2 Peteli 1:3 - Tesitamenti Umupwa 1965

³ Shʼamaha gakwe aga vulungu gatupiye ṿwonti iṿwa vulanzi niṿwa vunyilaMulungu muvumanyinsanyi vwa kumumanya wuyo wʼatwisite mwe muvumwamu vwakwe wuyo namumbombo zyakwʼinyinza.

ULufingwi uLupwa

³ UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 1:3 ပူးပေါင်းရင်းမြစ်များ

Matayi 28:18

UwenʼuYesu ahapalamila ahayanga navo ahati: Amaha gonti naga kumwanya naga pansi mpelilwe nenene.

VaLoma 8:32

Uwenʼuno wʼuMwana wakwe atamupepelezizye, nkandʼahamufumwa pazyitu, wʼangasitʼukutukunjila poka nawo ṿwonti lelo?

VaLoma 9:24

she sweswe swʼatwisite te kufuma kuvaYuda veka ndali nakuvakunzi vwelele.

1 VaKolinti 1:9

UwenʼuMulungu we mutungamu wʼavisitʼimwe muvulilani vwa Mwana wakwe uYesu Chilisiti uMwene witu.

2 VaKolinti 12:9

Nkandʼuwene ahambuzya ahati: Vujiye vwe vwila vwane iwe, shʼamaha gane gakuyipelʼukuva mda mwe muvuyeyevazu. —Mwe mumwo nkulusyʼukuyitima muluseshelo pazya vuyeyevazu vwane, ukuti amaha ga Chilisiti ganishile nukuzenga mumwanʼumu.

VaEfeso 4:1

Pe lelo nkuvatontela ne mukungwa mwa Mwene ukuti muhondele mulujendo muli zizyo zye mwisitwe lwʼavisite wuyo.

VaEfeso 4:4

She mwe muvili woka mwene, mwe Mupepo woka, inza she lwope nulusuvilo lwinyu lwe mwisitwe luli lwoka.

Filipi 3:8

Ilelʼishi zyonti nziwenyi ukuva zya kunazya, she mbwenyi ukumumanyinsanya uChilisiti Yesu uMwene wane kwe kulusizye uvugomu, we nziloṿezizye mumwakwe zyonti, we zyonti nziloleye mumwakwe ukuva makoko matupu, ukuti imulonche we Chilisiti,

Filipi 4:8

Nkumalilizya lelo mwe vamwitu, nkuti izya nalyoli zyonti, nizya mushinzi zyonti, ningolosu zyonti, ninzelu zyonti, ninyinza zyonti, nazyonti zye zihondeyʼukuyangwa, nga zya vwahayisunde, nga zya kutimwa, zye muzipangamale zyonti zinizi.

Kolosi 1:16

She ṿwonti ṿipe-zilwe mumwakwe wuyo, iṿwa kumwanya niṿwa pansi, ṿwe ṿikuvoneha muminso naṿwe ṿitakuvoneha, navimishilwa, nuvumwene vwonti, nuvusongo vwonti, nuvuhombe vwonti. Vwonti ṿipezilwe mumwakwe wuyo ukuti ṿivanje ṿwakwe.

1 VaTesaloniki 2:12

ukuti mujendelaje inza mwe zivahondeyʼimwe kwa Mulungu wʼavisite ukwinjila mushinamwene shakwe namuvumwamu vwakwe.

1 VaTesaloniki 4:7

ShʼuMulungu atatwisitʼiswe ukuti tuve muvuhandamanu nkandi muvufinjile.

2 VaTesaloniki 2:14

Zye zizyo avisitʼimwe mwIvangeli lyitu ukuti mulonkajʼuvumwamu vwa Mwene witu uYesu Chilisiti.

1 Timoti 4:8

Shʼukuyivelezya we muntu kwe kukukuvosya hansi vwelele, nkandʼukunyilʼuMulungu kwe kukukuvosya iṿintu ṿwonti she kuli nulumfingwi lwa vulanzi nuvwa shinishi navwe vukwinza.

