Filipi 2:2 - Tesitamenti Umupwa 1965

² pe munizuzyajʼuluseshelo, ukuti muve ninsivo zyoka zyene mwenti, muve nishikunzi shoka shene mwenti, mwenti muve numwoyo woka mwene nukusiva ahantu hoka hene.

ULufingwi uLupwa

² Mwe pe zyonti izyo ziliipo, ishi nkuvhalaavha kuuti muvhe ni nsiivho zyoka nu kukundana. Havhili muvhe nu mwoyo wooka ni nsiivho zyoka. Vhwevhulo, pe kwe mumbiishe kuvha nu luseshelo ulupiti.

Filipi 2:2 ပူးပေါင်းရင်းမြစ်များ

Yohani 3:29

Uno wengʼali numuzinjilwa we muhatamushi. Uwene nyene umwimazi wa musendamwantanda ingʼakwimilila, ingʼakwiṿwa lwʼakuyangʼumusendamwantanda, wʼakuseshela nkani lwʼakwi-ṿwʼizwi lya musendamwantanda. Uluseshelo lunulu lwe nsesheye nane, nikusi lelo.

iMbombo izya Vhatumwa 1:14

Vonti vanava nyene valʼumwoyo woka nukwumishizyʼukuputa poka navantanda nuMaliya unyina wa Yesu navazuna vakwe.

iMbombo izya Vhatumwa 2:1

Lwe lyinzilʼisiku lya Pentekositi, pe vahavungana poka vonti.

iMbombo izya Vhatumwa 2:46

Amanda gonti vahahomanaga mwa tempeli, valʼumwoyo woka, wope numukati vahamensulanyaga munyumba zyavo mwe zivaliye, iṿintu vahalyanga nuluseshelo namoyʼamasitakukutana.

iMbombo izya Vhatumwa 5:12

Izyenʼinyove zya vapositili zihapela amamfindango namayelʼaminji lwe vakwenyʼavantu, vonti vahayanga poka mumanda ya Solomoni, valʼumwoyo woka mwene.

VaLoma 12:16

Muvanjʼumwoyo woka mwene mwenti mwe muvaliye. Mutasivaje izya kuyimwamiha mweka ndali, mutenjelane navasamusu. Zye ndali ukuyiyangʼinjele mwemwe mweka.

1 VaKolinti 1:10

Ilelo nkuvatontela, mwe vamwitu, mwizina lya Mwene witu uYesu Chilisiti ukuti muvanje nizwi lyoka lyene, nintapunkano zitavanje nazimo mumwinyu ndali, mwitinkanaje muli zyonti namumoyo namwe mukusivilʼinongwa.

2 VaKolinti 13:11

Pe lelo mwe vamwitu musyalaje, musopwaje, musohane, muyanane munsivo zyinyu, mulandile poka muvwihalo, pe wope nuMulungu umuhatashikunzi nuvwihalo akuva namwe.

2 VaKolinti 2:3

Pe nkuvasimbila zye zila, she nkati vatampelelajʼine ukuswimililwa vuvo ve vahondeye ukunsansamusyʼine. She mbamanyilʼimwe mwenti ukuti izi zye nkuseshelʼine zye namwe mukuseshela zizyo mwenti namwe.

2 VaKolinti 7:7

te kwe kuzya kwinza kwakwe kweka ndali, ahenʼaha he hatusuvizizye lwe lusuvizyo lwe mwamusuvizizye mwenemwe. Shʼatuvuzizye ukusamba kwinyu nuvuswimililwa vwinyu nuvwahayikungule vwinyu vwe muyikunguye kuzyane. Mwe mumwo nkapitilizya ukuseshela.

Filipi 1:4

shima lwe nkuvaputila mwenti pe nkuputa nuluzevelo,

Filipi 2:16

lwe mukulyimihʼizwi lya vulanzi. Zye zizyo nkayitimile mumwo pisiku lya Chilisiti ukuti ntashimbiye shaha, havili ntayikunguye shaha.

Filipi 2:20

She ntamumanyilʼuwamwavo numo wʼali fwe wuyo umwoyo, shʼuwenʼinongwa zyinyu zyonti akuzisiva shisitamafuji.

Filipi 4:2

Nkumuyinzanya uEvodiya, nkumuyinzanya nawe Sintike ukuti vavanje ninsivo zyoka mwa Mwene.

Kolosi 2:5

She nashenga ndʼukutali umuvili, pʼuwene umupepo wane ali namwe, nkuseshela lwe nkwenya uluyananyo lwinyu nilinga lya lwitiho lwinyu lwe mumwitisilʼuChilisiti.

2 VaTesaloniki 2:13

Ilelo pe pakuti shima tuvagwilajʼulupi imwe kwa Mulungu, mwe vamwitu vankundwa va Mwene, shʼuMulungu avasavuyʼimwe he hali ukuti muvwagajʼuvupokwa muvufinjile vwʼakupelʼuMupepo namulwitiho lwa kuvwitihʼuvwanalyoli.

2 Timoti 1:4

Nkukusamba nkani lwe nkukumbuhʼamansozi gaho, ukuti nizulaje uluseshelo.

Filemoni 1:20

Ena, we wamwitu, uleshe nane ndonkaje hamo kukwaho mwa Mwene. Unsansamusyaje umwoyo wane mwa Chilisiti.

2 Yohani 1:4

Naseheye nkani she nazile avana vaho vamo vakujendela muvwanalyoli, inza shʼatulajizizyʼuTata.

3 Yohani 1:4

Nte nazyo nazimo izya kuseshela mumwo kulusya zizyo inga nkwiṿwa ukuti avana vane vakujendela muvwanalyoli.