼimbombo yakwe.

iMbombo izya Vhatumwa 8:33

Mwe mulwisyo lwakwe isunde lyakwe lihasila. Unanu wʼangapanga izya luho lwakwe? Shʼuvulanzi vwakwe vusompolilwe ukufuma munsʼumu.

VaLoma 5:19

Inza shʼavinji vahinjila muvutalamalandu pamaluli ga muntu woka, —vovulo mulusajilo lwa muntu woka vahinjila muvugolosu.

2 VaKolinti 8:9

She muvumanyilʼuvwila vwa Mwene Yesu Chilisiti wʼayipezilʼukuva mupina nashengʼali wʼudumbwe, ukuti uvupina vwakwe vuvapelelajʼimwe uvudumbwe.

VaGalati 3:13

UwenʼuChilisiti atuposile kuntipo zya nkomelezyo, shʼayipezilʼukuva ntipo zya kutupohʼiswe —she lisimṿilwe lye likuti: Atifilwe umuntu wonti wengʼakuhove-shelwa pikwi—

uTiiti 2:14

wʼatufwiliye ukuti atutavuzyaje kuvusitankomelezyo vwonti, havili ukuti ayizelufizyaje uluho lwe nsavo yakwe nzila, lwa vantu ve vakuyikungula kumbombʼinyinza.

VaHebuli 12:2

TumutontomelʼuYesu wʼakutulongolela mulwitiho, wʼakululunjisya, wʼahakalanyʼulusankano lwe lwatelamisilwe papakwe, ahajimbilila ishihovenkanyo, ahasita nukusajilʼumusamu. Ilelo pʼahavalʼukutendama kumuhonʼumulilo wa shitengo sha Mulungu.

VaHebuli 12:4

Lwe mukulwa nuvutalamalandu imwe, pe mushili ukufiha nakwo napamavanda.

1 Peteli 2:24

we nuvutalamalandu vwitu ahavuzuṿwa mumuvili wakwe pikwi, ukuti lwe swe vafwe kuvutalamalandu tulandilaje kuvugolosu; we mumaṿimṿi gakwe mupozile.

1 Peteli 3:18

ShʼuChilisiti afuye lyoka vwelele pavutalamalandu vwitu, umugolosu ahavafwila avasitavugolosu, ukuti atupalamizyaje kwa Mulungu. Shʼagozilwe umuvili wa vuntu, nkandi ahapelwa umulanzi muMupepo,