2 Timoti 1:9

Wʼatuposile nukutwita ulwitʼulufinjile lwe lute lwa kutulipa pambombo zimo zye twavomṿilʼiswe ndali, nkandi lwe lukulandata mulukasamo lwakwe lwʼali nalwo ukufuma he hali namuvwila vwakwe vwʼatupiye nzila mwa Chilisiti Yesu lwe gashili nukuvazilwa amaha ga nsi yinino.

VaHebuli 1:3

Uwene we vulangalizu vwa vumwamu vwa Mulungu, shati sha wuyo mwʼavaliye ula, mwizwi lya maha gakwe aṿipezile ṿwonti ukuva, lwʼayipezilʼukuva luzelufwo lwa vutalamalandu vwitu, pʼahavala ukutendama kumuhonʼumulilo wa Vuhatavupiti muvutunyusu.

1 Peteli 1:15

nkandi inza she mufinjile wʼavisitʼimwe, namwe muyipelajʼukuva mwe vafinjile mulujendo lwinyu lwonti,

1 Peteli 1:5

imwe mwʼulwitiho lwinyu lukuvasunjilila mumaha ga Mulungu ukuti muhafishe muvupokwa vwe vuyananizilwe nzila ukugwinkulwa mumanda ga kumpelela.

1 Peteli 2:21

She zye zizyo mwisitwe, shʼuChilisiti avayimbiyʼimwe, mwʼahavaleshela isha kwenyelezya mumwo, ukuti mulandate munyayo zyakwe:

1 Peteli 2:9

Nkandʼimwe mwe luho ulusavulwa, mwe vwashiputo vwa shimwene, mwe vantʼavafinjile, mwe vantu va nsavo yakwe, ukuti mukumusyajʼimbombʼinyinza izyakwe wuyo, wʼavavilishiye ukuvafumwa mushisi ukuti mwinjile muvuzelu vwakwe uvwa kusukumila.

1 Peteli 3:9

Zye ndali ukugalushizanyʼimbivi pambivi, nga luligo paluligo. Nkandi muvanje nalyo lye lya kulota, she zye zizyo mwisitwe ukuti mupwane vwe vulote.

1 Peteli 5:10

Uwene nyenʼuMulungu umuhatavwila vwonti, wʼavisitʼimwe ukwinjila muvumwamu vwakwe vwa shimashima mwe mwa Chilisiti, wʼalivapela wuyo ukuva mwe vila, alivagomwʼamaha, alivapʼinguṿu, alivasimfwʼimwe mwe muyimṿile amanda mansi.

2 Peteli 1:10

Mwe mumwo lelo mwe vamwitu, mulusyajʼukuyikungula ukusimpa mulwitiho lwinyu namuvusavulwa vwinyu, shʼinga mukuhonzya vovulo pe mutalipunula nalumo.

2 Peteli 1:2

Uvwila vuvanje namwe nuvwihalo vuṿulaje muvumanyinsanyi vwa kumumanyʼuMulungu nuYesu uMwene witu.

2 Peteli 1:5

Mwe mumwo lelo muyikungule uvwahayikungule ṿwonti ukuti palwitiho lwinyu pe mupatinkanye nuvusunde, pavusunde pe mupatinkanye nuvumanyinsanyi,

2 Peteli 1:6

pavumanyinsanyi pe mupatinkanye uvuteshelaṿintu, pavuteshelaṿintu pe mupatinkanye nuvuṿindilamalema, pavuṿindilamalema pe mupatinkanye nuvunyilaMulungu,

2 Peteli 1:8

Shʼinga muli nazyo zinizi, inga zikuṿula, pe zitakuvapelelʼimwe uvuhata, zitakuvapela ukuva mwe vasitansanga muvumanyinsanyi vwa Mwene witu uYesu Chilisiti.

2 Peteli 2:20

Shʼinga vashimbiyʼuvupamizu vwa munsʼumu, she vamumanyinsinye uMwene uYesu Chilisiti uMuposhi, inga vakuvuyizya ukuyipinzya mumwo, pe kuli vuvo izya mwisinda zinizi zilusizye uvuvivi nakuntanzi zila.

2 Peteli 3:18

Mukulaje lelo muvwila namuvumanyinsanyi vwa kumumanyʼuMwene witu nuMuposhi uYesu Chilisiti. Uwene ali nuvumwamu shinishi napisiku lyʼuvusitakusila vuliyanda.