2 Peteli 2:3 - Tesitamenti Umupwa 1965

³ Mumpapilo valivasheṿwʼimwe ninongwʼinyata izya kulonchela mumwo ṿimʼavene. Vʼukulongwa kwavo kufuma he hali kutakuhava, nuvutupulwa vwavo vutakusupila.

ULufingwi uLupwa

³ Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

2 Peteli 2:3 ပူးပေါင်းရင်းမြစ်များ

Matayi 23:14

Ye mayi we, namwe vamanyakalata namwe vaFalisayi, mwe valumilenga. She mukulyʼinyumba zya vazishe, pe havili mukupitilizya ukuputa imputʼintali izya mafuji. Zye zizyo mulipitilizilwa ukusundwa.

uLuuka 18:8

Muleshe mbavuzyʼine: Atalihavʼuwene ukugoloshezyʼamalandu gavo. Apene nyene lwengʼayinzilʼuMwanamuntu, amwe pʼaliyagʼulwitiho munsʼumu?

uLuuka 20:20

Pe vahamutega, vahamutumila avaṿulizi ve vakuyilolesya kuva vagolosu, ukuti vamwambambʼizwi mwilomu lyakwe, ukuti vavalʼukumutwala muvumwene namumaha ga musungansi.

uLuuka 22:47

Ilelo lwʼamakuyangʼamazwi ganagʼuwene, yenyi, pe valʼavantʼimpuga, pʼali nuYuda uwʼishumi navavili alongoleye kwilongolela, ahapalamila kwa Yesu, ahati imufipe.

Yohani 2:16

Avene ve vahakazyagʼinkunda, vʼahavavuzya ahati: Simuzisende, mufume nazyo kunzi. Inyumba ya Tata ye ndali ukuyigalula ukuvʼinyumba ya kukalila mumwo.

VaLoma 16:18

Shʼavantu vanava vatakumuvombelʼuChilisiti uMwene witu, nkandi vwe vula vwavo vweka vwe vakuvuvombela. Mumazwi ga ntembwele namunjangʼinyinza vakuvahopʼavantu ve vatakusivʼizya mbivi.

2 VaKolinti 2:17

Shʼiswe tute fwe vinji vʼIzwi lya Mulungu vakuligalula ukuva lya kulonchela mumwo, nkandʼiswe tukuliyanga muvusitamafuji namwa Mulungu, swe va mwa Chilisiti, swʼakutwenya uMulungu lwe tukuyanga.

1 VaTesaloniki 2:5

Shʼiswe tutayanzile nalumo izya kuvatimʼimwe muluhopohopo, inza she mumanyile, nga nongwa nazimo izya kuzyiha uvupafu; uMulungu we wʼuhome.

1 VaTesaloniki 5:3

Lwenga vakuti Uvwihalo vulipo, kuli mwa, pʼuvutupulwa vulivavupila apashezi, inza shʼuvuhamantanilwa vukumuvupilʼumwantanda lwʼamwamile, pe valipotwʼukushimbila.

1 Timoti 3:3

Pakuti atavanje wushingwʼezi, nga wʼivo, avanje mutelefu, umusitakulwa, atavanje mupapilampiya,

1 Timoti 6:5

nukuzezanya shima avantu vʼinjele zyavo zinanjisile, ve vafwulilwe uvwanalyoli, ve vakuti uvunyilaMulungu vwe vulonchelo vwa shuma.

uTiiti 1:11

Ve pakuti umuntu avaṿumbatizyaje kwilomu. Avene vakuṿwalanganyʼinyumba yonti mwe zivaliye lwe vakusambilizya zye zilʼumwiho she vakwanzʼuvulonsi vwa nsoni.

uTiiti 1:7

Shʼubishopo pe pakuti avanje muzelu vwelele izya kumuyanga, alolehaje ukuva musungashuma wa Mulungu, wʼatakulandatʼulukasamo lwakwe wuyo weka, atavanje mupupusu ukuṿitwa, nga wushingʼwezi, nga wʼivo, iṿwa kulonka atalonkaje mwe muvifile.

1 Peteli 2:8

Havili ukuva livwe lya kupunula nivwe lya kwazyʼavantu, lye vakupunula mumwo vak ve vakusitʼukusajilʼizwi, zye zizyo vavisilwe nzila.

1 Peteli 5:2

nkuti: Mudimajʼahinza idimilo lya Mulungu lye muli nalyo, mulisunjililaje. Mutavanje fwe ngati shimo shivaṿijilizizye ndali, nkandi musungwaje mwemwe mweka inza shʼakasimʼuMulungu. Vutavatumaje vwe vulonsi uvuvivi ndali, nkafidi ge moyo;

2 Peteli 1:16

She lwe tukuvavuzyʼimwe izya maha nizya vwinzilo vwa Mwene witu uYesu Chilisiti, pe tutaianditʼiṿwili ṿwe vakwiliha muvusheṿu vwa vantu ndah, she sweneswe tuhenyelezya mwe mupipi uvupiti vwakwe uvumwamu.

2 Peteli 2:1

Muvantu nyene mwe vah navakuvwi avilenga, inza she namumwinyu muliva navasambilizi avilenga. Ve muvushevu valiyinjizya uvuṿwalanganu uvupelakutupulwa, havili valiyihana kwa Mwene wʼavakazile. Valiyipalilʼuvutupulwa vwe vutalihavʼukuvaga.

2 Peteli 2:9

ShʼuMulungu amanyile ukuvapoha mululingo vuvo ve vakumunyila, nkandʼavenʼavasitavugolosu vʼamanyile ukuvasunda nukuvaviha suti ukufiha pisiku lya kulongwa.

uYuuda 1:11

Ve tukuti: Ye mayi we. She vajenzite idala lya Kayini, vayitezizye muṿipuva ṿwa Bilyamu, she vakuluvʼamalipilo. Vasyusyutilwe mumaluli ga Kola.

uYuuda 1:15

ukuvalonga vonti nukuvamenelezya avilaMulungu vonti pambombo zyonti izya vwilanyi vwavo vwe vahamwilanya napamazwi amahali gonti ge vamuhalapiye avatalamalandu avilaMulungu.

uYuuda 1:16

Avene ve vahatalukwinkwino nuludwegano, vakujenda mumpapilo zyavo, amalomu gavo gakuyanga amazwi amadudusu, vakuvasukumilʼavantu ukuti valonkaje ṿimo.

uYuuda 1:4

She valipo avantu vamo ve viṿile vwelele ukwinjila, ve vasimbililwe ukufuma he hali uvulanzi vunuvu, avasitakumunyilʼuMulungu, vʼuvwila vwa Mulungu witu vavugaluye ukuva vwa kuvapʼuvulugusu vwonti, havili vakumuhana uMuhataṿwonti nuMwene witu uYesu Chilisiti.

uYuuda 1:7

inza shʼinkaya ya mu-Sodomu niya mu-Gomola ninkaya zye zya palamiye mumwo, zye zyaholine navantu vanava, lwe zikupapamilʼuluvembu nukulandata amavili aganji, zye zivisilwe ukuva shimanyilo, she zikuyimba isunde lya mwoto wa shimashima.