Filipi 2:6 - Tesitamenti Umupwa 1965

⁶ We nashenga ali nishati sha Mulungu atahakulema ukuholana nuMulungu fwe ngati shisampwa.

ULufingwi uLupwa

⁶ Pooka nu kuuti, kufuma hali uweene álingiine nu Mulungu, atávhwenyi kuuti kuula kulingaana nu Mulungu, shintu sha kushilemeelela.

Filipi 2:6 ပူးပေါင်းရင်းမြစ်များ

Matayi 1:23

Yenya, umulindu alimwama, alipapʼumwanʼumwanaṿuli, we valimupʼizina lya Imanweli, lye likuti uMulungu ali naswe.

Yohani 1:18

Numʼatamuwenyi muminsʼuMulungu nalumo, uMulungu uMwana woka mwene imozi, wʼali pashifuva sha Yise, wuyo wʼatuvuzizye.

Yohani 10:30

Nane nuTata tuli woka mwene.

Yohani 10:33

AvenʼavaYuda vahamula vahati: Tutakukutinzila mbombʼinyinza zyʼupezilʼiwe ndali, nkandi shʼukuyanga izya musamu, shʼukuyipelʼukuva we Mulungu nashenga we muntu vwelele.

Yohani 10:38

Nkandʼinga nkuzivomba nalyolʼine, inga mutakunitiha ine, pe muzyitihaje zizyo zye nkuvomba, pe muliyaga mulimanyinsanya ukuti uTata ali mumwanʼine, havili nane ukuti ndi mwa Tata.

Yohani 14:28

Mwiṿuye lwe natinji: Mbusilʼukuvala, havili ndiyinza kumwinyu. Inga munkunzite, pe mukwe mukuseshela she nkuti nkuvala kwa Tata, shʼuTata andusizyʼuvupiti ine.

Yohani 14:9

PʼuYesu ahamuvuzya ahati: She ndiliyʼamaha gonti vovulo namwe, pe havili utamanyilʼine, we Filipu? Shʼuno wengʼambwenyʼine pʼamuwenyʼuTata. Pe havili ukuyanga vulʼiwe ukuti: UtulanjʼuSo?

Yohani 17:5

Shinishi lelo we Tata, nawʼumpanje nanʼuvupiti vwane kukwaho kunukwo, vwe nali navwo kukwaho kunukwo lwʼishili nukuva insi yonti.

Yohani 20:28

PʼuToma ahamula ahamuvuzya ahati: Mwene wane, Mulungu wane!

Yohani 5:18

Lye lilyo vahonjezyʼavaYuda ukuti tumugoje, she vatili: Atatazile uno weka uwa kuvindulʼisabati ndali, ayonjezizye nilya kuti uMulungu we wʼuYise, ilelo mwe munumu kwe kuvʼakuti nkoline nuMulungu ine.

Yohani 5:23

vontʼukuti vamunyilajʼuMwana inza she vakumunyila nawe Yise. Shʼuno wengʼatakunyilʼuMwana, wʼalesile ukumunyila nawe Yise wʼamutumile.

VaLoma 9:5

Vavo vuvo navatata vitu; wope nuChilisiti afumile mwe mumwavo umuvili, we Mulungu wa ṿwonti wʼakutundumikwa shima shima. Amen.

2 VaKolinti 4:4

Ve vuvo vʼumulungu wa munsi yinino avadovoyʼinsivo zya vasitakwitiha, ukuti vatenyajʼukwaha kwa luhozyo lwʼIvangeli lya vumwamu vwa Chilisiti, we shati sha Mulungu.

2 VaKolinti 8:9

She muvumanyilʼuvwila vwa Mwene Yesu Chilisiti wʼayipezilʼukuva mupina nashengʼali wʼudumbwe, ukuti uvupina vwakwe vuvapelelajʼimwe uvudumbwe.

1 Timoti 1:17

UMwene nyene wʼalipo shima, umusitakufwa nalumo, umusitakuloleha muminso, uMulungu wʼali woka mwene, avanje nulushindiho nulutimo shimashima shisitakusila. Amen.

1 Timoti 3:16

Uvwenʼuvuzigizigi vwa vunyilaMulungu vwe vupiti vwe vumanyisile nkani, vwe vukuti: UMulungu alolesile mumuvili wa vuntu, avonesile uvugolosu mwa Mupepo, vamuwenyi avahavizya, akumusile kuvakunzi, vamwitisile avamunsi, asatulilwe muvumwamu.

uTiiti 2:13

lwe tukugulilila Ulusuvilo ulupelavusangalusu nuvuvoneshelo vwa vumwamu vwa Mulungu umupiti havili uMuposhi witu uChilisiti Yesu,

VaHebuli 1:3

Uwene we vulangalizu vwa vumwamu vwa Mulungu, shati sha wuyo mwʼavaliye ula, mwizwi lya maha gakwe aṿipezile ṿwonti ukuva, lwʼayipezilʼukuva luzelufwo lwa vutalamalandu vwitu, pʼahavala ukutendama kumuhonʼumulilo wa Vuhatavupiti muvutunyusu.

VaHebuli 1:6

Nohavili lwengʼayinzilʼukumwinjizya uhatote munsʼino mwe vasamiyʼavantu, pʼakuti: Vontʼavahavizya va Mulungu vaputaje kukwakwe.

VaHebuli 1:8

Ilelo kuzya Mwana akuti: Ishitengo shaho sha vumwene, we Mulungu, she sha shima, havili nindisa impelavugolosu ye ndisa ya vumwene vwaho.

VaHebuli 13:8

UwenʼuYesu Chilisiti atakugalunkana nalumo, we wuyo shima namavwila nashinishi nakuvusitakusila.

Ishitushizya 21:6

Pʼahambuzya ahati: Mpela zivomṿilwe. Nene ne Alifa havili ne Omega, ne vwando nene havili ne vumalilishilo. Nene ne ndimungʼwesya aga mushiduda sha minzi amapelavulanzi wengʼayumilwe ishinyoto, ndimupa pavwila.