1 Peteli 5:3 - Tesitamenti Umupwa 1965

³ mutayipelajʼukuva mwe vamwene mushigavo she muninchilizilwe ndali, nkandi muyipelajʼukuva mwe va kwenyelezya mumwo idimilo.

ULufingwi uLupwa

³ Mutavhakonzyaje avhiitisi vhe mukuvhalongozya ku maha, nkandi uvhulanzi vhwinyu vhuvhanje shiholanyo ishinza ku kwavho.

1 Peteli 5:3 ပူးပေါင်းရင်းမြစ်များ

Yohani 13:15

Mbapiye aha kwenyelezya mumwo, namwe ukuti muvombelane huho he nane mbavombeye imwe.

iMbombo izya Vhatumwa 20:28

Mwandaje muyenyajʼahinza mwenemwe, mulyenyajʼahinza lyope nidimilo lyonti lyʼuMupepʼuMufinjile avavisilʼimwe ukuva mwe vasunzi, ukuti mudimajʼishivanza sha Mulungu shʼashikazile namavanda gakwe wuyo.

1 VaKolinti 11:11

Havili umwantanda akunjilinkine numulume, wope numwanaṿuli akunjilinkine numushi mwa Mwene.

1 VaKolinti 3:5

UwenʼuApolo muntu vuli? UPavuli muntu vuli? Ve vavomṿi vwelele ve vavaleteyʼimwe ulwitiho, inza mwʼuMwene amupiye umuntu wonti unʼizyakwe unʼizyakwe.

1 VaKolinti 3:9

Shʼiswe swe va kumutulʼimbombo uMulungu; imwe mwe mugunda wa Mulungu, mwe vuzenje vwa Mulungu.

2 VaKolinti 1:24

Te lya kuti swe vamwene va lwitiho lwinyu ndali, shʼiswe tukuvombelana swenti poka pazya luseshelo lwinyu. She musimime mulwitiho.

2 VaKolinti 4:5

She tutakuyikumusya sweneswe ndali, nkandi tukumukumusyʼuChilisiti Yesu we wʼuMwene. Iswe nyene tukuti swe vazya vinyu pazya Yesu.

Filipi 3:17

Mundandatʼine mulujendo, mwe vamwitu. Muvenyelezyaje vuvo ve vakujendela mumwo inza she tuvapeleyʼimwe ukuva swe shiholanyo.

Filipi 4:9

Nazye musambiliye, nazye muposheleye, nazye mwiṿuye, nazye muwenyi kukwane, zye muvombaje zizyo. PʼuMulungu umuhatavwihalo aliva namwe.

1 VaTesaloniki 1:7

Zinizi zye muhayipelʼukuva mwe va kwenyelezya mumwo avitisi vonti ava mu-Makedoniya nava mw-Akaya.

2 VaTesaloniki 3:9

Te lya kuti tute namaha, nkandi ukuti tuvanje swe va kwenyelezya mumwʼimwe, ukuti mutulandatʼiswe.

1 Timoti 4:12

Numo atakusufwaje uvunsi ndali, nkandi uyipelajʼukuva we wa kwenyelezya mumwʼavitisi mumazwi namulujendo namushikunzi namulwitiho namuvuzelu.

uTiiti 2:7

Muli zyonti iwe uyipelajʼukuva we wa kwenyelezya mumwo imbombʼinyinza, namunsambilizyo ulolesyaje uvusitashipuva nuvumwamu,

1 Peteli 2:9

Nkandʼimwe mwe luho ulusavulwa, mwe vwashiputo vwa shimwene, mwe vantʼavafinjile, mwe vantu va nsavo yakwe, ukuti mukumusyajʼimbombʼinyinza izyakwe wuyo, wʼavavilishiye ukuvafumwa mushisi ukuti mwinjile muvuzelu vwakwe uvwa kusukumila.