Filipi 2:1 - Tesitamenti Umupwa 1965

¹ Ilelo inga lulipʼulukumbusanyo lumo ulwa Chilisiti, nulusuvizyo lwa shikunzi, nuvulilani vwa Mupepo, nishikunzi sha mumwoyo, nulupepelezyo lwa muhati,

ULufingwi uLupwa

¹ UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Filipi 2:1 ပူးပေါင်းရင်းမြစ်များ

uLuuka 2:25

Ilelo mu-Yelusalemu mumwo mwʼali wokʼumuntu wʼali wʼuSimeyoni izina; umuntʼuno alʼumugolosu ahamunyilagʼuMulungu; shima ahagulilila ulusuvizyo lwa Yisilayili, wope nuMupepʼuMufinjile ahava papakwe.

Yohani 14:18

Ntakuvaleha ukuti mwe vapina ndali, ndiyinza kumwinyu.

Yohani 14:27

Nkuvaleshelʼuvwihalo, nkuvapʼuvwihalo vwane. Ntakuvapʼimwe inza shʼinsi yikuvapanga. Gatagandushe lelʼamoyo ginyu, gatasaganyaje.

Yohani 17:13

Shinishʼine nkwinza kukwaho, ilelo zinizi nkuyanga munsʼumu, she nkuti uluseshelo lwane vavanje nalwo vope ulwa vwila muhati zyavo.

iMbombo izya Vhatumwa 2:46

Amanda gonti vahahomanaga mwa tempeli, valʼumwoyo woka, wope numukati vahamensulanyaga munyumba zyavo mwe zivaliye, iṿintu vahalyanga nuluseshelo namoyʼamasitakukutana.

iMbombo izya Vhatumwa 4:32

Ilelo vonti ve vahitihaga valʼumwoyo woka mwene ninsingo yoka yene. Ahasitʼukuva pupo numʼuwa kuti: Shane nene neka, ishuma shakwe. Vahahanaga ṿwonti.

VaLoma 5:5

ulwenʼulusuvilo nyene lutakumupasyʼumuntʼinsoni, shʼuMulungu aponyizyʼishikunzi shakwe mumoyo gitu mwa MupepʼuMufinjile we tumuposheleye.

VaLoma 8:26

Wope nuMupepo vovulo ahatutula muvutonsi vwitu. Shʼiswe tutamanyile zye zihondeyʼukuputa, nkandʼuMupepo akutwimila, akutuyanjila muzya kuvuvula ukusitamazwi nagamo.

1 VaKolinti 12:13

She naswe twozilwe mwa Mupepo woka mwene ukuti tuvanje muvili woka mwene swenti, avaYuda navaGiliki navazya navasatushe, havili swenti tukwesilwe ukungʼwela uMupepo woka mwene.

1 VaKolinti 15:31

Nkufwa amanda gonti! Zye zya nalyoli, inza she nkuyitimila mumwinyu mwa Yesu Chilisiti uMwene witu.

1 VaKolinti 3:16

Imwe mutayimanyile ukuva mwe tempeli ya Mulungu, havili ukuti uMupepo wa Mulungu atendime mumwinyu?

2 VaKolinti 2:14

SitumusalifwajʼuMulungu we shima akutupela mwa Chilisiti ulululuto, we numununsi wa vumanyinsanyi vwa kumumanya atupiye sweneswe ukuti vukwilaje munkaya zyonti.

VaGalati 4:6

Shinishi lelo she mwe vanavana, pʼuMulungu atutumiye uMupepo wa Mwana wakwe mumoyo gitu, wʼakuvilishila akuti: Aha, lye likuti Tata.

VaGalati 5:22

Izyene nyene insanga zya Mupepo zye zye zino: Ishikunzi nuluseshelo nuvwihalo nuvuzyihamulaha nuvutelefu nishikuku nulwitiho;

VaEfeso 4:4

She mwe muvili woka mwene, mwe Mupepo woka, inza she lwope nulusuvilo lwinyu lwe mwisitwe luli lwoka.

Filipi 1:8

ShʼuMulungu we wʼuhome wane, amanyile ṿwe nkuvasambilʼimwe mushikunzi she shili mumwoyo wa Chilisiti Yesu.

Filipi 3:3

Shʼi-swe swe va vuvolwa, tukumuvombelʼuMulungu mwe mwa Mupepo, tukuyitimila mwa Chilisiti Yesu, tutakuvutungamila uvuntu.

Kolosi 2:2

ukuti vapumilizilwaje mumoyo gavo lwe vakuyikunjilinkanya mushikunzi, ukuti vavanje muvwinji vwa vwizule vwa vusinkamizyo, ukuti vazimanyinsanye izya vuzigizigi vwa Mulungu, uvwa Chilisiti,

Kolosi 3:12

She mwe vasavulwa va Mulungu avafinjile avankundwa, ishi pe muzwalaje ulupepelezyo lwa muhati, nuvutonsu nuvwahayisye nuvutehamu nukujimbilila.

VaHebuli 6:18

ukuti kuṿintu ṿivili iṿisitakuga-lunkana, ṿwe muli ṿiṿwo uMulungu atangalumʼilenga, tuvanje nulusuvizyo ulugomu iswe swe tushimbiliye ukulemʼulusuvilo lwe tuvishililwe,

1 Peteli 1:2

inza shʼuMulungu uTata atalisile nzila ukuvamanya, muvufinjile vwʼuMupepo avapeleye, ukuti musajile nukusansilwa amavanda ga Yesu Chilisiti: Uvwila vuve namwe nuvwihalo vuṿule mumwinyu.

1 Yohani 3:24

Havili uno wengʼakusajila indajizyo zyakwe, wʼakuva mwe mumwakwe wuyo shima, havili uwene wope mumwakwe. Muli zinizi tumanyile ukuti tuli nawo muhati zyitu, mwe muMupepo wakwe wʼatupiyʼiswe.

1 Yohani 4:12

UMulungu, numo atamuwenyi nalumo. Inga tukukundana swe vuvo vatupu, pe wope nuMulungu akuva mumwitu, pe shope nishikunzi shakwe shikulunjiha mumwitu umu.

1 Yohani 4:16

Niswe tushimanyile ishikunzi shʼuMulungu ali nasho kulʼiswe, havili tukushitiha. UMulungu shikunzi. Uno wengʼakuva mwe mushikunzi shima, wʼakuva mwe mwa Mulungu, wope nuMulungu akuva mumwakwe wuyo.