Filipi 1:5 - Tesitamenti Umupwa 1965

⁵ she nazile muli nuvulilani mwIvangeli ukufuma pisikʼitanzi lila ukufiha nakushinishʼuku.

ULufingwi uLupwa

⁵ mwe pe imwe mukunaavwa kulumbiilila Izwi iLyinza kufuma isiku lye mwítisile, kufishila ileelo.

Filipi 1:5 ပူးပေါင်းရင်းမြစ်များ

iMbombo izya Vhatumwa 2:42

Ve vahumishizyʼinongwa zya vapositili nukuva poka nukumensulanyʼumukati nukuputa.

VaLoma 11:17

Apene lelo inga zimʼinsamba zipanyusile, pʼiwe we wali we livula lya mwilala uhapwanila pupo pe zyali, ingʼukulilana nizi mwe gakufumʼaminzi gʼivula,

VaLoma 12:13

ingʼavafinjile ṿikuvasova yimo pe mulilane navo, muvatetele navajeni.

VaLoma 15:26

Shʼava mu-Makedoniya nava mw-Akaya vanzile ukuvasangulila avafinjile avapina ava mu-Yelusalemu yimo.

1 VaKolinti 1:9

UwenʼuMulungu we mutungamu wʼavisitʼimwe muvulilani vwa Mwana wakwe uYesu Chilisiti uMwene witu.

2 VaKolinti 8:1

Tukuvamanyisya, mwe vamwitu, Uvwila vwa Mulungu vwʼavapiye ava muṿivanza ṿwa mu-Makedoniya.

VaEfeso 3:6

Mwe mumwo navakunzi vayipezilʼukuva vapwanilavupwano vovulo numuvili woka mwene vovulo navalilani muli zyʼuMulungu afinzile ulumfingwi mwa Chilisiti Yesu mumbombo zyʼIvangeli,

Filipi 1:12

Ilelo mwe vamwitu, nkwanzʼukuvamanyisya ukuti zye zinazilʼine zyonjezizye nkani ukujenzyʼIvangeli.

Filipi 1:16

Avene vanava shivatumile she shikunzi she vambwenyʼine ukuti nkuliyanjilʼIvangeli uvwinza.

Filipi 1:27

Nkandi ulujendo lwinyu luvanje inza ṿwe zihondeye mwIvangeli lya Chilisiti, ukuti nashenga nkwinza nukuvenyʼimwe nashenga ndʼukutali niṿwaje izyinyu ukuti musimfile mumupepo woka, ukuti muli numwoyo woka lwe mukulwa pazya lwitiho lwʼIvangeli.

Filipi 1:7

She zye zigolosile kukwane ukuvasivilila mwenti zinizi she muli mumwoyo wanʼimwe, she muvwila mwe valilani vane mwenti mumunyololo nalwe nkuliyanjilʼIvangeli nukulisimishizya.

Filipi 2:12

Pe lelo mwe vankundwa vane, inza she muzilandite izyane amanda gonti, te lya kuti lwe nali namwe vwelele nkandi ukulusya nkani lwe ndʼukutali, mupitilizyaje ukuvuvombela uvupokwa vwinyu mulunyilo nukutetema.

Filipi 2:22

Ilelo mumumanyile namwe mwʼalolesilʼuvwinza, shʼahalivombelʼIvangeli poka nane inza ṿwʼumwana akuhonzya nuyise.

Filipi 4:3

Ena nkukulambilizya nawe we mukunjilinkani wane uwa nalyoli, ukuti uvatulʼavantanda vanava, she vayikunguye ukukumusyʼIvangeli poka nane nuKelementi navamwavo ve vahantulʼimbombo, vʼamazina gavo gali mwa kalata wa vulanzi.

Filemoni 1:17

Ishi inga umbwenyʼine ukuva ne mulilani waho, pʼumuposhele fwe ngati ukumposhela nene.

VaHebuli 3:14

She tuyipezilʼukuva swe valilani nuChilisiti inga tukwumishizya nkani uvwando vwa lutungamilo ukuvufishila uvulunjisu.

2 Peteli 1:1

USimoni Peteli, umunyamata numwapositili wa Yesu Chilisiti, nkuvasimbila mwe muposheleyʼulwitiho lwe luli inza shʼulwitu uvugomu, muvugolosu vwa Mulungu witu nuMuposhi uYesu Chilisiti:

1 Yohani 1:3

he twahawenyi, he twahiṿuye, he tukuhakumusya nakulʼimwe, ukuti namwe muvanje muvulilani naswe. Uvu vwe vulilani vwe tuli navwo nuYise nuMwana wakwe uYesu Chilisiti.

1 Yohani 1:7

Nkandi lwenga tukujenda muluhozyo, inza shʼuwene ali muluhozyo, pe tuli nuvulilani swe vuvo vatupu, namavanda ga Yesu uMwana wakwe gakutuzelufwa uvutalamalandu ṿwonti.